१ कोरिन्थी 12:11 - थुलुङ राई

¹¹ ओर्मिम खोत्‍ले गुमी कोलेङा माम्‍चु़नी पेलकु खारी सो़। गुमीका खोत्‍लेलाई त्वाकु न बोमिमिम होम्‍साका राप्‍लावा ग्‍वामी।

१ कोरिन्थी 12:11 Referans Kwoze

१ कोरिन्थी 12:4

माम्‍चु़नी पेललाममिम राप्‍लावामिम हापा खालकाम बुमी, लावो राप्‍लावा ग्‍वाक्‍पा माम्‍चु़नी पेल कोलेङा बुमी।

हिब्रू 2:4

माम्‍चु़नीका वो छेखोपमिम, हापा खालकाम हेल्‍लो वो मेल्‍वाम्‍मा खारीमिम नुङ यु़मनुङमा खारीमिम रेम्‍बेसाका, मा उनी नकाङा मेर्मिमलाई दो़म्‍साम्‍डिम माम्‍चु़नी-पेलकु राप्‍लावामिमलाम ओराम ल्वा आच्‍छाङा र्‍वाक्‍साका रेम्‍बेम्‍डी।

२ कोरिन्‍थी 10:13

माम्‍चु़नीका बेबेतिकिमिमडाम होनोवाम ल्‍वाडा गुकु डोक्‍पु मेलिसिन्‍कु। माम्‍चु़नीका गुकुलाई इनीमाडा रोक्‍साका ओराम खारी बेबेतिकिमिम बु, गुकु ओराम खारीकु दुथाम कोङङा डोक्‍पु लिसिन्‍कु।

एफिसी 4:7

लावो ख्रीष्‍टका गुइ त्‍वाप त्‍वापलाई हापा खालकाम खारी बेपा यु़म उनीमा मुलु़ होम्‍साका ग्‍वाक्‍साड्‌डामिम बु।

१ कोरिन्थी 12:6

खारीमिम हापा खालकाम बुमी, लावो गुइ खोत्‍लेडा कोले माम्‍चु़नीकाङा खारी बोमी।

याकूब 1:18

गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।

एफिसी 1:11

ख्रीष्‍टनुङ कोदेप दु़स्‍तिमका गुइलाई वो माम्‍चु़नीका खुन्‍चु़म खुसिमु ल्वापा दु़म्बेसाड्‍डामिम बु। खोत्ले ल्वा उनीमा त्‍वाकु न होम्‍साका बेप्‍सोक्‍पा माम्‍चु़नीका इकीमा दुथाम ङादोङा आरेसाका मुलु़ बेम्‍डिम बाइडा।

१ कोरिन्थी 7:17

माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।

१ कोरिन्थी 7:7

खोत्‍ले मु़चु़मिम गो होङङा त्‍वापङा बुमिनु़ र्‍वाक्‍पा न बेउ। लावो खोत्‍ले मु़चु़का माम्‍चु़नीलाम त्‍वा-त्‍वाहोम राप्‍लावा ल्‍वाम्‍डिम बु, कोलेका को खालकाम कोङमीका वाङखालकाम।

रोमी 12:6

माम्‍चु़नीका उनीमा दिदामका गुइलाई ग्‍वाक्‍साडामिम वाङ वाङ राप्‍लावालाम उनीमा खारी बिइ। माम्‍चु़नीलाम जेमुचापा त्‍वाकु थो़रलु़सीडा गुमीलाम जेसी।

रोमी 9:18

मेम्‍मिमका माम्‍चु़नीका सु़डला न-थो़म रेम्‍बोमु न बोमी मेरामडला ङा न-थो़म रेम्‍बोमी मा गुमीका उहेम मु़चु़कु न-गो लुङ होप्‍माम दु़म्‍बेन्‍मु न बोमी मेरामलाई मेम ङा बोमी।

यूहन्‍ना 5:21

पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

यूहन्‍ना 3:27

यूहन्‍नाका र्‍वाक्‍ता, “माम्‍चु़नीका पाह्रीलामका मेग्‍वाक्‍थु़मसम्‍म सु़का हाम वो मेल्‍वासु़।

यूहन्‍ना 3:8

जु बान्‍ते उ फुन्‍फुनद्‌वा मेनोङा फुडु़। जु गाना थो़मु कोङङा चाम्‍ना, लावो बालामका रोक्‍ता, बान्‍ते ल, मेराम गाना सो़मु मेचाम्‍ना। मेप्‍मामङा पेललाम गक्‍पा मु़चु़ हेप्‍माम दु़म्‍मी र्‍वाक्‍साका गाना र्‍वामु मेचाम्‍ना।”

मत्ती 20:15

आमा त्‍वाकु खउलुङलाई हे बेबेद्‌वा मेमङा बोमु आमा मुलु़गोडा मिबु मा? गो वाङमिमडला न-थो़म रेम्‍बेउलो इमा नो़ मेनु़मिम?’

मत्ती 11:26

आरे बोमुङा गानी जो़पा लु़न्‍नी, पाआ।

१ कोरिन्थी 12:18

लावो माम्‍चु़नीका उनी न होम्‍साका मिरो़मडा खोत्‍ले भाग घ्रो़म्‍बेसाका जु़ल्‍मिडिम बु।