१ कोरिन्थी 1:20 - थुलुङ राई

²⁰ नेप्‍चीनुङमा बान्‍ते बु? पातु़म्‍री बान्‍ते बु? ल्‍वालाम खाल्‍पा आथामबिलिम मु़चु़ बान्‍ते बु? हाम माम्‍चु़नीका ओ सु़म्‍दिसेरकु नेप्‍ची हाम ना हामकाम मेदु़म्बेट्‌मिवा मा?

१ कोरिन्थी 1:20 Referans Kwoze

रोमी 1:22

मेर्मिमका उनी त्‍वाप नेप्‍चीनुङमा बुङु र्‍वाक्‍पा मिम्‍मिडी लोवो नेप्‍ची मान्‍थिम दु़म्‍मिडी।

१ कोरिन्थी 3:19

हेङालोने ओराम सु़म्‍दिसेरकु नेप्‍ची माम्‍चु़नीकु ङादोडा नेप्‍ची मान्थिम ल्‍वा सो़। माम्‍चु़नीकु सिजेमका वो र्‍वा, “माम्‍चु़नीका मे नेप्‍चीनुङमा मु़चु़मिमकु बाछेन्‍दा लिसीडा चु़म्‍मी।”

१ कोरिन्थी 1:19

माम्‍चु़नीकु सिजेमका आरेसाका र्‍वा, “ननुङमा मु़चु़मिमकु न गो डाम्‍साक्‍पुमी, मा नेप्‍चीनुङमामिमकु उनी नेप्‍ची हाम ना हामकाम दु़म्‍बेट्‌पु।”

१ कोरिन्थी 2:6

मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

यूहन्‍ना 12:31

ओराम सु़म्‍दिसेरकु निया दु़म्‍पा थारी रोक्‍फाड्‌डाम बु। ओराम सु़म्‍दिसेरकु साखामचो़ शैतान पाखानो घ्रोला सो़सी।

थु़र्मा 17:18

इपिक्‍युरी नुङ स्‍तोइकी र्‍वाक्‍मा नले समूहडाम नेप्‍चीनुङमा कोङ-कोङ मु़चु़मिम बाम्‍डी। मेर्मिम आच्‍छाङाकाम ल्‍वा नुङ त्‍वारो़मकु दुथाम मिम्‍पा, माल्‍पा मा सीपा दार्शनिक बाम्‍डी। मेर्मिमका पावललाई वाङ-वाङ ल्‍वामिमलाम छो़म खाल्‍मिडी। मेर्मिमगोडाम कोङ-कोङका आरे र्‍वाम्‍डी, “हाम सो़यु़मिम ओ उ न ना थो़म जेपाका?” वाङमिमका र्‍वाम्‍डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्‍गेट्‌पाकु दुथाम सो़यु़डु़म बाइडा।

रोमी 1:20

सु़म्‍दिमोलो आथामङा माम्‍चु़नीका प्रङ्‌मिडिम खोत्‍लेमथोक रेप्‍साकाङा मेर्मिमका गुमीलाई जो़होमका छेमु चाम्‍मी। मिक्‍सीका मेल्‍वासिक्‍पा माम्‍चु़नी, हेल्‍लो लोवो दु़म्‍पाम बाट्‍पा उनीमा यु़म मा गुमी हेप्‍माम बुमी र्‍वाक्‍साका जो़होमका छेमु चाम्‍मी। मेम्‍मिमका मेर्मिमका वाङमिम ल्‍वा बेसाका माम्‍चु़नी मेछेकु र्‍वामु मेल्‍वामी।

१ कोरिन्थी 1:26

वा-ल्‍वाकनी, माम्‍चु़नीका गानीलाई येट्‌निमिम थारीका गानी हेप्‍माम बान्‍नी, मेराम मिम्‍नी। सु़म्‍दिसेरडाम मु़चु़मिमकु मिम्‍सी होङङा गानीगोडाम हापा मु़चु़ नेप्‍चीनुङमा, हापा मु़चु़मिम यु़मचो़ नुङ हापा मु़चु़मिम नङ दोपा नेमगोडाम मेबानिवा।

१ कोरिन्थी 1:27

लावो नेप्‍चीनुङमा मु़चु़मिमकु क्रो़म लु़बेन्‍मु माम्‍चु़नीका सु़म्‍दिसेरडाम नेप्ची मान्थिम ल्‍वामिम छेट्‌मिडी। सोनुङमा मु़चु़मिमकु क्रो़म लु़बेन्‍मु माम्‍चु़नीका सु़म्‍दिसेरडाम मेचापा ल्‍वामिम छेट्‌मिडी।

१ कोरिन्थी 1:28

सु़म्‍दिसेरडाम मु़चु़मिमका डोक्‍पु मिम्‍मिडिम ल्‍वामिमलाई हाम ना हामकाम दु़म्‍बेन्‍मु लागि सु़म्‍दिसेरका याक्‍के मिम्‍डु़म मा हाम ना हामकाम ल्‍वामिमलाई माम्‍चु़नीका छेट्‌मिडी।

१ कोरिन्थी 2:8

ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

१ कोरिन्थी 6:2

माम्‍चु़नीकु मु़चु़मिमका सु़म्‍दिसेरकाम निया बोमी र्‍वाक्‍पा हाम गानी मेचनी? सु़म्‍दिसेरकाम निया गानी बोनी माला याक्‍केतो रिबुसी ल्‍वा फ्‍यामु हाम गानी मेचाम्‍नी?

१ कोरिन्थी 11:32

सु़म्‍दिसेरडाम मु़चु़मिमनुङ मुमा बेन्‍ला मेसो़सिडिनु़ र्‍वाक्‍साका गुइलाई ङाचो़का इकीमा निया बोमी मा देन्‍दे ग्‍वाक्‍सामी।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।