१ कोरिन्थी 10:23 - थुलुङ राई

²³ गानी आरे र्‍वानी, “गुकुलाई बेबेद्‍वाक्‍पा ल्‍वा हाम लोवो बोमु नु़।” लावो खोत्‍ले ल्‍वाका जो़पा मेबेसा। “गुकुलाई बेबेद्‍वाक्‍पा ल्‍वा हाम लोवो बोमु चाम्‍कु।” लावो खोत्‍ले ल्‍वाका जो़पा लाम्‍दीडा मेक्रिसा।

१ कोरिन्थी 10:23 Referans Kwoze

१ कोरिन्थी 6:12

गानीगोडाम कोङनिमका आरे र्‍वानी, “गोलाई बेबेद्‍वाक्‍पा ल्‍वा हाम लोवो बोमु चापु।” लावो खोत्‍ले ल्‍वाका जो़पा मेबेसा। “गोलाई बेबेद्‍वाक्‍पा ल्‍वा हाम लोवो बोमु चापु।” लावो गो उहेम ल्‍वाकाम वो डु़ल्‍चो़ मेदु़म्‍ङु।

१ कोरिन्थी 8:9

लावो चङचङया बानी वो, गानी वाङ दु़म्‍निमका याक्‍के थो़रनुङमा इनी ङोप्‍सो़मिमलाई छु़ल मेबेबेडु़मिनु़।

एफिसी 4:29

वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

रोमी 14:15

गानी पोनिमिम पोमुथोकका थो़रलु़पा वा-ल्‍वाकमिमकु न नो़ माला गानी मेर्मिमलाई रिखाम बोनिमिम मेदु़म। ख्रीष्‍ट उनी त्‍वापङा सिसाका सेल्‍मिडिम मु़चु़लाई इनीमा पेसी-डुसीकु ल्‍वाका पुयु़मेलुबेट्‍नु़।

१ कोरिन्थी 14:17

गानी ने माम्‍चु़नीलाई आलासो़ जो़होमका ग्‍वानी, लावो मेराम ल्‍वाका वाङमिम मु़चु़लाई यु़मनुङमा मेदु़म्‍बेडु़।

१ कोरिन्थी 14:26

वा-ल्‍वाकनी, गो र्‍वामु माल्‍तोम ल्‍वा ओरामङा सो़। सो़रलोले बोमु गानी कोदेप खोम्‍सिनिलो कोलेका काम्‍सो बु़, कोङमीका सिजेम सीडु़मी, कोङमीका माम्‍चु़नीका रेम्‍बोमिमिम ल्‍वा सो़यु़, कोङमीका थेसिमेथेडिमिम वाङमी ल्‍वालाम जे मा कोङमीका जेम्‍मा ल्‍वाकु दुथाम सो़यु़। ओर्मिम खोत्‍ले ल्‍वाका मण्‍डलीलाई यु़मनुङमा दु़म्‍बेन्‍मु बासी।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

१ कोरिन्थी 14:12

मेप्‍मामङा गानी वो माम्‍चु़नी-पेलकु राप्‍लावामिम ल्‍वामु छो़म न बेन्‍निमका मण्‍डली यु़मनुङमा दु़म्‍तो लक्‍पा राप्‍लावामिम माल्‍नी।

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।