१ कोरिन्थी 13:1 - थुलुङ राई

¹ गो मु़चु़मिमकु हापा सामाकाम ल्वा नुङ पाह्रीचो़मिमकु ल्‍वा जेङु, लावो आगोनो रिखाम मिबु माला गो ने सेका-सेका येपा पिङमा नुङ घ्रो कोङङा दु़म्‍ङु।

१ कोरिन्थी 13:1 Referans Kwoze

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ पत्रुस 4:8

खोत्‍लेडाम डोक्‍पु ल्‍वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्‌याकु़।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

१ कोरिन्थी 13:8

रिखाम हेल्‍लो वो मेदाम, लावो माम्‍चु़नीलाम जेसीमिम दाम, ल्‍वामिम दाम, नेप्‍ची दाम।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

रोमी 14:15

गानी पोनिमिम पोमुथोकका थो़रलु़पा वा-ल्‍वाकमिमकु न नो़ माला गानी मेर्मिमलाई रिखाम बोनिमिम मेदु़म। ख्रीष्‍ट उनी त्‍वापङा सिसाका सेल्‍मिडिम मु़चु़लाई इनीमा पेसी-डुसीकु ल्‍वाका पुयु़मेलुबेट्‍नु़।

मत्ती 25:45

“मेकोतिलो हपका र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ख्‍लो़मु मेबिन्‍सिट्‌निवामङा गोलाई ख्‍लो़मु मेबिन्‍सिट्‌निवाम सो़।’

१ कोरिन्थी 12:8

कोङनिमलाई माम्‍चु़नी-पेललाम नेप्‍चीकु ल्‍वा जेपा, कोङनिमलाई मेरामङा पेललामका नकु ल्‍वा जेपा,

१ कोरिन्थी 12:16

मा नोफ्‍लाका “गो मिक्‍सी मेएँ, मेम्‍मिमका गो मिरो़मगोडाम भाग मेएँ” र्‍वाक्‍ता माला हाम मेराम मिरो़मगोडाम अंग मेएँ मा?

२ कोरिन्‍थी 12:4

गुलाई माम्‍चु़नीका पाह्रीला कोम्‍डिमा मेसिन्‍डा मु़चु़कु सिका र्‍वामुङा मेचापा नुङ मु़चु़का सो़सी मेनु़पा ल्‍वा गुका थो़स्‍तु़।

मर्कूस 16:17

थो़रलु़पामिमनुङ ओर्मिम छेखोपमिम दु़म– मेर्मिमका आमा नङडा मुनाङपेलमिम ख्‍लुमी, लाले जेसी जेमी।

१ कोरिन्थी 12:10

पेलका कोङ मु़चु़लाई यु़मखारीमिम बेपा यु़म ग्‍वाकु़, मा कोङनिमलाई माम्‍चु़नीलाम जेपा ल्‍वा, कोङनिमलाई पेललाम रोक्‍पा राप्‍लावा छेमु चापा, कोङनिमलाई वाङ-वाङ ल्‍वाडा जेमु चापा, कोङनिमलाई वाङ-वाङ ल्‍वाडा जेम्‍डिम ल्‍वाकु दुथाम सो़मु चापा राप्‍लावा ग्‍वाक्‍सामी।

१ कोरिन्थी 14:2

थेसिमेथेडिमिम वाङ सामा ल्वाडा जेपाका मु़चु़मिमनुङ मेएँ माम्‍चु़नीनुङ जे। गुका जेमिम ल्‍वा सु़का वो थेसिमेथेडु़। थक्‍मा ल्‍वामिम गुका माम्‍चु़नी-पेललाम जे।

१ कोरिन्थी 14:4

वाङ सामामिमकु ल्‍वाडा जेपाका उ त्‍वापलाईङा यु़मनुङमा बु़। लावो माम्‍चु़नीलाम जेपा मु़चु़का ने मण्‍डलीलाई यु़मनुङमा बु़।

१ कोरिन्थी 14:5

गानी खोत्‍लेका मे वाङ सामा ल्‍वाडा जेनी र्‍वाक्‍पा न बेउ, लावो मेरामडाम वो माम्‍चु़नीलाम जेनिमिम न बेउ। मण्‍डली यु़मनुङमा दु़म्‍तो लमुकाम लागि वाङ सामा ल्‍वाडा जेम्‍मा ल्‍वाकु दुथाम सो़मु चापा मु़चु़ सु़ वो मेबुमी माला वाङ सामा ल्‍वाडा जेमुडाम ने माम्‍चु़नीलाममिम जेसीङा जो़पा सो़।

रेम्‍बेट्‌मिडिम ल्‍वा 14:2

मेम्‍मा पाह्रीलामका छेकुमेर्कु येपा होङङा मा डोक्‍पु बुलु़लु़ होङङा र्‍वाक्‍पा थो़उतो। गो थो़उतोम मे लो़लाम कामसोर डु़पामिमका उनी कामसोर डु़प्‍मिडिम होप्‍माम बाइडा।