१ कोरिन्थी 1:12 - थुलुङ राई

¹² गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

१ कोरिन्थी 1:12 Referans Kwoze

यूहन्‍ना 1:42

मेकोतिमा अन्‍द्रियासका सिमोनलाई येशू क्रो़म्‍बेड्‌डा रेड्‌डु़। येशूका सिमोनलाई किकिर्या रेप्‍मिडिमा र्‍वाम्‍डी, “यूहन्‍नाकु तारापाचो़, इमा नङ सिमोन, लावो इमा नङ केफास (केफास र्‍वाक्‍मा पत्रुस) दु़म।”

गलाती 3:17

गो र्‍वामु माल्‍तोम ल्‍वा ओरामङा सो़, ङादोङा माम्‍चु़नीका सो़रख्रेप्‍मिडिम ल्‍वा ब्‍लसङ सु धु़म थ चङडा रोक्‍पा डु़म्‍लाका क्रिम्‍मु मेचाप्‍सु़। मेएँ माला ने माम्‍चु़नीका याचे जेम्‍डिम हाम ना हामकाम दु़म्‍सावा।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

२ कोरिन्‍थी 9:6

ओराम ल्‍वा मिम्‍नी वो: कि-कि भ्रल फोट्‌पाका कि-कि फकु़, मा हापा भ्रल फोट्‍पाका हापाङा फकु़।

१ कोरिन्थी 16:12

ल्‍वाक अपोल्‍लोसकु दुथाम ने गो र्‍वाङु, वाङमिम वा-ल्‍वाकमिमनुङ कोयो इनीमाडा लक्‍नी र्‍वाक्‍साका गुलाई छो़म र्‍वाङ्‌डोम बाइडा। गु ओम्‍लो इनीमाडा रोमु नङा मेबु़वा, लावो उमा लागि जो़पा थारी दु़म्‍लो इनीमाडा रो।

१ कोरिन्थी 15:50

वा-ल्‍वाक्‍नी, गो गानीलाई र्‍वाङु, सो़ नुङ सिसिकु मिरो़मका माम्‍चु़नीकु किब्‍दीकाम दो़दो़वा मेल्‍वासु़। मेम्साकाङा पुयु़लुक्‍पा मिरो़मका हेल्‍लो वो पुयु़ मेलुक्‍पा मिरो़मकु दो़दो़वा मेल्‍वासु़।

१ कोरिन्थी 15:5

मा गुमी केफासकाडा, मा को-न (१२) थु़र्मामिमकाडा रेम्‍बेम्‍सिम्‍डी।

१ कोरिन्थी 9:5

हाम वाङमिम थु़र्मामिम नुङ ङाचो़ येशूकु ल्‍वाकमिम नुङ केफासका होङङा येशूडा थो़रलु़पा त्‍वाकु नाइमे त्‍वापनुङ लाम्‍दिबेन्‍मु गुकु मेल्‍वाकु मा?

१ कोरिन्थी 7:29

वा-ल्‍वाकनी, गो गानीलाई र्‍वामु मालुमिम ल्‍वा ओरामङा सो़, ङाचो़ दालाङा योमी। आथाडा आनो नाइमे बाट्‌पामिमका नाइमे मेबाट्‍पा होप्‍मामङा दु़म्‍साका बुमिनु़।

१ कोरिन्थी 4:6

वा-ल्‍वाकनी, गो गानीलाई “जो़होमका बुमु बासी” र्‍वाक्‍साका र्‍याक्‍मा ल्‍वा थेसीथेन्‍बेन्‍मु लागि आमा नुङ अपोल्‍लोसकु दुथाममिम ल्‍वा गो सो़उतोम बु। आरेसाका कोले कोङमीलाम बासिक्‍साका कोङमीलाई छेमछेम दुमु जो़पा मेएँ।

थु़र्मा 18:24

मेराम थारीका अलेक्‍जेन्‍ड्रिया शहरडा गक्‍पा अपोल्‍लोस र्‍वाक्‍मा कोले यहूदी एफिससडा रोक्‍ता। गु जो़होमका जेमु थेट्‌पा, मा माम्‍चु़नीकु सिजेमकु दुथाम छो़म थेट्‌पा मु़चु़ बाइडा।

मत्ती 23:8

“लावो गानीलाई सु़का वो ‘सीपा’ मेर्‍वानु़, हेङालोने गानीलाई सीपा ने कोलेङा बुमी, मा गानी खोत्‍ले वा-ल्‍वाक सो़।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

१ कोरिन्थी 1:11

हेङालोने आमा वा-ल्‍वाकनी, गानीगोडा रिबुसी गस्‍ताम बु ए र्‍वाक्‍साका क्‍लोएकु नेमडाममिमगोडाम कोङनिमका गोनुङ सो़म्‍डिम बु।

२ कोरिन्‍थी 10:7

गानी ने इनी मिक्‍सीलामडा बाट्‌पा कोङङा रेम्‍नी। कोङनिम मु़चु़का गो ने ख्रीष्‍टकाम र्‍वाक्‍साका जो़होमका थो़रलु़डाम बु माला, गुकु वो गु होप्माम ङा ख्रीष्‍टकाम सो़ र्‍वाक्‍पा ल्वा गुका मिम्‍नु़।