१ कोरिन्थी 1:18 - थुलुङ राई

¹⁸ पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्‍सिक्‍पामिमकाम लागि ओराम माम्‍चु़नीकु यु़म सो़।

१ कोरिन्थी 1:18 Referans Kwoze

१ कोरिन्थी 2:14

माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

२ थेसलोनिकी 2:10

मा पुयु़ लुक्‍पा मु़चु़मिमलाई मेरामका खोत्‍ले मेजो़पा ल्‍वाका लु-फेले बु़मी। मेर्मिम पुयु़ लुमी हेङालोने सेल्‍सिक्‍पा आच्‍छाङाकाम ल्‍वा मेर्मिमका मेद्‌वाक्‍मिवा मा मेरमिवा,

२ कोरिन्‍थी 4:3

गुकु थो़बेन्‍कुमिम जो़पा-सेला कोङनिमलामका थसिक्‍पा बु माला पुयु़लुक्‍पामिमकाम लागि कोङङा थसिक्‍पा बु।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

१ कोरिन्थी 3:19

हेङालोने ओराम सु़म्‍दिसेरकु नेप्‍ची माम्‍चु़नीकु ङादोडा नेप्‍ची मान्थिम ल्‍वा सो़। माम्‍चु़नीकु सिजेमका वो र्‍वा, “माम्‍चु़नीका मे नेप्‍चीनुङमा मु़चु़मिमकु बाछेन्‍दा लिसीडा चु़म्‍मी।”

१ थेसलोनिकी 1:5

हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।

१ कोरिन्थी 2:2

गो गानीनुङ बाङडोलो येशू ख्रीष्‍ट नुङ गुमीलाई क्रूसडा चेट्‌मिडिम ल्‍वाडाम वाङमिम खोत्‍ले प्‍ल्‍वापा मुलु़ बेउतोम बाइडा।

थु़र्मा 13:41

‘ए डक्‍साका जेपा मु़चु़नी, रेप्‍नी, ङाङाया दु़म्‍निमा पुयु़ लुक्‍नी, हेङालोने इनी मिरो़मडा कोलेम कोले खारी बोमु खापुमिम बु, मेरामकु दुथाम कोङनिमका सो़यु़ ङा लोवो गानी हेल्‍लो वो थो़र मेलु़नी’।”

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

२ कोरिन्‍थी 10:4

गुइ क्‍वाल्‍बा बिइमिम गिजो-वाजो ने सु़म्‍दिसेरडाम मु़चु़मिमका मोक्‍पा गिजो-वाजो मेएँ। गुइ मोक्‍थालिमिम माम्‍चु़नीकु यु़मनुङमा गिजो-वाजोका ने खिर्मा खोम वो छो़रो़प बु़। ओराम गिजो-वाजोका हाम ना हामकु रिबुसी ल्‍वा दाम्‍बेडु़।

१ कोरिन्थी 15:2

गो थो़बेट्‌निनिम ओराम जो़पा-सेलाडा थो़र बोनिमा मेडिसाका मेरामडा दु़म्निम बुनी माला ओरामका गानीलाई सेल्‍नी, मेएँ माला ने गानी थो़र बेन्‍निम ने हाम ना हामकाम दु़म।

थु़र्मा 17:32

मेर्मिमका सिमुलाम बम्‍गेमुकु दुथाम थो़म्‍डी, मा याङ-याङका पावललाई रिम्‍साम्‍डी। लावो वाङमिमका ने “गुकु ओरामकु दुथाम आथावो थो़कु” र्‍वाम्‍डी।

थु़र्मा 17:18

इपिक्‍युरी नुङ स्‍तोइकी र्‍वाक्‍मा नले समूहडाम नेप्‍चीनुङमा कोङ-कोङ मु़चु़मिम बाम्‍डी। मेर्मिम आच्‍छाङाकाम ल्‍वा नुङ त्‍वारो़मकु दुथाम मिम्‍पा, माल्‍पा मा सीपा दार्शनिक बाम्‍डी। मेर्मिमका पावललाई वाङ-वाङ ल्‍वामिमलाम छो़म खाल्‍मिडी। मेर्मिमगोडाम कोङ-कोङका आरे र्‍वाम्‍डी, “हाम सो़यु़मिम ओ उ न ना थो़म जेपाका?” वाङमिमका र्‍वाम्‍डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्‍गेट्‌पाकु दुथाम सो़यु़डु़म बाइडा।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।