१ कोरिन्थी 1:13 - थुलुङ राई

¹³ हाम ख्रीष्‍ट दो़म्‍सिम्‍डिम बु मा? हाम पावल इनीमा लागि क्रूसडा चेसिड्‌डा? हाम पावलकु नङडा गानी कु-रु़दु़म रन्‍नी मा?

१ कोरिन्थी 1:13 Referans Kwoze

एफिसी 4:5

गुइ खोत्‍लेनुङ कोलेङा ङाचो़, कोलेङा थो़र मा कोलेङा कु-रु़दु़म बु।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

१ कोरिन्थी 10:2

आरेसाका मेर्मिम खोत्‍लेका मोशाकु चङचङ लाम्‍दिसाका खासे नुङ दिरिदिनडा कु-रु़दु़म रम्‍डी।

थु़र्मा 19:5

ओराम ल्‍वा थो़म्‍डिमा मेर्मिमका ङाचो़ येशूकु नङडा कु-रु़दु़म रम्‍डी।

थु़र्मा 10:48

मेकोतिमा पत्रुसका कर्नेलियस नुङ उमा नेमडा बाट्‌पा मु़चु़मिमलाई येशू ख्रीष्‍टकु नङडा कु-रु़दु़म ग्‍वाबेड्‌डु़मी। मेम्‍मा मे वाङसामामिमका पत्रुसलाई कोलेम-नलेम मेसिङा बुमु र्‍वाम्‍डिम-र्‍वाम्‍डिम ङा बेम्‍डी।

गलाती 1:7

लावो मेराम ने आच्‍छाङाकाम जो़पा-सेला मेएँ। कोङनिम मु़चु़का गानीलाई ब्‍लो़प्‍साका येशू ख्रीष्‍टलाममिम जो़पा-सेला कोर्थो़ हेर्मु माल्‍तोङा लेन्‍मिमिमका गो ओराम ल्‍वा र्‍वाक्‍तोङा बेउ।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

१ कोरिन्थी 1:15

मेम्‍मिमका आमा नङडा कु-रु़दु़म रउतो र्‍वाक्‍साका गानी सु़का वो र्‍वामु मेचाम्‍नी।

रोमी 14:9

सिपा नुङ नु़पा खोत्‍ले मु़चु़काम लागि येशू ख्रीष्‍ट सिम्‍डी मा आथावो बम्‍गेम्‍डी। हेङालोने गुमी सिपा नुङ नु़पा खोत्‍लेकाम ङाचो़ दु़म्‍मु लागि मेम बेम्‍डी।

थु़र्मा 8:16

मेर्मिमका येशू ख्रीष्‍टकु नङडा कु-रु़दु़म रम्‍डिम बाइडा, लावो मेर्मिम सु़काडा वो माम्‍चु़नी-पेल योम्‍डिम मेबायावा।

मत्ती 3:6

मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।