१ कोरिन्थी 11:34 - थुलुङ राई

³⁴ कोङनिम मु़चु़ क्रु़म सिपा बु माला गुका नेमडाङा पु़नु़, मेम्‍साका गानी कोदेप घ्रो़म्‍निलो गानीडला देन्‍दे मेरोनु़। वाङमिम ल्‍वाकु दुथाम गो रोङुमा सीनिनी।

१ कोरिन्थी 11:34 Referans Kwoze

१ कोरिन्थी 7:17

माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।

१ कोरिन्थी 4:19

लावो माम्‍चु़नीका न बेम्‍डी माला गो इनीमाडा दालाङा रोङु, मा मे डोक्‍पु लिसिक्‍पा मु़चु़मिमका जेम्‍डिम ल्‍वा कोङङा मेएँ मेर्मिमकु यु़म हाम रेछा मेराम रेपु।

तीतस 1:5

इकी बोम्‍द खारी बेसोका, मा खोत्‍ले शहरडा एल्‍डरमिम थुडामी र्‍वाङडोमा गानालाई क्रेट टापुडा पार्जो़ल्‍निम। गो गानालाई र्‍वाङडोम ल्‍वा मेप्‍ल्‍वासा वो।

१ कोरिन्थी 16:2

खोत्‍ले हप्‍ताकु ङादोमनेम गानी खोत्‍लेका त्‍वा-त्‍वाहोम खउलुङ डु़प्‍निमकु किचो़ खउलुङ फ्‍वाक्‍निमा जु़ल्‍तोङा बेनी, मेम्‍साका गो रोङुलो ग्‍वा-ग्‍वा फबेन्‍मु मेबासिनु़।

१ कोरिन्थी 16:5

गो माकेडोनिया दु़म्‍साका लङुमिम चङडा इनीमाडा रोङु, हेङोलोने गो माकेडोनिया दु़म्‍तोङा लमु बासी।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

१ कोरिन्थी 11:33

मेम्‍मिमका आमा वा-ल्‍वाकनी, येशूकु ग्रुला पोमु कोदेप खोम्‍सिनिलो कोलेका कोङमीलाई लन्बेबेनी।

१ कोरिन्थी 16:1

यरूशलेमडा बाट्‍पा माम्‍चु़नीकु मु़चु़मिमकाम लागि ग्‍वा-ग्‍वा फमुकु दुथाम गलातियाडाम मण्‍डलीमिमलाई गो बेबेत्तोमिम होम्‍साकाङा गानी बेनी।