१ कोरिन्थी 1:28 - थुलुङ राई

²⁸ सु़म्‍दिसेरडाम मु़चु़मिमका डोक्‍पु मिम्‍मिडिम ल्‍वामिमलाई हाम ना हामकाम दु़म्‍बेन्‍मु लागि सु़म्‍दिसेरका याक्‍के मिम्‍डु़म मा हाम ना हामकाम ल्‍वामिमलाई माम्‍चु़नीका छेट्‌मिडी।

१ कोरिन्थी 1:28 Referans Kwoze

रोमी 4:17

माम्‍चु़नीकु सिजेमडा आरेसाका र्‍याक्‍मा बु, “गो गानालाई हापा सामामिमकु पाप दु़म्‍बेट्‌निम बु।” सिपामिमका त्‍वारो़म ल्‍वापा मा मेबाट्‍पा थोकलामका वो बाट्‍पा दु़म्‍बेन्‍मु लागि येट्‍पा माम्‍चु़नीडा अब्राहामका थो़र बु़डु़म बाइडा।

रेम्‍बेट्‌मिडिम ल्‍वा 18:17

आकोम डोक्‍पु खाप्‍ची घरिकोङकाङा छो़रो़प दु़स्‍ता।” खोत्‍ले जहाजकु कप्‍तान, जहाजलाम लाम्‍दिपा खोत्‍ले, जहाज थो़पामिम नुङ जहाजडा खारी बेसाका डु़ल्‍सिक्‍पामिम होनोवा येम्‍सिमी।

१ कोरिन्थी 2:6

मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

१ कोरिन्थी 1:20

नेप्‍चीनुङमा बान्‍ते बु? पातु़म्‍री बान्‍ते बु? ल्‍वालाम खाल्‍पा आथामबिलिम मु़चु़ बान्‍ते बु? हाम माम्‍चु़नीका ओ सु़म्‍दिसेरकु नेप्‍ची हाम ना हामकाम मेदु़म्बेट्‌मिवा मा?

२ थेसलोनिकी 2:8

मेम्‍मा डु़म्‍लाकु कोर्थो़लाम बमिम मेराम मु़चु़ रो। ङाचो़ येशूका उनीमा सिलाम लुक्‍पा सामका गुलाई सेन्‍मी, मा गुमी योमिमिमकु झ्‍वाक्‍पा यु़मका पुयु़लुबेन्‍मी।

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,