१ कोरिन्थी 10:25 - थुलुङ राई

²⁵ सो़ भ्रेन्‍खोपडा भ्रेट्‌मा उहेम सो़ लोवो ओराम सासेट्‍मा डे मेएँ र्‍वाक्‍साका हिलाहिसी मेबेसाका पेनी।

१ कोरिन्थी 10:25 Referans Kwoze

१ कोरिन्थी 8:7

मेम्‍मा वो खोत्‍लेका ने ओराम मेचमी। ङाटा आच्‍छाङा र्‍वाक्‍साका कोङनिम मु़चु़काम ङाटा सेव साट्‍पा बादु़खाम दु़म, मा ङाटालाई ग्‍वाक्‍मा पोमु-डुमु मेर्मिमका पोमिलो मेराम ने आच्‍छाङाम नो़पमिमकु सो़रलोले बेसी र्‍वाक्‍पा लु़मी। मेम्‍मा मेर्मिमकाम जो़पा नुङ मेजो़पा ल्‍वा छेमु मेचापा न बुमिमका मेराम पोमु-डुमुलामका “गो मेसेपा दु़म्ङोडो” र्‍वाक्‍पा मिम्‍डु़।

१ तिमोथी 4:4

माम्‍चु़नीका प्रङ्‌मिडिम खोत्‍ले जो़पाङा बु, मा ओर्मिम खोत्‍लेकाम लागि गुमीलाई आलासो़ ग्‍वाक्‍साका पिइ-डुङी माला नु़,

तीतस 1:15

न-गो सेपा मु़चु़मिमकाम लागि खोत्‍लेङा सेपा दु़म। लावो मेजो़पा न-गोनुङमा नुङ थो़र मेलु़पा मु़चु़मिमकाम लागि ने हाम वो सेपा मेदु़म। हेङालोने मेर्मिमकु न नुङ नेप्‍चीङा मेजो़पा दु़स्‍ताम बु।

रोमी 14:14

ङाचो़ येशूडा थो़र बेउतोमका गो ओराम ल्‍वा आच्‍छाङा चक्‍पु, बाम वो पोमुथोक त्‍वापङा मेसेपा मेदु़म। लावो कोङनिमका हाम-हुम पोमुथोक मेसेपा मिम्‍डु़ माला उमा लागि मेराम मेसेपा ङा दु़म।

रोमी 13:5

माम्‍चु़नीलाम देन्‍दे मेल्वाउनु़ र्‍वाक्‍साका कोङङा मेएँ, लावो आरे बोमु ने जो़पाङा सो़ र्‍वाक्‍पा त्‍वाकु जो़पा नेप्‍चीका मिम्‍साका वो गानी साखामचो़मिमका र्‍वामिमिम थो़मु बासी।

थु़र्मा 10:15

आथावो मेराम लो़लामका पत्रुसनुङ र्‍वाक्‍ता, “माम्‍चु़नीका उहेमलाई सेपा बेम्‍डिम बु, मेराम गाना मेसेपा मेमिम्‍डा।”