१ कोरिन्थी 11:2 - थुलुङ राई

² खोत्‍ले ल्‍वाडा गानी गोलाई मिम्‍ङिनी, मा गो गानीलाई ग्‍वानिनिम सीसि झेन्‍थानिमिमका, गो गानीलाई कोनिनी।

१ कोरिन्थी 11:2 Referans Kwoze

२ थेसलोनिकी 2:15

मेम्‍मिमका वा-ल्‍वाकनी, गुकु गानीलाई आकी सिजेमका लोवो सेलाखाजेमका लोवो सीत्तोकोम सीसि होम्‍साका बेनिम बानी, मा थो़र लु़निम बानी।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

१ कोरिन्थी 15:2

गो थो़बेट्‌निनिम ओराम जो़पा-सेलाडा थो़र बोनिमा मेडिसाका मेरामडा दु़म्निम बुनी माला ओरामका गानीलाई सेल्‍नी, मेएँ माला ने गानी थो़र बेन्‍निम ने हाम ना हामकाम दु़म।

१ कोरिन्थी 11:22

पोमु-डुमुकाम लागि हाम त्‍वा-त्‍वाहोम इनी नेम मिबु? डे माम्‍चु़नीकु मण्‍डलीलाई हाम होङङा वो मेमिम्‍नी मा उनी हाम वो मेबाट्‌पामिमलाई क्रो़म लु़बेनिमिम? गो गानीलाई हाम र्‍वामु? हाम गानी आरे बोनिलो जो़पा बेन्‍नी र्‍वामु? गो हेल्‍लो वो मेम मेर्‍वाङु।

१ कोरिन्थी 11:17

आथा ने गो र्‍वाक्‍तोङा बेउमिम ल्‍वाडा गानीलाई मेकोनिनी। हेङालोने गानी मण्‍डलीडा घ्रो़म्‍निलो जो़पा खारी मेएँ, मेजो़पा खारी बोनी।

लूका 1:6

मेर्चिप निफि ङा माम्‍चु़नीकु न-गो होप्‍माम बाच्‍ची, मिप्रङमाका बेबेट्‌मिडिम खोत्‍ले खारी नुङ डु़म्‍ला जो़होमका बेपा मु़चु़ बाच्‍ची।

१ थेसलोनिकी 3:6

लावो इनीमालामका तिमोथी ओम्‍लो आकीमाडा रोक्‍ताम बु, मा इनीमा थो़र नुङ रिखामकु दुथाममिम भ्रपा ल्‍वा रेड्‌डु़म बु। गानी हेल्‍लो लोवो गेर्सिद्‌वाक्‍तो गुकुलाई मिम्‍किनी ए, मा गुकुनुङ घ्रो़म्‍मु न बोनी ए र्‍वाक्‍साका गुका सो़यु़डु़। मेम्‍साकाङा गुकु वो गानीलाई क्रो़म्‍मु न बोकुमिम बु।

१ कोरिन्थी 7:17

माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।