१ कोरिन्थी 1:9 - थुलुङ राई

⁹ माम्‍चु़नी थो़र लु़इमिम बुमी। गुमीका उनीमा तारापाचो़ येशू ख्रीष्‍ट इकी ङाचो़नुङ हेमकेम दु़म्‍मु लागि गानीलाई येट्‌निमी।

१ कोरिन्थी 1:9 Referans Kwoze

२ थेसलोनिकी 3:3

लावो ङाचो़ येशू ने थो़रलु़इमिम बुमी। गुमीका गानीलाई सो ग्‍वानिमी, मा शैतानडाम बोनी-थार्नी।

हिब्रू 10:23

गुइ र्‍वाक्‍तिम हाम-हुम ल्‍वापा न रिकि-रिकि जेथाडी, हेङालोने याचे जेपा गुमी थो़रलु़इमिम बुमी।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

१ कोरिन्थी 10:13

मु़चु़मिमडला दु़म्‍पा न छाम्‍सीडाम वाङमिम न छाम्‍सीडा गानी दु़म्‍निम मिबु। माम्‍चु़नी थो़रलु़इमिम बुमी, गुमीका गानी इम्‍मु चाम्‍निमिमडाम हापा न छाम्‍सी रोमेबेन्‍मी। गानी इम्‍मु चापा दु़म्‍नी र्‍वाक्‍साका गानीलाई न छाम्‍सीलामका लुक्‍पा लाम्‍दी वो रेम्‍बेनिमी।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

रेम्‍बेट्‌मिडिम ल्‍वा 19:11

मेम्‍मा पाह्री ह्‌वासिट्‌पा गो ल्‍वाउतो मा मेसिन्‍डा आमा ङादोडा कोले बुबुयाम घोडा बाइडा, मे घोडाडला हुपाकु नङ “थो़रलु़इमिम” नुङ “आच्‍छाङा” बाइडा। गुमीका जो़पा निया नुङ क्‍वाल्‍बा बोमी।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

२ कोरिन्‍थी 1:18

माम्‍चु़नी थो़रलु़इमिम बुमी। मेम्‍साकाङा आकीमा सिजेम वो याङलो “आच्‍छाङा” नुङ याङलो “मेएँ” दु़स्‍ताम मिबु।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

१ यूहन्‍ना 4:13

माम्‍चु़नीडा गुइ बुइ मा गुमी गुइगोडा बुमी र्‍वाक्‍पा रेम्‍बोमु माम्‍चु़नीका माम्‍चु़नी-पेल गुइलाई ग्‍वाक्‍साड्‌डामिम बु।

हिब्रू 11:11

अब्राहामकु नाइमे सारा चो़ मेकक्‍पा नुङ छो़म ङामी बाइडा लोवो उमा थो़रकाङा माम्‍चु़नीका गुलाई गोजु़मे दु़म्‍मु चापा दु़म्‍बेट्‌मिडी। हेङालोने ग्‍वानी र्‍वाक्‍पा माम्‍चु़नी थो़रलु़इमिम बुमी र्‍वाक्‍साका गुका थो़र बु़डु़म बाइडा।

रोमी 9:24

गुमीका येसाड्‍डामिम ने गुइ ङा सो़। गुमीका यहूदीमिमलाई कोङङा मेयेट्‌मिवा लावो वाङसामागोडाम मु़चु़मिमलाई वो येट्‌मिडी।

रोमी 8:30

गुमीका ङादोङा छेट्‌मिडिम मु़चु़मिमलाई वो येट्‌मिडी मा मेर्मिमलाई उनीमा ङादोडा जो़पा नगोकाम दु़म्‍बेट्‌मिडी। मेम्‍मा जो़पा न-गोकाम दु़म्‍पामिमलाई गुमीका यु़म-झ्‍वाक्‍सी ल्‍वापा वो दु़म्‍बेट्‌मिडी।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

२ थेसलोनिकी 2:14

गुकु गानीलाई थो़बेत्तोकोम जो़पा-सेलालामका सेल्‍सिमु लागि माम्‍चु़नीका येट्‌निम बु। गानी वो इकीमा ङाचो़ येशू ख्रीष्‍टकु यु़म-झ्‍वाक्‍सीकाम दो़दो़वा डार्नी।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

मत्ती 24:35

सुबु नुङ धामु दाम्‍मा ल, लावो आमा सिजेम हेल्‍लो वो मेदाम।

गलाती 1:15

लावो गो गमु ङादोङा गोलाई वाङ बेपा मा उनीमा दिदामलाम गोलाई येट्‌पा माम्‍चु़नीका,

१ कोरिन्थी 10:16

ङाचो़ येशूकु ग्रुला पेखोपडा कान्‍चु़रे रसाका गुइ माम्‍चु़नीलाई आलासो़ ग्‍वाकी। हाम गुइ कान्‍चु़रेलाम डुङिलो ख्रीष्‍टकु सीसिडा दो़दो़वा डार्स्‍तिम मेएँ मा? मेम्‍मा गुइ सो़बेम चक्‍साका पिइरिलो हाम गुइ ख्रीष्‍टकु मिरो़मकु दो़दो़वा डार्स्‍तिम मेएँ मा?

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

रोमी 11:17

कोङनिम यहूदीमिम जो़पा जैतूनकु दक्‍सालाम फल्‍मामा घ्रोक्‍मा ग्रेम होप्‍माम बुमी। लावो गानी वाङसामामिम ने सो़ब्‍दीडाम जैतून होप्‍माम लोवो जो़पा जैतूनकु ग्रेमडा केप्‍साका कोले ङा दु़म्‍निम बु। आथा ने गानी कोलेङा दक्‍साकु फारलामका यु़म नुङ त्‍वारो़म ल्‍वानी।

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

२ तिमोथी 2:13

गुइ थो़रमेलु़पा बुइ लोवो, गुमी थो़रलु़इमिम दु़म्‍मी, हेङालोने गुमीका उनी त्‍वापलाई लिमा थेन्‍मु मेचाम्‍मी।