१ कोरिन्थी 13:13 - थुलुङ राई

¹³ थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

१ कोरिन्थी 13:13 Referans Kwoze

१ कोरिन्थी 16:14

गानी हाम बोनी रिखामनुङमा दु़म्‍निमा बेबेनी।

कलस्‍सी 3:14

ओर्मिम खोत्‍लेडलाम रिखाम काप्‍तो लक्‍नी। रिखामङा ओर्मिम खोत्‍ले ल्वालाई जो़होमका कोले बेसाका बट्‍पा रिवा सो़।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

फिलिप्‍पी 1:9

गो इनीमा लागि ओराम सो़म्‍दी बेउ: इनीमा रिखाम, नेप्‍ची, नुङ थेसिथेसी छो़म बर्तो-बर्तो लनु़,

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ यूहन्‍ना 2:10

उहेमका उ वा-ल्‍वाकलाई रिखाम बु़, गु ओलडा बु मा गुलाई छु़ल बेबेट्‌पा उमाडा हाम वो मेदु़म।

१ थेसलोनिकी 5:8

लावो गुइ ने नेम्‍फुम मु़चु़ सो़, मेम्‍मिमका त्‍वापलाई जो़होमका जु़ली, येशूडा थो़रलु़मुम बुमु मा वाङमिमलाई रिखाम बोमुम बुमु लागि बोपा-थार्पा धक्‍चीख्रेम फम्‍सिमु बासी। मेम्‍मा येशूका सेल्‍सामी र्‍वाक्‍पा नाका बोपा-थार्पा खुचु़खुम खुम्‍सिमु बासी।

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

१ कोरिन्थी 8:3

लावो कोङनिमका माम्‍चु़नीलाई रिखाम बु़ माला मेरामलाई माम्‍चु़नीका छेमी।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ यूहन्‍ना 3:9

माम्‍चु़नीलाम गक्‍पा उहेम मु़चु़का वो छु़ल बु़होम मेबु, हेङालोने माम्‍चु़नीकु त्‍वारो़म मेराम मु़चु़ गोनो दु़म। मेराम मु़चु़का छु़ल बु़होम मेबु, हेङालोने मेराम मु़चु़ माम्‍चु़नीलाम गस्‍ताम सो़।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।

१ यूहन्‍ना 2:14

ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने गानी इनी न-गोडा सोनुङमा बुनी, मा माम्‍चु़नीकु सिजेम इनीमा नडा बु। मेम्‍मा शैतानडला गानी घ्‍ल्‍वान्‍निम बु।

हिब्रू 6:19

मेराम हाम-हुम ल्‍वापा नकाङा गुइलाई झेथाक्‍सा मा मेराम थो़रलु़इमिम नुङ भाल-आथो़ मेदु़म्‍पा बु। हाम-हुम ल्‍वापा ओराम नका रिपा-येगोनोम माम्‍चु़नीकु बाखोपगोनो लक्‍सा।

२ तिमोथी 1:7

हेङालोने माम्‍चु़नीका गुइलाई ङिमलु़बेट्‌पा न मेएँ, लावो यु़म, रिखाम नुङ त्‍वापलाई जो़होमका जु़ल्‍पा न ग्‍वाक्‍साड्‌डामिम बु।

हिब्रू 6:11

आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।

२ कोरिन्‍थी 5:15

गुमी खोत्लेकाम लागि सिम्डी। मेम्‍मिमका लाले त्‍वारो़म ल्‍वापामिमका आथाडा आनो त्वाकाम लागि मेएँ, लावो ख्रीष्‍टकाम लागि नु़मु बासी, गुमी मेर्मिमकाम लागि सिम्‍डी मा सिमुलाम बम्‍गेम्‍डिम।

१ कोरिन्थी 14:1

रिखामकु लाम्‍दी खाट्‌नी मा माम्‍चु़नी पेलकु राप्‍लावा ल्‍वापा छो़म न बेनी। मेरामडाम वो हापा माम्‍चु़नीलाम जेपा राप्‍लावा ल्‍वामु छो़म न सोक्‍नी।

१ कोरिन्थी 3:14

मेराम नेमकु फारडला बनेबेपा मु़चु़कु खारी मुगोडा फिकिलो फोका मेदु़प्सावा माला मेराम मु़चु़का पुरस्‍कार ल्‍वासु़।

१ यूहन्‍ना 2:24

ङादो गानी हाम सीन्‍सिट्‌निम मेरामडा गानी थो़र लु़इमिम दु़म्‍मुम बुमु बासी। गानी मेम बेन्‍नी माला इनीमा हेमकेम माम्‍चु़नी पाप नुङ उनीमा तारापाचो़नुङ दु़महोम बु।

लूका 22:32

लावो गाना गोडला थो़रलु़मुम बुमु मेडिडा र्‍वाक्‍साका गो इमा लागि सो़म्‍दी बेउतोम बु। गाना आमाडा रोकामा गानानुङ लाम्‍दिपा सीसिपामिमका गोडला थो़रलु़मु लागि उनी सो हन्‍बेसाडामी।”

लूका 10:27

गुका र्‍वाक्‍ता, “‘मिप्रङमा इमा माम्‍चु़नीलाई खोत्‍ले इमा न-गोका, खोत्‍ले इमा सामका, खोत्‍ले इमा सोका, मा खोत्‍ले इमा नका रिखाम बे।’ मेम्‍मा ‘गाना इमा त्‍वापलाई होङङा इमा साउखोरेलाई रिखाम बे’।”

हिब्रू 10:39

गुइ ने चङथो़ स्‍वापा मा सिपामिम मेएँ, लावो थो़र लु़पा मा सेल्‍सिक्‍पामिम सो़।

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

हिब्रू 10:35

मेम्‍मिमका इनी रुखु फिन्‍मु मेडिट्‍नी, ओरामका हापा पुरस्‍कार ल्‍वाबेनी।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।