१ कोरिन्थी 12:6 - थुलुङ राई

⁶ खारीमिम हापा खालकाम बुमी, लावो गुइ खोत्‍लेडा कोले माम्‍चु़नीकाङा खारी बोमी।

१ कोरिन्थी 12:6 Referans Kwoze

१ कोरिन्थी 12:11

ओर्मिम खोत्‍ले गुमी कोलेङा माम्‍चु़नी पेलकु खारी सो़। गुमीका खोत्‍लेलाई त्वाकु न बोमिमिम होम्‍साका राप्‍लावा ग्‍वामी।

१ कोरिन्थी 3:7

ख्‍लिपा मु़चु़ हाम वो मेएँ, कु फिक्‍पा मु़चु़ वो हाम वो मेएँ। लावो बर्बेट्‌पा माम्‍चु़नी डोक्‍पु सो़।

यूहन्‍ना 5:17

येशूका मेर्मिमलाई आरे र्‍वाम्‍डी, “आमा पापका ओम्‍लोसम्‍म खारी बोमिम बुमी, मा गो वो खारी बेत्तोङा लेट्‌पु।”

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

एफिसी 4:6

गुइ खोत्‍लेकाम कोलेङा माम्‍चु़नी, मा उनीमा मु़चु़मिम खोत्‍लेकु पाप गुमी। गुमीका उनीमा खोत्‍ले मु़चु़मिमडला साखाम थो़मी, मेम्‍मा गुमीका उनीमा खोत्‍ले मु़चु़मिमलामका खारी बोमी, मा उनीमा खोत्‍ले मु़चु़मिमनुङ दु़म्‍मी।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

१ कोरिन्थी 15:28

माम्‍चु़नीका खोत्‍ले खारी बोमु दु़म्‍मिमिम चङडा ख्रीष्‍टकु साखामगोडा खोत्‍ले जु़ल्‍पा माम्‍चु़नीकु साखामगोडा तारापाचो़का वो उ त्‍वापलाई जु़लु़, मेम्‍मा आरेसाका माम्‍चु़नीका खोत्‍लेथो़म खोत्‍लेडला किब्‍दी थो़मी।

१ कोरिन्थी 12:5

लाले-पाङके बेसीमिम हापा खालकाम बुमी, लावो गुइ कोलेङा ङाचो़कु लाले पाङके बिइ।