१ कोरिन्थी 11:26 - थुलुङ राई

²⁶ आरेसाका गानी उहेम उहेम थारीका सो़बेम पोनी, मा कान्‍चु़रेलाम डुनी गुमी मेयोक्‍थु़मसम्‍म ङाचो़ सिम्‍डिमकु दुथाम सो़निमिम दु़म।

१ कोरिन्थी 11:26 Referans Kwoze

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

यूहन्‍ना 14:3

गो लङुमा इनीमा लागि बाखोप झो़म्‍सिबेट्‌जो़लुमा योङु। मेम्‍मा गानीलाई लनिनी, मा गो बान्‍ते बुङु मेसिन्‍डा गानी वो दु़म्‍नी।

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

थु़र्मा 1:11

मेकोतिमा मेर्चिपका मेर्मिमनुङ र्‍वाक्‍ची, “ए गालीलडाम मु़चु़नी, गानी हेङा येम्‍तासिनिमा धामुथो़ रेम्‍थानिमिम? गुमी गानीगोलामका पाह्रीथो़ कोम्‍सिम्‍डी, ओम्‍लो गानी येशू हेसाका ओलामका पाह्रीथो़ कोम्‍सिम्‍डिम ल्‍वान्‍नी मेम्‍साका ङा आथावो गुमी योमी।”

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

यूहन्‍ना 21:22

येशूका पत्रुसलाई र्‍वाम्‍डी, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु, गानालाई हाम दु़स्‍ता? आमा चङचङ लाम्‍दिया।”

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

यहूदा 1:14

आदमडाम येतले पुस्‍ताडाम हनोकका वो माम्‍चु़नीलाम-जेस्‍ताम बाइडा। गुका र्‍वाक्‍ता, “रेप्‍नी, ङाचो़ छो़म सेर्पा सेपा उनी पाह्रीचो़मिमनुङ योक्‍तोङा लेन्‍मी,

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

२ थेसलोनिकी 1:10

ङाचो़ येशू योमिमिमनेम ओर्मिम खोत्‍ले ल्‍वा रोथी। सेपा उनीमा मु़चु़मिमका गुमीलाई डोक्‍पु बोमी मा गुमीडा थो़रलु़पा खोत्‍ले ङाङाया दु़म्‍साका गुमीलाई डोक्‍पु मिम्‍मी। गानी वो मेर्मिमनुङङा दु़म्‍नी, हेङालोने गुकु ल्‍वात्तोको-सो़त्तोकोम ल्‍वाडा थो़रलु़न्‍नी।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

यूहन्‍ना 21:23

मेम्‍मिमका मेराम सीसिपा मेसि र्‍वाक्‍पा ल्‍वा सीसिपामिमगोडा फोन्‍सिड्‌डा। लावो गु मेसि र्‍वाक्‍साका येशूका र्‍वाम्‍डिम मेबायावा। गुमीका ने आरे र्‍वाम्‍डिम बाइडा, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु गानालाई हाम दु़स्‍ता?”