१ कोरिन्थी 10:4 - थुलुङ राई

⁴ मा खोत्‍लेका माम्‍चु़नीका ग्‍वाम्‍डिम त्‍वारो़मकु कु डुम्‍डी, हेङालोने मेर्मिमनुङ कोयो-कोयो लक्‍पा पाह्रीलाममिम भ्‍र्‍वालामका पुट्‌पा कु मेर्मिमका डुम्‍डी। मेराम भ्‍र्‍वा ने ख्रीष्‍ट बाम्‍डी।

१ कोरिन्थी 10:4 Referans Kwoze

यूहन्‍ना 7:37

चाड हुक्‍पानेम, मेराम ने चाडकु डोक्‍पु थारीनेम येशू येम्‍सिम्‍डिमा डोक्‍पु लो़लामका र्‍वाम्‍डी, “कोङनिम मु़चु़ कोरा सिपा बु माला आमाडा रोनु़, मा डुङ्‌नु़।

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

कलस्‍सी 2:17

ओर्मिम खोत्ले बेम्‍खेप्‍मा डु़म्‍लामिम ने घरिकोङ ल्वासिक्‍पा पेल होप्मामङा सो़, लावो ख्रीष्‍टङा आच्‍छाङा मिरो़म सो़।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

हिब्रू 10:1

मोशाकु डु़म्‍ला ने रोमु खापा जो़पा ल्‍वामिमकु दुथाम रेम्‍बेट्‍पा कोङङा सो़, मेर्मिम आच्‍छाङा मेएँ। मेम्‍मिमका थ-थका बोमुम बुमु बासिक्‍पा सासेसीका माम्‍चु़नीकाडा रोक्‍पा मु़चु़मिमलाई हेल्‍लो वो सेपा बोमु मेझाम।

गलाती 4:25

अरब नेब्‍दीडाम सीनै पोप्‍चङ ने डु़ल्‍चो़मे हागार होप्‍मामङा सो़, मा ओम्‍लोम यरूशलेम शहरनुङ गुलाई थो़म्‍मु झाम। हेङालोने मेराम शहरडाम मु़चु़मिम डु़म्‍लागोडाम डु़ल्‍चो़ होप्‍मामङा सो़।