१ कोरिन्थी 1:23 - थुलुङ राई

²³ लावो गुकु ने क्रूसडा चेम्‍सिम्‍डिम ख्रीष्‍टकु दुथाम जो़पा-सेला थो़बेन्‍कुमी, उहेम ने यहूदीमिमलाई तुक्‍पा मा वाङसामामिमकाम लागि ने हाम ना हामकु ल्‍वा बाइडा।

१ कोरिन्थी 1:23 Referans Kwoze

१ कोरिन्थी 2:14

माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

१ पत्रुस 2:8

मेम्‍मा, “मु़चु़मिमलाई दुबेट्‌पा कोले लुङ नुङ मेर्मिमलाई चार्पा भ्‍र्‍वा।” मेर्मिमका माम्‍चु़नीकु सिजेम होम्‍साका मेबोमी मा दुम्‍सिमी। मेर्मिमडला आरे दु़म्‍मुङा माम्‍चु़नीका मुलु़ बेम्‍डिम बाइडा।

१ कोरिन्थी 2:2

गो गानीनुङ बाङडोलो येशू ख्रीष्‍ट नुङ गुमीलाई क्रूसडा चेट्‌मिडिम ल्‍वाडाम वाङमिम खोत्‍ले प्‍ल्‍वापा मुलु़ बेउतोम बाइडा।

गलाती 5:11

वा-ल्‍वाकनी, कोक्‍ते खिरिरि क्रिप्‍सी बोमुङा बासी र्‍वाक्‍साका आथावो गो मु़चु़मिमलाई थो़बेट्‌पुमी माला हेङा आरेसाका आमा थो़मतेर्ला सो़सिङुवा मा? गो आरे बेउवाम माला येशू ख्रीष्‍ट क्रूसडा चेसिम्डी र्‍वाक्‍साका थो़बेट्‍मा ल्‍वाकु कोर्थो़लाम बक्‍पा ने सु़ वो मेदु़म्‍मिवा।

१ कोरिन्थी 1:18

पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्‍सिक्‍पामिमकाम लागि ओराम माम्‍चु़नीकु यु़म सो़।

लूका 2:34

शिमियोनका मेर्मिमलाई जि ग्‍वाक्‍तु़मी, मा येशूकु माम मरियमनुङ र्‍वाक्‍ता, “रेप्‍डा, इस्राएलडाम हापा मु़चु़मिमलाई सेल्‍मु मा याङलाई देन्‍दे ग्‍वामु माम्‍चु़नीका ओराम चो़च्‍चो़लाई छेट्‌मिडिम बु। माम्‍चु़नीका गुमीलाई छेखोप होप्‍मामङा थुट्‌मिडिम बु, लावो मु़चु़मिमका गुमीलाई मेद्‌वामी।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

मत्ती 13:57

मेर्मिमका येशूकु न छो़म नो़बेड्‌मिडी। लावो येशूका मेर्मिमलाई र्‍वाम्‍डी, “वाङथो़म मु़चु़का माम्‍चु़नीलाम-जेपालाई डोक्‍पु मिम्‍मी, लावो उ त्‍वाकु देलडाम नुङ उमा नेमगोडाम मु़चु़का डोक्‍पु मेमिम्‍मी।”

मत्ती 11:6

गोडला बु़डु़म थो़र पुयु़लुमेबेट्‌पा मु़चु़ जिनुङमा सो़।”

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

१ कोरिन्थी 1:28

सु़म्‍दिसेरडाम मु़चु़मिमका डोक्‍पु मिम्‍मिडिम ल्‍वामिमलाई हाम ना हामकाम दु़म्‍बेन्‍मु लागि सु़म्‍दिसेरका याक्‍के मिम्‍डु़म मा हाम ना हामकाम ल्‍वामिमलाई माम्‍चु़नीका छेट्‌मिडी।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।