१ कोरिन्थी 1:7 - थुलुङ राई

⁷ मेम्‍मिमका इकी ङाचो़ येशू ख्रीष्‍ट आथावो योमी र्‍वाक्‍साका गानी छो़म लन्‍थानिलो माम्‍चु़नीका ग्‍वाक्‍निमिम राप्‍लावाका मेलिट्‌पा मेबुनी।

१ कोरिन्थी 1:7 Referans Kwoze

फिलिप्‍पी 3:20

लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

२ पत्रुस 3:12

माम्‍चु़नी योमिमिमनेम गानी लन्‍थानी, मा मेराम थारी दालाङा रोबेन्‍मु माल्‍नी। मेनेम पाह्री मुका छो़रो़प दु़म मा मेसिन्‍डा बाट्‌पामिम खोत्‍ले मुसामका पिलियोमी।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

यहूदा 1:21

इनी त्‍वापलाईङा माम्‍चु़नी रिखामगोडा जु़ल्‍नी मा मेसिपा त्‍वारो़म ल्‍वामु इकीमा ङाचो़ ख्रीष्‍टकु न-थो़म लन्‍थाट्‌नी।

१ यूहन्‍ना 3:2

द्‌वादीबुङ ङोप्‍सो़नी, ओम्‍लो गुइ माम्‍चु़नीकु चो़च्‍चो़मिम बुइ, मा दिफु गुइ हाम दु़म्‍सी मेराम मेच। लावो गुइ ओराम च, ख्रीष्‍ट आथावो योमिलो गुइ गुमी होप्‍मामङा दु़म्‍सी हेङालोने गुमी हेप्‍माम बुमी मेप्‍मामङा गुमीलाई ल्‍वासी।

१ पत्रुस 4:13

लावो ख्रीष्‍टका होङङा गानी वो दु़खा ल्‍वानिलो इनी न भ्रसिनु़। मेम्‍मा उनी यु़म-झ्‍वाक्‍सीडा गुमी रेम्‍बेम्‍सिमिलो गानी छो़म गेर्सी द्‌वाक्‍नी।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

रोमी 8:19

सु़म्‍दिसेरडा प्रङ्‌सिट्‍पा खोत्‍लेम थोकका माम्‍चु़नीकु तारापाचो़मिम रेम्‍बेसिक्‍पा थारी नगोडा छो़म लन्‍थामी।

लूका 17:30

“मिनीचो़ योमिमनेम वो मेम्‍साकाङा मु़चु़मिम मेझो़म्‍सिट्‌मी।

१ पत्रुस 5:4

मेम्‍मा भेन्‍दा रेपा-क्रिपा खोत्‍लेडाम डोक्‍पु रोमी। मेम्‍मा उ जो़प्‍सी हेल्‍लो वो मेदाम्‍पा यु़म-झ्‍वाक्‍सीकु मुकुट गानी ल्‍वानी।

१ पत्रुस 1:13

मेम्‍मिमका इनीमा न-गोडा झो़म्‍सिट्‌नी, त्‍वाका त्‍वापलाई जो़होमका जु़ल्‍नी, येशू ख्रीष्‍ट रेम्‍बेम्‍सिप्‍मिलो गानी ल्‍वामु खाम्‍निमिम दिदाम छो़म ल्‍वापा न बेनी।

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

२ थेसलोनिकी 1:7

मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

१ थेसलोनिकी 1:10

मेर्मिमका आरे वो र्‍वामी, माम्‍चु़नीका सिमुलाम फम्‍डिम पाह्रीलाम योक्‍पा उनीमा तारापाचो़ येशूलाई गानी लन्‍थानिमिम बु ए। रोमुखापा ङिमलु़पा माम्‍चु़नीकु नियाडाम येशूका गुइलाई वाङ बेसामी।

कलस्‍सी 3:4

ख्रीष्‍ट, इनीमा आच्‍छाङाकु त्वारो़म बुमी, मा गुमी सु़म्‍दिसेरडा रेम्‍बेम्सिमिलो गानी वो गुमीनुङ जो़पा नुङ डोक्‍पु दु़म्साका रेम्‍बेन्सिनी।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

लूका 12:36

उनी नेमहप लालीकुन्‍दा बेम्‍डिम नेमडा ग्रुला पेसाका रोमिमसम्‍म लथाक्‍पा, मा गु रोक्‍साका हेला बु़लो लाम्‍चोको होल्‍थाक्‍पा डु़ल्‍चो़मिम होप्‍माम गानी दु़म्‍नी।

मत्ती 25:1

“पाह्री-किब्‍दी ने धिप्‍रीमिम कुर्साका लारेपालाई क्रो़म्‍डा लक्‍पा को धु़म (१०) कन्‍या मेसेममिमकु ल्‍वा होप्‍माम सो़।

२ कोरिन्‍थी 12:13

गोलाई वाङमिम मण्‍डलीमिमका ख्‍लो़मु लागि ग्‍वाङ्‌डिमिम खउलुङ गो रउतो, लावो गानीनुङ ख्‍लो़ला मेसो़सिक्‍ङुवा। खउलुङ मेरउवा। गानीनुङ ओराम ल्‍वाडाम वाङमिम मेजो़पा बासी-दोसी हाम बेउतो मा? ओराम गो ख्‍लो़त्तोम ङा र्‍वाक्‍पा गानी मिम्‍नी माला गोलाई पाचो ग्‍वाङनिनी!

रोमी 8:23

प्रङसिट्‍पा कोङङा मेएँ, माम्‍चु़नी-पेलका चङडा रेट्‍पा न भ्रसी ल्‍वामु लागि गुइ वो नगोनो दु़खा इम्‍तोङा बिइ। इकीमा माम्‍चु़नीका उनीमा त्‍वाकु तारापाचो़ दु़म्‍बेसामी मा इकीमा मिरो़म पुयु़लुमुलाम सेल्‍सामिनु़ र्‍वाक्‍साका गुइ लथाडी।

गलाती 5:5

लावो गुइ थो़रलाम माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका इकी न-गोडा लन्‍थामु चापा ने माम्‍चु़नी-पेलका दु़म्‍बेसामी।