१ कोरिन्थी 13:3 - थुलुङ राई

³ गो खोत्‍ले आ खाप्‍ची उनी हाम वो मेबाट्‌पामिमलाई दो़उसाक्‍पुमी, मा आमा मिरो़म चामु ग्‍वाक्‍पु, लावो आगोनो रिखाम मिबु माला गो हाम वो मेल्‍वाउ।

१ कोरिन्थी 13:3 Referans Kwoze

यूहन्‍ना 15:13

त्‍वाकु ङोप्‍सो़काम लागि त्‍वाकु साम फ्‍यामुडाममा डोक्‍पु रिखाम सु़काम वो मेदु़म।

मत्ती 23:5

“मु़चु़मिमलाई रेम्‍बोमु लागि मेर्मिमका खोत्‍ले खारी बोमी: माम्‍चु़नीकु सिजेम कुर्खोप डोक्‍पु बनेबोमिमा उनी कुप्‍पीभाल नुङ ल्‍वाड्‌डा बन्‍मी। उनी हुम-येकु झुम्‍कामिम धु़प्‍पा-धु़प्‍पा बनेबोमी।

गलाती 5:26

गुइ कोलेका कोङमीकु छोक्‍चो फक्‍साक्‍पा, डोक्‍पु लिसिक्‍पा मा नाचु़र बेपा दु़म्‍सी मेनु़।

लूका 18:28

मेकोतिमा पत्रुसका र्‍वाक्‍ता, “रेप्‍नी, गुकु खोत्‍ले आकी नेम-किम डिसाका इनी चङचङ लाम्‍दित्तोकोम बु।”

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

यूहन्‍ना 12:43

हेङालोने माम्‍चु़नीका डोक्‍पु बोमिमिमडाम ने मु़चु़मिमका डोक्‍पु बोमिमिम मेर्मिमका हापा द्‌वाम्‍थाल्‍मिडी।

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

थु़र्मा 21:13

लावो पावलका र्‍वाक्‍ता, “गानी हेङा आरेसाका ख्राम्‍नीमा आमा न चनिमिम? गो ङाचो़ येशूकाम लागि यरूशलेमडा बन्‍ला सो़म्‍सिमु कोङङा मेएँ, सिमु ङा वो हाम होङ्‍ङा मेलु़ङु।”

यूहन्‍ना 13:37

पत्रुसका र्‍वाक्‍ता, “ङाचो़, हेङा गो ओम्‍लो इनीमा चङचङ लाम्‍दिमु मेचापु? इनीमा लागि गो आमा साम वो फ्‍यामु चापु।”

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

लूका 19:8

मेकोतिमा जखायस येस्‍तामा ङाचो़ येशूलाई र्‍वाक्‍ता, “रेप्‍नी, ङाचो़, गो आमा को फ्‍वा खाप्‍ची उनी हाम वो मेबाट्‌पा मु़चु़मिमलाई ग्‍वाक्‍पुमी, मा कोङनिम मु़चु़लामका कर फमु थारीका लु-फेले बेसाका रउतोम बु माला गो मेरामकाम ब्‍ल गुणा ख्‍लोक्‍साक्‍पु।”

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।