तीतुस 3:5 - राना थारु नयाँ नियम

⁵ परमेश्वर हमके हमर पापके दण्डसे बचाइ, और जा हमर अपनो धार्मिक कामके कारण नाए, जो हम करे रहएं, बल्कि बा हमर उपर दया दिखाइ, और बा पबित्र आत्मा दइके हमके बचाए लइ। जौन हमरे पापनके धोइ और हमके एक नयाँ जीबन और ब्यबहार करनके एक नयाँ तरिका दइ।

परमेस्वर को सच्चो वचन

⁵ बौ हमैं बचाई। हमरे अच्छे और धार्मिक काम के जरिया नाय, बल्किन बाकी खुद की दया की बजह से बौ हमकै बचाई। पवित्र आत्मा के जरिया से जो हमैं धोएकै हमैं नया जनम और नई जिंदगी दई।

तीतुस 3:5 Referans Kwoze

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

इफिसियों 2:4

पर परमेश्वर बहुत दयालु हए, बा अपनो महान प्रेमसे हमके प्रेम करी।

इफिसियों 5:26

ख्रीष्ट मण्डलीनके पबित्र बनानके ताहीं अपनो बचनसे और बप्तिस्माको पानीसे धोएके शुद्ध बनाइ।

रोमियों 11:6

परमेश्वर उनको भले कामसे नाए बल्कि उनके अनुग्रहसे चुनीं, अगर कामके द्वारा हए तओ अनुग्रह नाए रहितो।

हिब्रू 4:16

जहेमारे सहाससे परमेश्वरके अग्गु जामएं, जो अनुग्रहसे भरोहए। और जरुरत पणो समयमे हम परमेश्वरसे दया और अनुग्रह पामंगे।

कलस्सी 3:10

तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।

गलातियों 2:16

तओ फिर हम यहूदी बिश्वासीनके जानत हएं, कि मोशाको नियम कानुनको पालन करके कोइ फिर आदमी परमेश्वरके नजरमे धर्मी घोषित नाए करोजात हए। जहेमारे येशू ख्रीष्टमे इकल्लो बिश्वास करनके द्वारा धर्मी ठहिरत हए। काहेकी हम मोशाको नियम कानुन पालन करके नाए पर येशू ख्रीष्टमे बिश्वास करनसे धर्मी घोषित करेगए हएं।

रोमियों 3:20

जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।

1 पतरस 2:10

एकदाओं तुम परमेश्वरके प्रजा नाए रहओ, पर अब तुम परमेश्वरके प्रजा भए हओ। एकदाओं तुम परमेश्वरको कृपा नाए पाए रहओ, पर अब तुम जाके जानत हओ, काहेकी बा पहिलीए तुमके अपनो कृपा दिखाइ हए।

इफिसियों 4:23

अब पबित्र आत्माके तुम्री बिचार और ब्यवहारके नयाँ करनदेओ।

रोमियों 3:28

जहेमारे हम जानत हएं, कि हम येशू ख्रीष्टमे सिर्फ बिश्वासएसे परमेश्वरके सँग धर्मी ठहिरत हएं, जा नाएकी मोशाको नियम कानुनके पालन करनके कारण।

रोमियों 9:11

जन्मनसे अग्गुवए कुछ अच्छो और कुछ खराब काम करनसे पहिलीयए परमेश्वर रेबिकासे कही रहए, कि बक बाणो लौंणा छोटो लौंणाको सेवा करैगो। परमेश्वर जा दिखानके ताहीं कही, कि बा अपनो इच्छा अनुसार अपनए बनातहए और जा कोइ फिर कामके कारण नाए रहए, जो बे करीं।

लूका 1:78

जा हमर परमेश्वरको कोमल दयासे होबैगो; जैसी दिन हमके प्रकाश देनके ताहीं चम्कत हए, उइसीयए येशू फिर हमरे ठिन स्वर्गसे आबैगो।

लूका 1:54

बा हमर पुर्खासे करो अपन बाचा याद करीहए, अपन सेवक इस्राएल देशके आदमीनके सहयोग करनके आओ हए,

लूका 1:50

परमेश्वरको दया, पिढीसे पिढीतक बे आदमीके उपर बनी रहात हए, जौन परमेश्वरसे डरात हएं,

तीतुस 3:4

तहुँफिर, हमर मुक्तिदाता परमेश्वर हमके अपनी दया और प्रेम दिखाइ।

रोमियों 9:30

तओ हम का कहाएं? बे गैर-यहूदी अपनएके परमेश्वरसे सही बनन्के कोसीस नाए करत रहएं, लेकिन येशू ख्रीष्टमे उनको बिश्वासके कारण उनके परमेश्वरमे धर्मी बनाओ गओ रहए।

रोमियों 9:16

जहेमारे परमेश्वर बो आदमीके चुनैगो जोके उपर दया दिखानको निर्णय लेतहए; बाको छनौट आदमीको करन चाहन बारो काम या इच्छामे भर नाए पणत हए।

रोमियों 4:5

पर जौन परमेश्वरको कृपा पानके ताहीं काम नाए करत हए, बल्कि दोषीन्के निर्दोष ठहिरान बारो परमेश्वरमे बिश्वास करत हए कहेसे बोके परमेश्वर अपने अग्गु धर्मी घोषित करैगो।

लूका 1:72

बा हमर पुर्खान्के दया दिखानके, और अपनो पबित्र करार याद करनके ताहीं आओ हए।

हिब्रू 6:6

बिनके फिरसे फिर्ता लानके कोइ तरिका नाए हए। काहेकी बे अपनए परमेश्वरको लौंणाके फिरसे क्रूसमे टाँगत हएं और बाको लाज करत हएं। औरे दुस्रे आदमी ख्रीष्टके बेकार हएं कहिके सोँचत हएं।

मत्ती 3:11

जौन मोसे पिच्छु आबैगो, बा मोसे बहुत शक्तिशाली हए, और कमैया बनके लोहोकके बाको जुत्ताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर बा तुमके पबित्र आत्मासे बप्तिस्मा देबैगो और आगीको बप्तिस्मा देहए।

रोमियों 11:14

ताकी कुछ रितिसे मए मरे अपने यहूदी जातिनसे जलन कर्बाएके उन मैसे कोइ एकको उद्धार करपाओं।

हिब्रू 10:22

बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।