१ कोरिन्थी 12:3 - थुलुङ राई

³ मेम्‍मिमका गानी आरेप्‍माम ल्‍वा चक्‍नी र्‍वाक्‍पा आमा न बु, मेम्‍मा माम्‍चु़नीकु पेललामका जेपा सु़का वो “येशूडला वाइतो रोनु़” मेर्‍वा। माम्‍चु़नी पेललामका कोङङा, “येशू ङा ङाचो़ सो़” र्‍वामु चाप्‍सु़।

१ कोरिन्थी 12:3 Referans Kwoze

२ कोरिन्‍थी 3:5

ओराम खारी बोमु घ्रेटपा बुकु र्‍वाक्‍साका गुकु र्‍वामु मेचाम्‍कु। लावो गुकुलाई ओराम खारी बोमु घ्रेट्‍पा दु़म्‍बेट्‍पा ने माम्‍चु़नी सो़।

रोमी 10:9

गानी इनीमा त्‍वाकु सिकाङा येशू ङा ङाचो़ र्‍वाक्‍साका सो़नी मा माम्‍चु़नीका गुमीलाई सिमुलाम फम्‍खेट्‌मिडिम र्‍वाक्‍साका इनीमा नगोलामका थो़रलु़नी माला गानी सेल्‍सिनी।

यूहन्‍ना 13:13

गानी गोलाई ‘सीपा’ नुङ ‘ङाचो़’ र्‍वानी, गानी र्‍वानिमिम मेराम जो़पाङा, हेङालोने गो गुङा सो़।

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

यूहन्‍ना 15:26

“जेप्‍साक्‍पा योमी, उहेमलाई पापलामका गो गानीडा थु़रु। पापलामका योक्‍पा आच्‍छाङाम पेल गुमी, गुमीका आमा दुथाम सो़मी।

मत्ती 22:43

गुमीका मेर्मिमलाई र्‍वाम्‍डी, “मेम माला हेसाका माम्‍चु़नी-पेललाम दाऊदका ख्रीष्‍टलाई ‘आमा ङाचो़’ र्‍वाबेट्‌मिडी? हेङालोने दाऊदका आरेसाका र्‍वाक्‍ताम बु,

मर्कूस 9:39

लावो गुमीका र्‍वाम्‍डी, “मेरामलाई मेम मेबेनी, हेङालोने आमा नङडा यु़म-खारी बेपाका आमा नङडा मेजो़पा मेजेल्‍या।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

रोमी 9:3

आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।

रेम्‍बेट्‌मिडिम ल्‍वा 1:10

ङाचो़कु नेम माम्‍चु़नी-पेललाम गो लु़न्‍सिङडो मा गो आमा चङलामका भुम होप्‍माम डोक्‍पु लो़लाम थो़उतो।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

यूहन्‍ना 13:14

गो इनीमा ‘सीपा’ नुङ ‘ङाचो़’ दु़म्‍साका वो इनीमा खेल सो़ल्‍तो माला गानी इनीमा खेल सोल्‍बेबोमु बासी।

थु़र्मा 8:37

[फिलिपका मेरामनुङ र्‍वाक्‍ता, “इनी न-गोलामका ङा थो़रलु़नी माला गानी कु-रु़दु़म रमु चाम्‍नी।” मेरामका र्‍वाक्‍ता, “आच्‍छाङा येशू ख्रीष्‍ट ङा माम्‍चु़नीकु चो़ र्‍वाक्‍साका गो थो़र बेउ।”]