तीतुस 2:2 - राना थारु नयाँ नियम

² बुढे मनै अपनए-अपनएके नियन्त्रण करपान बारे होन पणतहए, अइसो ब्यबहार करनके चाहो ताकी आदमी बोके सम्मान करएं, और दुस्रे जनैनसे समझदारसे ब्यबहार करन बारो होन पणतहए। परमेश्वरमे उनको बिश्वास मजबुत होन पणतहए, दुस्रे आदमीनसे सच्चाईसे प्रेम करन बारो होन पणतहए और सहनको क्षमता होन पणतहए।

परमेस्वर को सच्चो वचन

² बड़े बूढ़े आदमिन कै सयंमी, समझदार और अपने खुद के ऊपर काबू रखन की बात सिखा; ताकी उनको बिस्वास, प्रेम, और धीरज मैं मजबूत होमैं।

तीतुस 2:2 Referans Kwoze

गलातियों 5:23

नम्रतामे रहानके और अपनएके अधिनमे करनके लायक बनात हए; अइसो कोइ नियम कानुन नाए हए, जो अइसियए चरित्रके बिरोध करत होए।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।

1 तिमोथी 3:11

अइसियए मण्डलीको सेवा करन बारेनकी बैयर सम्मानको लायक होन पणत हए; और दुस्रेनके बारेमे खराब बात बत्कान बारी नाए होबए, पर शान्त तरिकासे ब्यबहार करन बारी होबए, ताकी उनके उपर हर चीजमे भरोसा करपामएं।

1 पतरस 5:8

होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।

तीतुस 1:13

क्रेट टापूके आदमीनके बारेमे जे बात अभौफिर जा गवाही सच्चो हए, जहेमारे बिनके कर्रेसे चेतावनी दे, ताकी बे येशू ख्रीष्टके बारेमे सच्चो शिक्षामे बिश्वास करएं।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

1 थेसलोनिकी 5:8

पर हम दिनके सन्तान हएं जहेमारे हम अपनएके नियन्त्रणमे करएं। बिश्वास और प्रेमके लगाएलेओ, जो उइसीए हमर रक्षा करत हए जैसेकी लोहोके बनेभए कबच एक सैनिकके रक्षा करत हए। और हमके जा आसरा हए, कि हम सदाकालको दण्डसे बचीगए हएं, और हमके मुक्ति मिलिगओ हए। और जा आसरा बहे टोप कता हए, जो एक सिपाहीके रक्षा करत हए।

रोमियों 12:3

मोके दओगओ अनुग्रहसे तुम मैसे सबके मए बिन्ती करत हओं, जौनके अपनएके जैसो सम्झन्के हए बोसे जद्धा बडो मतसमझओ; पर परमेश्वर तुमके जित्का बिश्वास दइहए बहे कता अपनएके सम्झओ।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

1 कोरिन्थी 15:34

जो ठिक हए बोके बारेमे ध्यानसे बिचार करओ, अबसे पाप मत् करओ; काहेकी तुम मैसे कुछ आदमी परमेश्वरके स्पष्ट रुपसे नाए जानत हएं।

2 पतरस 1:6

तुमके जहे इकल्लो जाननके नाए कि, समझदारीसे कैसे ब्यबहार करनके हए, बल्कि तुम बे बुरे कामनके फिर नाए करनके हए जो तुम करन चाँहत हओ। तुमके अच्छे कामनमे इकल्लो नाए, बल्कि तुमके कठिनाइमे फिर स्थिर होन पणो। तुमके स्थिर इकल्लो नाए होन हए, बल्कि तुमके अइसे जीइनके हए जोके द्वारा परमेश्वरको प्रसंसा होबए।

तीतुस 2:7

तोके हर बातमे उदाहरणके रुपके अच्छो काम करन चाहो, जो देखके दुस्रे आदमी हमेसा पालन करपामएं; जब तए बिश्वासीनके परमेश्वरके बारेमे सिखात हए, तओ तोके अच्छे उदेश्यके साथ सिखान पणो, और अइसे करके सिखा, कि आदमी तोके आदर करएं।

तीतुस 1:8

पर पाहुननके सत्कार करन बारे, दुस्रेके ताहीं भलाइसे प्रेम करन बारे, शान्तसे ब्यबहार करन बारे, सही रितिसे ब्यबहार करन बारे, पबित्र जीबन जीइन बारे और बे अपनए-अपनामे अधिन करपान बारे होन पणत हए।

1 तिमोथी 3:4

बोके अपन परिवारको रेखदेख और बन्दोबस्त अच्छेसे करन पणो और अपने बालकनके सिखान पणो, कि बे सब बातमे आदरसे बोको आज्ञाके पालन करएं।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

1 थेसलोनिकी 5:6

जहेमारे हमके गैर-बिश्वासीन कता सोतए रहाए नाए पणत हए, कहुँ अइसो नाए होए प्रभुक आन बारो दिन हम बिना तयारीके पाएजाएं। पर हमके जगे रहान पणत हए और अपनए सचेत होन पणत हए।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

2 कोरिन्थी 5:13

अगर, हमर होश ठिकानामे नाए हए, कहिके कोइ कहात हए कहेसे जा परमेश्वरके ताहीं हए, और अगर हम होसमे हएं कहेसे औरे आदमी कहात हएं कहेसे जा तुमर ताहीं हए।

1 कोरिन्थी 9:25

जो आदमी दौडमे हिस्सा लेन चाँहत हए, बे पहिले अभ्यास करत हएं और अपने इच्छाके अपने नियन्त्रणमे करत हएं। बे अइसो जाकेमारे करत हएं, ताकी जीत सकएं और आदर पाए सकएं। उनके आदर करनके ताहीं पत्तनसे बने माला देत हएं, जो लम्बो समय तक नाए रहात हए। पर हम जो बिश्वास येशू ख्रीष्टमे करत हएं बोसे आदर पामंगे, और जो आशिष बा हमके देबैगो हमेसाके ताहीं रहाबैगो। जहेमारे हमके अपने चहानामे भुलन नाए पणत हए।

प्रेरित 24:25

पर पावल “परमेश्वरके अग्गु धार्मिक आज्ञा मानके काम करन पणत हए, अपनो इच्छा उपर नियन्त्रण करन पणत हए और परमेश्वरको न्याय करन बारो दिन आएरहो हए” कहान बारी बात सुनात पेती फेलिक्स घबणियातए अइसे कही, “हुइगओ, आजके ताहीं इतकए, अब तए जाए सकत हए। मौका मिलैगो तओ मए फिरसे तोके बुलामंगो।”

लूका 8:35

तओ जो भओ रहए, बो देखन ताहीं आदमी येशूके ठिन आए। और जौन आदमीसे भुत निकरो रहए। बो आदमीके, बोको अप्नो लत्ता लगाएके सफा मनको हुइके येशूके चरणमे बैठो पाइं, और बे अचम्मो मानिगए।

मर्कूस 5:15

तओ बे येशू ठिन आए और देखीं, कि भुत लागो आदमी ठिक मनको हुइके लत्ता लगाए बैठो रहए और जा देखके बे डराइगए।

1 तिमोथी 3:8

उइसी करके मण्डलीको सेवा करन बारे, अइसो लोग होन पणो जौनके आदमी आदर करएं, इमान्दार होबए, दारु पिन बारे आदमी नाए होन पणो, और एक अइसो आदमी नाए होन पणो जो धन पानके ताहीं जो फिर करत हए।

1 तिमोथी 1:2

मए जा चिट्ठी तिमोथीके लिखरहो हओं: तए मिर अपनो लौंणा जैसो हए, काहेकी तए ख्रीष्टमे बिश्वास करत हए। मए प्राथना करत हओं, कि हमर दौवा परमेश्वरसे और हमर प्रभु येशू ख्रीष्टसे तोके अनुग्रह, दया और शान्ति मिलतए रहाबए।

1 तिमोथी 1:10

यौन सम्बन्धके रुपसे गलत काम करन बारे, समलिंगी। बे आदमी, जो दुस्रे आदमीके चुराएके उनके गुलामीके रुपमे बेचत हएं, ठगन बारे आदमी। बे आदमी, जो जब फिर ठगत हएं जबकी बे सच्चो मस्कनको वादा करेहोत हएं। बे आदमी, जो सब कुछ करत हएं जोसे सही शिक्षा देनसे हमके मनाही करत हएं।

1 तिमोथी 1:14

हमर प्रभु लगातार मिर उपर बहुत जद्धा अनुग्रह, बिश्वास और प्रेम दइ, काहेकी मए ख्रीष्ट येशूके सँग एकजुटमे रहओं।

1 तिमोथी 5:1

अपनेसे जद्धा उमर भए आदमीनके मत् डँटीए; पर बोके आदरसे सल्लाह दिए, जैसेकी बो तेरो अपनो दौवा हए, और बे लोग जो तोसे छोटे हएं, उनके अपने भइया हानी ब्यबहार करिए।