१ कोरिन्थी 10:16 - थुलुङ राई

¹⁶ ङाचो़ येशूकु ग्रुला पेखोपडा कान्‍चु़रे रसाका गुइ माम्‍चु़नीलाई आलासो़ ग्‍वाकी। हाम गुइ कान्‍चु़रेलाम डुङिलो ख्रीष्‍टकु सीसिडा दो़दो़वा डार्स्‍तिम मेएँ मा? मेम्‍मा गुइ सो़बेम चक्‍साका पिइरिलो हाम गुइ ख्रीष्‍टकु मिरो़मकु दो़दो़वा डार्स्‍तिम मेएँ मा?

१ कोरिन्थी 10:16 Referans Kwoze

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

१ कोरिन्थी 1:9

माम्‍चु़नी थो़र लु़इमिम बुमी। गुमीका उनीमा तारापाचो़ येशू ख्रीष्‍ट इकी ङाचो़नुङ हेमकेम दु़म्‍मु लागि गानीलाई येट्‌निमी।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

थु़र्मा 20:7

नेप्सुङनेम नेम्‍था येशूकु ग्रुला पेप्‍डा गुकु खोम्‍सिक्‍तोको, मा पावल ने उ दिकाम नेम लमु न बु़डु़मका मेसिन्‍डाम थो़रलु़पामिमनुङ सिन्‍थाम को-न (१२) जेस्‍तामसम्‍म ल्‍वा बु़डु़म बाइडा।

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

थु़र्मा 20:11

मेकोतिमा पावल नेमडलाम बाखोपडा लस्‍तामा ग्रुला पेम्‍डिम चङडा नेमसोसोसम्‍म हापा ल्‍वामिम बु़डु़मा पावल मेलामका लस्‍ता।

लूका 22:17

मेकोतिमा येशूका अङ्‍गूरकु बिलामनुङमा कान्‍चु़रे कोम्‍डिमा माम्‍चु़नीलाई आलासो़ ग्‍वाम्‍डी, मा उनी थु़र्मामिमलाई र्‍वाम्‍डी, “ओराम रनी, मा ओलामकाङा खोत्‍लेका डुनी।

१ कोरिन्थी 10:15

गानी नेप्‍चीनुङमा मु़चु़ बुनी र्‍वाक्‍पा मिम्‍साका गो हाम र्‍वाङु, मेराम ल्‍वा गानी इनी त्‍वाकाङा मिम्‍नी।