१ कोरिन्थी 1:8 - थुलुङ राई

⁸ हुक्‍पा थारी मेदु़म्‍थु़मसम्‍म गुमीका गानीलाई छो़म सोनुङमा दु़म्‍बेनी। मेम्‍मा इकीमा ङाचो़ येशू ख्रीष्‍ट आथावो योमिलो गानी हाम वो मेजो़पा मेबेपा डार्निमी।

१ कोरिन्थी 1:8 Referans Kwoze

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

कलस्‍सी 1:22

लावो माम्‍चु़नीका गानीलाई उनी त्‍वापनुङ न-थो़म घ्रो़म्‍बेट्‌मिडिम बु। उनीमा मिक्‍सीलामडा गानी सेपा दु़म्‍मु, छु़ल मान्‍थिम दु़म्‍मु मा मुमा मान्‍थिम दु़म्‍मु लागि मिरो़मडा ख्रीष्‍ट सिम्‍डिमलामका गुमीका आरे दु़म्‍बेट्‌मिडी।

फिलिप्‍पी 1:6

ओराम ल्‍वाडा गो छो़म थो़र बेउ, माम्‍चु़नीका गानीगोडा जो़पा खारी बोमु चो़म्‍मिडी, मा गुमीकाङा ख्रीष्‍ट येशू ख्‍लोम्‍सिमिमिम नेमसम्‍मका बोम्‍सोमी।

२ थेसलोनिकी 3:3

लावो ङाचो़ येशू ने थो़रलु़इमिम बुमी। गुमीका गानीलाई सो ग्‍वानिमी, मा शैतानडाम बोनी-थार्नी।

एफिसी 5:27

मा गुइ थो़रलु़पामिम मेजो़पा खारी मान्‍थिम, छु़ल मान्‍थिम, मा वाङमी हाम वो मेजो़पा ल्‍वा मान्‍थिम बनेबेसाका उनीमा ङादोडा सेपा नुङ मेख्‍लो़ट्‌पा मण्डली दु़म्‍बेन्‍मु लागि गुमीका उनी त्‍वापलाईङा सासेन्‍सिम्‍डी।

रोमी 16:25

येशू ख्रीष्‍टकु दुथाम गो दो़उतोम जो़पा-सेलालाम माम्‍चु़नीका इनीमा थो़रलु़सीडा सोनुङमा दु़म्‍बेनिमी। ओराम ल्‍वा सु़म्‍दिमोलो आथामङा थक्‍मा बाइडा र्‍वाक्‍साका छ्‍याङलो छ्‍याङलो रेम्‍बु़डु़म बु।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

फिलिप्‍पी 1:10

मेम्‍साका खोत्‍लेडाम जो़पा हाम बु मेराम थेसिथेन्‍मु चाप्‍नी, मा येशू ख्रीष्‍ट योमिमिम नेमसम्‍म गानी मेजो़पा खारी मेबेपा नुङ मुमा बेन्‍ला सो़सिक्‍पा मेदु़म्‍निनु़।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

रोमी 14:4

वाङमिमकु डु़ल्‍चो़काम निया बेपा गानी सु़ मा? उमा नेमहपकाङा डु़ल्‍चो़कु खारी बेसी जो़पा बु डे मेएँ र्‍वाक्‍साका निया बोमी। जो़होमका खारी बोमु मेचापा डु़ल्‍चो़लाई ङाचो़काङा जो़होमका खारी बोमु चापा दु़म्‍बेन्‍मी।

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

२ कोरिन्‍थी 1:21

माम्‍चु़नीका गानी नुङ गुकु खोत्‍लेलाई ख्रीष्‍टडा सो ग्‍वाक्‍साड्‍डामिम बु। गुमीकाङा गुकुलाई थुत्तिकिमिम सो़।

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

लूका 17:24

हेङालोने ब्‍ल्‍याक्‍ची ओप्‍डु़लो धामुकु फारलामका धामु बिर्खोपसम्‍म दो़मिम होङङा मिनीचो़ योमिमनेम दु़म।

लूका 17:30

“मिनीचो़ योमिमनेम वो मेम्‍साकाङा मु़चु़मिम मेझो़म्‍सिट्‌मी।

रोमी 8:19

सु़म्‍दिसेरडा प्रङ्‌सिट्‍पा खोत्‍लेम थोकका माम्‍चु़नीकु तारापाचो़मिम रेम्‍बेसिक्‍पा थारी नगोडा छो़म लन्‍थामी।

१ कोरिन्थी 3:13

मेराम खारी निया दु़म्‍मिमनेम मुलामका जो़होमका रेम्‍बेसी। मेम्मा खोत्‍ले मु़चु़का हेप्‍माम खारी बेम्‍डिम बु मेराम मुका छाम्‍डु़।

२ कोरिन्‍थी 1:13

गानी थेसिथेन्‍मु मेचापा नुङ डान्‍मु मेचापा हाम वो ल्‍वा गुकु गानीलाई मेर्‍याकु।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

१ थेसलोनिकी 5:2

हेङालोने खुचु़वा सिन्‍था रोमिम होङङा चमवो मेलु़मिमनेम ङाचो़ येशू योमी र्‍वाक्‍पा गानी जो़होमका चनी।

२ थेसलोनिकी 2:2

कोङनिमका ओराम ल्‍वा र्‍वामु चाम्‍मी, माम्‍चु़नी-पेललाम लोवो कोङनिमलाम लोवो आकीमा कोङनिम सेलाखाजेममिमलाम लोवो थो़त्तोकोम ङाचो़ येशू ङादोङा योमु डु़म्‍मिडिम बु। मेर्मिमका आरे र्‍वामिलो इनीमा नडा मेभ्रल्‍यासिड्‌पा मेदु़म्‍नी मा इनीमा लो़ मेदाम्‍नु़।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

२ तिमोथी 1:18

ख्रीष्‍ट योमिमिम थारीनेम ङाचो़का ओनेसिफरसडला न-थो़म रेम्‍बोमिनु़। एफिसस शहरडा गुका गुइलाई ख्‍लो़साड्‌डाम बाइडा र्‍वाक्‍पा ने गाना त्‍वाकाङा वो ल्‍वान्‍नाम बु।