१ कोरिन्थी 1:2 - थुलुङ राई

² ओराम सेलाखाजेम कोरिन्‍थ शहरडा बाट्‌पा माम्‍चु़नीकु मण्‍डलीडा बाट्‍पामिमलाई र्‍याक्‍तोङा बेउ। गानीलाई माम्‍चु़नीका उनी त्‍वाकु सेपा मु़चु़ दु़म्‍मु लागि येट्‌निमी। ङाचो़ येशू ख्रीष्‍टकु सो़रलोले बेपा खोत्लेथो़म मु़चु़मिमलाई गुमीका सेपा दु़म्‍बेट्‌मिडिम होम्‍साका गानीलाई वो ख्रीष्‍ट येशूलामका सेपा दु़म्बेट्नामिम बु। येशू ङा इनीमा नुङ आकीमा ङाचो़ सो़।

१ कोरिन्थी 1:2 Referans Kwoze

रोमी 1:7

रोम शहरडा बाट्‍पा गानी खोत्‍लेलाई माम्‍चु़नीका हापा रिखाम बेन्‍निमिमा उनीमा त्‍वाकु सेपा मु़चु़ दु़म्‍मु लागि येट्‌निमिम सो़: इकीमा माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न भ्रसी ल्‍वानिनु़।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

हिब्रू 13:12

मेम्‍मिमका येशू ख्रीष्‍टका वो उनीमा त्‍वाकु सिसिका मु़चु़मिमलाई सेपा दु़म्‍बेन्‍मु लागि शहरडाम पाखाडा लम्‍डिमा सिम्‍डी।

१ थेसलोनिकी 4:7

सेपा मु़चु़ दु़म्‍मुमा बुमु लागि माम्‍चु़नीका येसाड्‌डामिम, मेसेपा दु़म्‍साका बुमु लागि ने मेएँ।

हिब्रू 10:10

मेराम नका येशू ख्रीष्‍टकु मिरो़मकु सासेसीलामका आथा ने बोमु मेबासिक्‍पा बेसाका छु़ललाम गुइ सेपा दु़स्‍तिम बुइ।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

थु़र्मा 9:14

आसिन्‍डा वो ओरामका इनीमा नङ रपा खोत्‍लेलाई बन्‍मु साखाम ङाउ डु़म्‍लाचो़मिमलाम ल्‍वास्‍तु़म बु।”

रेम्‍बेट्‌मिडिम ल्‍वा 19:16

उनीमा ब्‍लाङमाडा नुङ उनीमा फिलाडा ओराम उनीमा नङ र्‍याक्‍मा बाइडा: “हपमिमकु हप नुङ ङाचो़मिमकु ङाचो़।”

यहूदा 1:1

येशू ख्रीष्‍टकु डु़ल्‍चो़ नुङ याकूबकु ल्‍वाक यहूदालामका– माम्‍चु़नी पापलामका थसिक्‍पा नुङ रिखाम ल्‍वापा मा येशू ख्रीष्‍टकाम लागि बोट्‌मा-थार्मामिम,

हिब्रू 2:11

येशू, उहेमका मु़चु़मिमलाई सेपा दु़म्‍बेन्‍मी मा मे सेपा दु़म्‍पामिम खोत्‍ले कोले पापकु चो़मिमङा सो़। मेम्‍मिमका मेर्मिमलाई आमा वा-ल्‍वाक र्‍वामु येशूलाई उनी क्रो़म मेलु़।

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

१ तिमोथी 3:15

गो रोमु छु़ङ्‌डो माला माम्‍चु़नीकु नेमडा गाना हा-हाम बोमु बासी ओरामलामका थेना। ओराम नेम र्‍वाक्‍मा हेल्‍लो लोवो बुमिमिम माम्‍चु़नीकु मण्‍डली, माम्‍चु़नीलाम रोक्‍पा आच्‍छाङाकु सिजेम झेथाक्‍पा नुङ बाट्‌पाम बाट्‌पा थो़र लु़पामिम सो़।

२ थेसलोनिकी 1:1

गो पावल, सिलास नुङ तिमोथीका गानी माम्‍चु़नी इकीमा पाप नुङ ङाचो़ येशू ख्रीष्‍टकु मण्‍डली थेसलोनिकीमिमलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

एफिसी 5:26

गुमीका थो़रलु़पामिमलाई कुका सो़ल्‍साका नुङ सिजेमका छेको छेको बेसाका सेपा दु़म्‍बेन्‍मु,

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

रोमी 10:12

यहूदी नुङ वाङसामाडा हाम वो वाङ मिबु। गुमी गुइ खोत्‍लेकाम कोलेङा माम्‍चु़नी बुमी मा गुमीडा सो़म्‍दी बेपा खोत्‍लेलाई हापा जि ग्‍वामी।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

थु़र्मा 22:16

मेम्‍मिमका दाला बासा, बकामा कु-रु़दु़म रङा। मेकोतिमा उनीमा नङडा सो़म्‍दी बेमा इमा छु़ल हेप्‍डा।’

थु़र्मा 18:1

मेकोतिमा पावल एथेन्‍सलामका कोरिन्‍थ शहरडा लस्‍ता।

थु़र्मा 15:9

गुमीका वाङसामामिम नुङ गुइलाई मेफ्‍वाक्‍सामिवा, लावो मेर्मिमका थो़र लु़म्‍डिमका गुमीका खोत्‍लेकु न-गो सेपा दु़म्‍बेट्‌मिडी।

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

थु़र्मा 9:21

शाऊलकु सिजेम थो़पामिम ङाङाया दु़म्‍मिडिमा र्‍वाम्‍डी, “यरूशलेमडा येशूकु नङ रपा मु़चु़मिमलाई सेन्‍मु माल्‍पा मु़चु़ ओराम ङा मेएँ डे? मा आसिन्‍डा वो मेर्मिमलाई बसाका डोक्‍पु डु़म्‍लाचो़मिमकाडा लमु लागि रोक्‍ताम ने मेएँ?”

२ तिमोथी 2:22

मेम्‍मिमका स्‍वालादुडाम मेजो़पा खारीडाम वाङ बाया, सेपा न-गोका माम्‍चु़नीकाम नङ रपामिमनुङ कोयोङा माम्‍चु़नीकु न होङ्‍ङा बेपा थो़र बोमु, रिखाम बोमु नुङ न-भ्रसिबेन्‍मु न बे।

गलाती 1:2

आसिन्‍डा गोनुङ बाट्‌पा खोत्‍ले वा-ल्‍वाकमिमलामका वो गलातियाडाम मण्‍डलीमिमलाई आकीमा ओराम सेव बु:

थु़र्मा 9:13

लावो हननियाका र्‍वाक्‍ता, “ङाचो़, मेराम मु़चु़का यरूशलेमडाम इनीमा थो़रलु़पामिमकाम छो़म उनी थो़मतेर्साड्‌डु़मिम ल्‍वा गो हापा मु़चु़मिमलामका थो़उतोम बु।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

१ कोरिन्थी 12:27

गानी ख्रीष्‍टकु मिरो़म, मा गानी खोत्‍ले ने मेराम मिरो़मडाम भाग सो़।

१ तिमोथी 2:8

थो़रलु़पामिमकु घ्रो़म्‍दीडा वोस्‍चो़मिमका छोक्‍चो मेबेसाका नुङ रिबुसी मेकिसाका मा सेपा उनी ल्‍वा कोक्‍साका सो़म्‍दी बोमिनु़ र्‍वाक्‍पा आमा न बु।

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”