१ कोरिन्थी 13:12 - थुलुङ राई

¹² ओम्‍लो गुइ ऐनाडा ब्‍लाम-ब्‍लामया ल्‍वासिमिम होप्‍माम ल्‍वासी, लावो मेम्‍लो गुइ छ्‌याङलो-छ्‌याङलो ल्‍वासी। लावो ओम्‍लो गो कि-कि कोङङा थेसिथेट्‌पु, माम्‍चु़नीका गोलाई छेङिमिमिम होम्‍साका मेम्‍लो गो जो़होमका थेसिथेट्‌पु।

१ कोरिन्थी 13:12 Referans Kwoze

१ यूहन्‍ना 3:2

द्‌वादीबुङ ङोप्‍सो़नी, ओम्‍लो गुइ माम्‍चु़नीकु चो़च्‍चो़मिम बुइ, मा दिफु गुइ हाम दु़म्‍सी मेराम मेच। लावो गुइ ओराम च, ख्रीष्‍ट आथावो योमिलो गुइ गुमी होप्‍मामङा दु़म्‍सी हेङालोने गुमी हेप्‍माम बुमी मेप्‍मामङा गुमीलाई ल्‍वासी।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

फिलिप्‍पी 3:12

ओर्मिम खोत्‍ले गो ल्‍वामु दु़म्‍तोम बु डे, जो़पा दु़म्‍मु दु़म्‍ङोडोम बु र्‍वाक्‍साका ने मेएँ, लावो मेर्मिम ल्‍वा जेन्‍मु लागि आमा सो हन, उहेम ल्‍वाकाम लागि ख्रीष्‍ट येशूका गोलाई जेट्‌ङिडिमी।

रेम्‍बेट्‌मिडिम ल्‍वा 22:4

मेर्मिमका माम्‍चु़नीकु ङाली ल्‍वामी, मा उनीमा नङ मेर्मिमकु कुप्‍पीडा दु़म।

याकूब 1:23

कोङ मु़चु़का माम्‍चु़नीकु सिजेम थो़सु़ लावो मेरामका र्‍वामिम होम्‍साका मेबु़ माला ने गु उ त्‍वाकु ङाली ऐनाडा रेपा होप्‍माम दु़म।

२ कोरिन्‍थी 5:7

गुइ थो़रलामका बुइ-दोसी, मिक्‍सीका ल्‍वासिमिम ल्‍वालामका मेदोसी।

मत्ती 5:8

सेपा न-गोकाममिम जिनुङमा सो़, हेङालोने मेर्मिमका माम्‍चु़नीलाई ल्‍वामी।

१ कोरिन्थी 8:3

लावो कोङनिमका माम्‍चु़नीलाई रिखाम बु़ माला मेरामलाई माम्‍चु़नीका छेमी।

रोमी 8:18

ओम्‍लो गुइ इम्‍डिमिम दु़खानुङ गुमीका गुइडला दिफु रेम्‍बोमिमिम यु़म झ्‍वाक्‍सी थो़म्मु मेघ्रेट्‍पा बु।

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

यूहन्‍ना 10:15

आमा पापका गोलाई छेङिमी, मा पापलाई गो छेपुमिम होङ्‍ङा भेन्‍दामिमकाम लागि आ त्‍वापलाई सासेट्‌पु।

१ कोरिन्थी 13:11

चो़च्‍चो़ बाङडोलो चो़च्‍चो़ होप्‍माङा जेङ्‌थाल्‍ङोडो, चो़च्‍चो़ होप्‍माङा मिम्‍थाल्‍तो, चो़च्‍चो़ होप्‍माङा नडा र्‍वाङ्‌थाल्‍ङोडो। लावो ओम्‍लो गो स्‍वाला दु़म्‍ङोडो मा चो़च्‍चो़ होप्‍माम दु़म्‍सी ङेत्तो।