तीतुस 3:14 - राना थारु नयाँ नियम

¹⁴ सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

परमेस्वर को सच्चो वचन

¹⁴ हमरे आदमिन की जरूरत पूरी करन के ताहीं अच्छे काम करन कै सिखाबौ ताकी बे कामयाब बनै।

तीतुस 3:14 Referans Kwoze

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

मत्ती 7:19

अच्छे फरा नाए फरान बारे सबए रुखाके काटके आगीमे फेंको जएहए, और झुठे अगमबक्तनके फिर उइसीयए दण्ड दओ जाबैगो।”

2 पतरस 1:8

अगर जे सब बात तुममे हएं औ बढरहे हएं कहेसे, जे बातसे हमर प्रभु येशू ख्रीष्टको ज्ञानमे तुमके काम लागन बारो और फलदायी होनके मदत करैगो।

फिलिप्पी 4:17

मए जा चिट्ठी जाकेमारे नाए लिखो, कि मए रुपैया चाँहत हओं, बल्कि मए अइसो फल चाँहत हओं कि, जो तुमर फाइदाके ताहीं बढत जाबए।

इफिसियों 4:28

चोरी काम करन बारे फिर चोरी नाए करएं पर बोके अपनो हातनसे इमानदारीको काम करन पणो, ताकी गरीब आदमीनके सँग बाँटनके ताहीं बोके ठिन कुछ होए।

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

यूहन्ना 15:8

मिर दौवाकी महिमा जहेसे होत हए, कि तुम बहुत फरा फराओ, तब्ही इकल्लो तुम मेरे चेला बनपाबैगे।”

2 थेसलोनिकी 3:8

हम कोइकी रोटी सेतएमे नाए खाए। पर मेहेनत और कष्टसे रातदिन काम धन्धा करत रहएं, ताकी हमके जो चीजको जरुरत होए, बोके पुरा करनके ताहीं तुम मैसे कोइमे निर्भर नाए पणएं।

प्रेरित 20:35

मए सबए बातमे नमुना दओ हओं, तुम फिर अइसियए करके मेहेनत करके कमजोरके मदत करीयओ। प्रभु येशूको बचन याद करीयओ, कैसे करके बा अपनए कही हए, कि लेनसे देनो औ धन्य हए।”

मत्ती 21:19

तओ डगर किनारे येशू एक अञ्‍जीरको पेणके देखी। बा बो पेणके ढिँगै आओ, और बोमे पत्तासे अलाबा और कुछ नाएपाइ। तओ येशू बोसे कही, “अब तोएमे कभु फरा नाए फरए” तओ बो अञ्‍जीरको रुखा तुरन्त अइलियाइ गओ।

प्रेरित 18:3

पावल और अकिलासको एकए व्यपार रहए। जहेमारे पावल उनके सँग रहो और काम करी, काहेकी बो फिर उनही कता किरपाल बनान बारो काम करके जीबन चलात रहए।

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

रोमियों 15:28

जहेमारे, मए सबसे पहिले यरूशलेम सहर जाएरहो हओं, ताकी बे जे जमा करो भओ भेँटी दएपामओं। जाके पिच्छु, फिर मए रोम देशमे आएके तुमसे मिलनके बाद स्पेन देशमे जामंगो।

रोमियों 12:13

प्रभु येशू ख्रीष्टके पबित्र आदमीनके जो कुछ जरुरत हए बोमे उनके मदत करओ, घरमे आएभए पहुनन्को सेवा सत्कार करनमे लागे रहाओ।

फिलिप्पी 4:16

जहे हानी, जब मए थेसलोनिके सहरमे रहओं: जब मोके मदतको जरुरी रहए, तओ तुम रुपैया पठाएके दुई चोटी मोके मदत करे।

तीतुस 2:8

और बहे सिखा, जो सच्चो शिक्षा हए, और कोइ फिर बदनाम नाए करन बारो शिक्षा होबए, ताकी बे आदमी जो येशू ख्रीष्टके ताहीं तेरे कामके बिरोध करत हएं, बे लाजमे पणएं। ताकी बे हमर बारेमे कोइ फिर खराब बात नाए बतकाए पामएं।