१ कोरिन्थी 12:9 - थुलुङ राई

⁹ कोङनिमलाई मेराम पेललामकाङा थो़रलु़पा, मा कोङनिमलाई मेराम पेललामका नो़पा मु़चु़ सबेट्‌पा राप्‍लावा ग्‍वाम्‍डिम बु।

१ कोरिन्थी 12:9 Referans Kwoze

२ कोरिन्‍थी 4:13

“गो थो़र बेउ, मेम्‍मिमका गो जेङु” र्‍वाक्‍साका माम्‍चु़नीकु सिजेमडा र्‍याक्‍मा बु, गुकुनुङ वो मेरामङा थो़र बु मा गुकु वो जेकु।

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

हिब्रू 11:33

थो़रकाङा ओर्मिमका किब्‍दीमिम घ्‍ल्‍वाम्‍डी, हाम जो़पा मेराम बेम्‍डी, माम्‍चु़नीका मेर्मिमलाई ग्‍वानिनी र्‍वाम्‍डिम ल्‍वाम्‍डी, धेन्‍द्रामिमकु सि ड्‌याम्‍डी।

१ कोरिन्थी 12:30

हाम खोत्‍लेनुङ नो़पा मु़चु़ सबेट्‌पा राप्‍लावा बु? हाम खोत्‍लेका वाङ सामा ल्‍वामिम जेमी? हाम खोत्‍लेका वाङ वाङ ल्‍वामिमकु दुथाम सो़मु चाम्‍मी?

१ कोरिन्थी 12:28

माम्‍चु़नीका मण्‍डलीडा आरेसाका जु़ल्‍मिडिम बु, ङादोमडा थु़र्मामिम, मेरामकु चङडा माम्‍चु़नीलाम जेपामिम, मेकोतिमा सीपा मु़चु़मिम। मेम्‍मा हेल्‍लो वो मेल्‍वाम्‍मा खारी बेपामिम, मा नो़पामिमलाई सबेट्‌पा राप्‍लावा ल्‍वापामिम, वाङमिमलाई ख्‍लो़पामिम, मण्‍डली रेपा बेपा मु़चु़मिम, वाङ सामा ल्‍वा जेमु राप्‍लावा ल्‍वापामिम।

मर्कूस 16:18

मेर्मिमका ब्‍लो जेन्‍मी, मा ङे ङा पोमी-डुमी लावो मेर्मिम हाम वो मेदु़म्‍मी। मेर्मिमका नो़पामिमडला उनी ल्‍वा जु़ल्‍मी, मा नो़पामिम वो सम्‍ल्‍याट्‌मी।”

थु़र्मा 5:15

मु़चु़मिमका नो़पामिमलाई लाम्‍दी-गुदीबाडे रेट्‌मिडी, मा पत्रुस रोलो उ पेल कोङङा लोवो मेर्मिमगोडाम कोङ-कोङडला दु़म्‍नु़ र्‍वाक्‍साका उनी अम्‍खोप नुङ खाटबाडे जु़ल्‍थाल्‍मिडी।

लूका 10:9

मेराम शहरडाम मु़चु़मिमलाई सबेट्‌नी, मा मेर्मिमलाई र्‍वाक्‍नी, ‘माम्‍चु़नीकु किब्‍दी इनी फार्डा ङा रोक्‍फाड्‌डाम बु।’

लूका 9:2

मा खोत्‍ले मु़चु़मिमलाई माम्‍चु़नीकु किब्‍दीकु दुथाम थो़बेड्‌डा नुङ नो़पा मु़चु़मिमलाई सबेड्‌डा थु़र्मिडी।

मर्कूस 6:13

मेर्मिमका छो़म सेर्पा मुनाङमिम ख्‍लुम्‍डी, मा सेर्पा नो़पामिम वो तेलका क्‍लक्‍साका सबेट्‌मिडी।

मत्ती 21:21

येशूका र्‍वाम्‍डी, “गानीलाई गो आच्‍छाङा र्‍वाङु, गानी थो़रलु़नी, मा इनीमा नड्‌डा मेमुर्सिनी माला बैससीकु धक्‍सालाई गो बेउतोम होप्‍माम नुङ हापा डोक्‍पु खारी बोमु चाम्‍नी। ओराम पोप्‍चङलाई वो ‘होसामा दिरिदिनगोयु़ आल्‍सा’ र्‍वानी, मा मेमङा दु़म।

मत्ती 10:8

नो़पा मु़चु़मिमलाई सबेट्‌नी, मा सिपा मु़चु़मिमलाई सिमुलामका फक्‍नी, जोन बेट्‌पा मु़चु़मिमलाई सेपा दु़म्‍बेट्‌नी, मुनाङमिमलाई कोल्‍नी। मेडेङा गानी ल्‍वान्‍नी, मेडेङा वाङमिमलाई वो ग्‍वाक्‍नी।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।