१ कोरिन्थी 11:19 - थुलुङ राई

¹⁹ गानीगोडाम आच्‍छाङाकाम मु़चु़ छेम्‍सिमु गानीगोडा गो-फ दु़म्‍मुङा बासी डे!

१ कोरिन्थी 11:19 Referans Kwoze

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

तीतस 3:10

मेदु़बेट्‌पा मु़चु़लाई कोखेप-नकखेप ङिम्‍साडा। मेम्‍मा हाम वो मेबे।

थु़र्मा 20:30

गानीगोलामका ङा लिमा थेट्‌पा, मा ब्‍लो़पा मु़चु़मिम लुमी सो़! मेर्मिमका थो़रलु़पामिमलाई फ्‍वामिमा लमी।

लूका 17:1

येशूका उनी सीसिपामिमलाई र्‍वाम्‍डी, “मु़चु़मिमलाई छु़ल बेबेट्‌पा मेजो़पा ल्‍वामिम रोमी। लावो मु़चु़मिमलाई मेम बेबेट्‌पा मेराम मु़चु़ ने वाइतो!

मत्ती 18:7

“ओ सु़म्‍दिसेरडाम मु़चु़मिम ने हाउरेमा, हेङालोने मु़चु़मिमलाई छु़ल बेबेट्‌पा ल्वा ने हापाङा बु। आरेप्माम ल्वामिम ने रो ङा, लावो वाङमिमलाई छु़ल बेबेट्‌पा मु़चु़ ने हाउरेमा!

गलाती 5:20

ङाटा सेव सान्‍मु, होन्मु-जोन्मु, त्‍वाप-त्‍वापगोडा द्‍वा मेबोमु, रिबुसी किन्‍मु, नाचु़र बोमु, छोक्‍चो बोमु, त्‍वाप कोङङा जो़पा दु़म्‍मु माल्‍मु, गो-फ बोमु, त्‍वाप-त्‍वापगोडा न मेघ्रो़म्‍पा मु़चु़मिमडाम फ्‍वाम्‍सिमु,

थु़र्मा 28:22

लावो गानी हाम र्‍वामु माल्‍निमिम बु, मेराम थो़मु आकीमा न बु। हेङालोने ओराम दलकु कोर्थो़लाम खोत्‍लेका बान्‍तेमेनो जेम्‍बाल्‍मि र्‍वाक्‍पा कोङङा गुकु चकुमिम बु।”

थु़र्मा 26:5

मेर्मिमका गो फरिसी बाङ्‌डो र्‍वाक्‍पा ल्‍वा माके आथामङा चम्‍डिम बु। गुकु फरिसीका यहूदी डु़म्‍ला छो़म चङको-चङको बासिक्‍साका बोकु। मेर्मिमका न सोम्‍डी माला ओराम ल्‍वाकु दुथाम गानीनुङ सो़मु चाम्‍मी।

थु़र्मा 24:14

लावो गो गानीनुङ र्‍वाङु, ओर्मिमका मेजो़पा मिम्‍मिमिम कोले दल र्‍वाक्‍मा लाम्‍दीडा लाम्‍दित्तोङा बेउ। गो आकी ङाउ-खुउमिमकु माम्‍चु़नीकाम सो़रलोले बेउ, मा मोशाकु डु़म्‍लाडा नुङ माम्‍चु़नीलाम-जेपामिमकु खाजेमडा र्‍याक्‍मा खोत्‍ले ल्‍वामिमडा थो़र बेउ।

थु़र्मा 24:5

ओराम मु़चु़ बान्‍तेमेनो थो़मतेर्बाल्‍पा, सु़म्‍दिसेरडा खोत्‍लेथो़म खोत्‍ले यहूदीमिमगोडा रिबुसी किट्‌पा, मा नासरी दलगोडाम उनीमा डोक्‍पु मु़चु़ गुकु डार्तोकोम बु।

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”

थु़र्मा 5:17

डोक्‍पु ङाउ डु़म्‍लाचो़ नुङ गुनुङ बाट्‌पा सदुकीमिम उनी नो़ मेनु़यावामका थु़र्मामिमकु कोर्थो़लाम बम्‍डी।

लूका 2:35

मेम्‍मा आरेसाका हापा मु़चु़मिमकु न-गो ल्‍वासिक्‍पा दु़म, मा कातु़रु़का ख्‍वाकु़मिम होङङा इमा वो थो़म्‍बोक दु़खाका ख्‍वाकु़।”

१ कोरिन्थी 11:20

गानी कोदेप दु़म्‍साका पोनी-डुनिमिम ने आच्‍छाङा ङाचो़कु ग्रुला मेएँ।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।