१ कोरिन्थी 13:11 - थुलुङ राई

¹¹ चो़च्‍चो़ बाङडोलो चो़च्‍चो़ होप्‍माङा जेङ्‌थाल्‍ङोडो, चो़च्‍चो़ होप्‍माङा मिम्‍थाल्‍तो, चो़च्‍चो़ होप्‍माङा नडा र्‍वाङ्‌थाल्‍ङोडो। लावो ओम्‍लो गो स्‍वाला दु़म्‍ङोडो मा चो़च्‍चो़ होप्‍माम दु़म्‍सी ङेत्तो।

१ कोरिन्थी 13:11 Referans Kwoze

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

गलाती 4:1

लावो गो र्‍वामु माल्‍तोम ल्‍वा ओराम ङा सो़, माम-पापकु खाप्‍ची ल्‍वापा मु़चु़ चो़च्‍चो़ङा बु माला गु खोलेम थोककु हप दु़म लोवो डु़ल्‍चो़ होप्‍माम ङा सो़।

मत्ती 16:7

मेर्मिमका उनी त्‍वाप-त्‍वापडा आरे र्‍वाबोमु चो़म्‍मिडी, “गुइ सो़बेम मेकुरिवामका गुमीका आरे र्‍वामिमिम रो ओ।”

१ कोरिन्थी 13:10

लावो खोत्‍ले थेसिथेट्‍पा आच्‍छाङाकाम ल्‍वा रोलो किचो़म ओराम थेसिथेसी ल्‍वा दाममा ल।

१ कोरिन्थी 13:12

ओम्‍लो गुइ ऐनाडा ब्‍लाम-ब्‍लामया ल्‍वासिमिम होप्‍माम ल्‍वासी, लावो मेम्‍लो गुइ छ्‌याङलो-छ्‌याङलो ल्‍वासी। लावो ओम्‍लो गो कि-कि कोङङा थेसिथेट्‌पु, माम्‍चु़नीका गोलाई छेङिमिमिम होम्‍साका मेम्‍लो गो जो़होमका थेसिथेट्‌पु।