१ कोरिन्थी 13:5 - थुलुङ राई

⁵ रिखाम बाक्‍छो़र्मा मेदु़म, त्‍वाकाम कोङङा जो़पा बेपा मेदु़म। रिखामका छोक्‍चो मेबु़ मा मेजो़पा ल्‍वा नडा मेकुर्थाडु़।

१ कोरिन्थी 13:5 Referans Kwoze

१ कोरिन्थी 10:24

सु़का वो उ त्‍वाप कोङङा जो़पा दु़म्‍पा मेएँ, लावो वाङमिमकाम लागि जो़पा दु़म्‍नु़ र्‍वाक्‍पा नकाम दु़म्‍नु़।

याकूब 1:19

आमा द्‌वादीबुङ वा-ल्‍वाकनी, ओराम ल्‍वा थेट्‌नी: खोत्‍ले मु़चु़ दाला थो़पा, वाखा जेपा, मा छोक्‍चो इम्‍सिक्‍पा दु़म्‍मु बासी।

फिलिप्‍पी 2:21

वाङमिमका ने येशू ख्रीष्‍टका हाम न बोमी र्‍वाक्‍पा मेएँ, उनी त्‍वाकु नथो़ कोङङा न सोमी।

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

१ कोरिन्थी 12:25

मेम्‍साका इकी मिरो़मडाम अंगमिमकु गो फ मेदु़म्‍नु़, लावो कोले अंगका कोङमीलाई कोहोप्‍मामङा मिम्‍मिनु़।

२ कोरिन्‍थी 5:19

मेराम र्‍वाक्‍मा ने मु़चु़मिमका बेम्‍डिम छु़लकु मुमा मेबेसाका माम्‍चु़नीका खोत्‍ले मु़चु़मिमलाई ख्रीष्‍टलामका गुमीनुङ न-थो़म घ्रो़म्‍बेट्‌मिडिम बु। मेम्‍मा वाङमिमलाई जो़पा-सेला थो़बेसाका न-थो़म घ्रो़म्‍बेट्‌पा खारी गुकुलाई ग्‍वाक्‍तिकिम बु।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

१ कोरिन्थी 11:18

गो र्‍वामुङा बासिलो, गानी मण्‍डलीडा कोदेप खोम्‍सिनिलो गानीगोडा गो-फ दु़म ए र्‍वाक्‍पा गो थो़उ। कोङनिम ल्‍वा आच्‍छाङा वो दु़म्‍मु चाप्‍सु़।

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

लूका 7:39

येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

मर्कूस 3:5

येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

२ थेसलोनिकी 3:7

हेङालोने गुकु बेत्तोकोम होम्‍साकाङा गानी वो खारी बोमु बासी र्‍वाक्‍पा ने चनिम ङा बु। गुकु गानीनुङ बात्तोकोम थारीका हेल्‍लो वो मेभ्रेकुवा।

१ कोरिन्थी 7:36

कोङनिम मु़चु़का उमाडा बिम्‍मा मेसेमलाई जो़होम बेउतोम मिबु र्‍वाक्‍पा मिम्‍डु़, मा मेराम मेसेमकु लालीकुन्‍दा बेपा दु लमु खाप्डु़म बु, मा वो मे वोस्‍चो़का लालीकुन्‍दा बोमु न बु़ माला लालीकुन्‍दा बु़नु़। ओरामडा हाम वो छु़ल मेदु़म। मेर्चिपकाम लालीकुन्‍दा दु़म्‍मु बासी।

मत्ती 9:4

मेर्मिमका हाम मिम्‍तोङा लेन्‍मी र्‍वाक्‍पा ल्‍वा येशूका चम्‍डिमा र्‍वाम्‍डी, “गानी हेङा इनी नडा आरेप्‍माम मेजो़पा मिम्‍निमिम?

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

२ तिमोथी 4:16

अदालतडा ङादोम थारीका लङ्‌डिमिलो सु़ वो गोलाम मेबाम्‍सिप्‍मिवा, मा गोलाई खोत्‍लेका ङेट्‌ङिडिमी। मेमङा लोवो ओराम ल्‍वाकु देन्‍दे मेर्मिमलाई माम्‍चु़नीका मेग्‍वामिनु़।