१ कोरिन्थी 11:30 - थुलुङ राई

³⁰ मेम्‍मिमका गानीगोडाम हापा मु़चु़मिम सो मान्‍थिम नुङ नो़पा बुनी, मा हाङको ने सिमु दु़म्‍मिडिम बु।

१ कोरिन्थी 11:30 Referans Kwoze

रेम्‍बेट्‌मिडिम ल्‍वा 3:19

उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।

१ थेसलोनिकी 4:14

येशू सिम्‍डी मा आथावो बम्‍गेम्‍डी र्‍वाक्‍पा गुइ थो़रलु़इ। मेम्‍मिमका येशूडा थो़रलु़साका सिपा मु़चु़लाई माम्‍चु़नीका फमिमा येशूनुङ रेन्‍मी र्‍वाक्‍पा थो़रलु़इमिम बु।

१ कोरिन्थी 15:51

थो़नी, गो कोले थक्‍मा ल्‍वा सो़उ, गुइ खोत्‍ले ने मेसिइ, लावो गुइ इकी मिरो़म वाङ दु़म्मा ख्‍लोसिडी।

१ कोरिन्थी 11:32

सु़म्‍दिसेरडाम मु़चु़मिमनुङ मुमा बेन्‍ला मेसो़सिडिनु़ र्‍वाक्‍साका गुइलाई ङाचो़का इकीमा निया बोमी मा देन्‍दे ग्‍वाक्‍सामी।

थु़र्मा 13:36

“दाऊदकु साम बाइडामसम्‍म गुका माम्‍चु़नीकु न होम्‍साका खारीमिम बु़डु़। मेकोतिमा गु सिडा, मा उ ङाउ-खुउमिमकु सु़लु़मगोनो क्‍लु़म्‍मिडी, मा दाऊदकु रो़म झिप्‍स्‍ता।

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

१ कोरिन्थी 11:29

हेङालोने उहेमका ङाचो़कु मिरो़म मेछेसाका पु़ मा डुङु़, मेरामका पु़डु़म-डुङडु़मका उ त्‍वापडला देन्‍दे रेडु़।

१ कोरिन्थी 11:31

लावो गुइ इकी त्‍वाका त्‍वापलाईङा छाम्‍डिम बु माला गुइ देन्‍दे मेल्‍वासी।