१ कोरिन्थी 10:11 - थुलुङ राई

¹¹ मेर्मिम मु़चु़डला हा-हाम दु़स्‍ताम मेर्मिम खोत्ले चङचङया बाबेट्‍पा ल्‍वामिम सो़। मेर्मिम ल्‍वालामका गुइलाई चङचङया बाबेन्‍मु लागि र्‍याक्‍मा बाइडा, हेङालोने गुइ सु़म्‍दिसेरकु हुक्‍पा थारीडा रोम्‍थिमु खाप्‍डिम बु,

१ कोरिन्थी 10:11 Referans Kwoze

रोमी 15:4

ङादो र्‍याक्‍मा सिजेमडाम ल्‍वा इकीमा सीसिकाम लागि र्‍वाक्‍साका र्‍याक्‍मा बाइडा। मेराम सिजेमका गुइलाई इम्‍मु चापा दु़म्‍बेसाका माम्‍चु़नीका याचे जेम्‍डिम ल्‍वा रोथिनु़ र्‍वाक्‍पा न, नुङ सो हन्‍पा दु़म्‍बेसा।

रोमी 13:11

रेप्‍नी, ओम्‍लो हेप्‍माम थारी रोक्‍तोङा बु़ र्‍वाक्‍साका गानी वो चनिम ङा बु। ङिमालाम ङोसिक्‍पा थारी दु़स्‍ताम बु, हेङालोने गुइ ङादो थो़रलुइडिम थारीडाम वो सेल्‍सिक्‍पा थारी फार्डाङा रोक्‍ताम बु।

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।

१ कोरिन्थी 9:10

हाम गुमीका इकीमा लागिङा आरे र्‍वाम्‍डिम मेएँ मा? आच्‍छाङा ओराम इकीमा लागिङा र्‍याक्‍मा सो़, हेङालोने ब्‍याङसी झोपाका मा-के ल्‍वापा नका झोङु़, मा दाँइ बेपाका वो मा-के ल्‍वापा नका ङा दाँइ बु़।

फिलिप्‍पी 4:5

इनीमा जो़पा बासी-दोसी खोत्‍ले मु़चु़का ल्‍वामिनु़। ङाचो़ योमुङा खाप्‍मी।

रोमी 4:23

जो़पा न-गोकाम रेम्‍बेसिड्‍डा र्‍वाक्‍साका ओराम सिजेम उमा लागि कोङङा र्‍यासिड्‍डाम मेएँ,

हिब्रू 10:25

कोङनिमका थो़रलु़पामिमकाम घ्रो़म्‍दीडा मेलक्‍पा बादु़खाम दु़म्मिम होङङा घ्रो़म्‍दीडा लमु मेडिडी। लावो ङाचो़ येशू योमु खाप्‍मिमिम गानी खोत्‍लेका ल्‍वानिमिमका कोलेका कोङमीलाई आथावो छो़म सो हन्‍बेबिइ।

हिब्रू 10:37

हेङालोने, घरिकोङका, “योमु खाप्‍मिमिम गुमी योमी मा मेछु़मी।

१ कोरिन्थी 7:29

वा-ल्‍वाकनी, गो गानीलाई र्‍वामु मालुमिम ल्‍वा ओरामङा सो़, ङाचो़ दालाङा योमी। आथाडा आनो नाइमे बाट्‌पामिमका नाइमे मेबाट्‍पा होप्‍मामङा दु़म्‍साका बुमिनु़।

मत्ती 13:39

मालिन्‍दो फोट्‌पाका शैतानलाई रेम्‍बु़। हक्‍पा थारीका सु़म्‍दिसेरकु हुक्‍पा थारीलाई रेम्‍बु़। मेम्‍मा मा-के हक्‍पामिमका पाह्रीचो़मिमलाई रेम्‍बु़।

मत्ती 13:40

“हाम ना हामकाम मालिन्‍दोलाई खोप्‍साका मुगोडा चाइमिम होङङा मेजो़पा मु़चु़मिमलाई पाह्रीचो़मिमका खोम्‍मी, मा मेर्मिम मु़चु़लाई खादीयु़म मुड्‌डा चामी।

रोमी 13:12

तुकुम्‍चिम हुक्‍तामा ओल रोमु खाप्‍डु़म बु। मेम्‍मिमका तुकुम्‍चिमगोडा बाट्‍पा मु़चु़मिमकाम होप्‍माम खारी बोमु डिसाका मेरामनुङ क्‍वाल्‍बा बोमु लागि ओलकु सेनामिम होङङा झो़म्‍सिडी।

१ कोरिन्थी 10:6

मेर्मिमकाम होङङा मेजो़पा न मेबिइनु़ र्‍वाक्‍साका गुइलाई चङचङया बाबेन्‍मु लागि आरेप्‍माम ल्‍वाका रेम्‍बेम्मा बु।

गलाती 4:24

ओर्मिम ल्‍वा ने सीसि सो़म्‍दी होम्‍माम सो़ र्‍वाक्‍साका गुइ थेसिथेडी, मे नले मेसेमचिपका माम्‍चु़नीकु नले सो़रख्रेप्‍सी रेम्‍बु़। कोले सो़रख्रेप्‍सी ने सीनै पोप्‍चङडला ग्‍वाक्‍मा डु़म्‍ला ने डु़ल्‍चो़ दु़म्‍मु लागि चो़च्‍चो़ कक्‍पा मेसेम हागार ङा र्‍वाक्‍पा रेम्‍बु़। डु़म्‍लागोडा बाट्‌पामिमकु चो़-चु़सु़मिमङा डु़ल्‍चो़मिम सो़।