तीतुस 1:1 - राना थारु नयाँ नियम

¹ मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

परमेस्वर को सच्चो वचन

¹ परमेस्वर को सेवक और ईसु मसीह को प्रेरित पौलुस के घाँईं से। मोकै जौ ताहीं चुनो गौ, ताकी परमेस्वर के लोगन के बिस्वास मैं और धर्म की सच्चाई के ग्यान मैं बढ़न के ताहीं मदत करौं।

तीतुस 1:1 Referans Kwoze

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

1 तिमोथी 6:3

अगर कोइ झुठी शिक्षाको उपदेश देतहए, और बहे साच्ची शिक्षामे सहमत नाए होत हएं, जो शिक्षा हमरे प्रभु येशू ख्रीष्ट दइ रहए। और बहे आदेश नाए मानत हएं जो आदेशसे प्रभु येशूको आदर होत कहेसे,

2 तिमोथी 2:25

बोके नम्रतासे बे आदमीके सही करन पणो, जो बोको बिरुद्धमे हएं, शैतान जे आदमीनके फसाएलै हए और उनसे अपनी आज्ञापालन कर्बात हए। पर साइत परमेश्वर उनके पश्‍चात्ताप करनके और ख्रीष्टके बारेमे सच्चाईके जाननमे मदत करैगो, ताकी बे होसमे आमएं और बोसे दुर हुइजामएं।

2 तिमोथी 2:23

पर नाए जानन बारो मुरख बातसे दुर रहो; काहेकी तए जानत हए, कि जे बातसे लडाइ होत हएं।

2 पतरस 1:3

परमेश्वर अपनो ईश्वरीय शक्ति द्वारा बाके खुसी बनान बारो जीबन जिनके ताहीं हमके चाहो भओ सब चीज दइ हए। जा सम्भब हए, काहेकी हम परमेश्वरके चीन्हत हएं और बहे हए जो हमके अपनो महिमा और नैतिक भलाइ द्वारा हमके अपनो आदमी होनके बुलाइ हए।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

2 पतरस 3:11

जबकी परमेश्वर नेहात्तओ जे सब चिजनके नाश करदेबैगो, जैसेकी मए अभौफिर कहो हओं, जहेमारे तुमके नेहात्तओ ईश्वरीय तरिकासे ब्यबहार करन चाहो।

1 तिमोथी 2:4

परमेश्वर चाँहत हए, कि सबके सच्चाईको ज्ञान होबए, और बे आदमी मुक्ति पामएं।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

2 कोरिन्थी 1:1

मए, पावल हमर बिश्वासी भइया तिमोथीसँग जा चिट्ठी लिखनडटो हओं। मए परमेश्वरकी इच्छासे ख्रीष्ट येशूको चुनो भओ चेला हओं। मए जा चिट्ठी कोरिन्थ सहरमे भए परमेश्वरको मण्डलीनके, और लगायत सारा अखैया परदेशमे भए सब पबित्र जनके लिखनडटो हओं।

प्रेरित 13:48

जा बात सुनके गैर-यहूदी खुसी होत परमेश्वरको दओ भओ अच्छो समाचारको प्रसंसा करन लागे। कभी फिर नाश नाए होन बारो जीबनके ताहीं अग्गुवएसे परमेश्वरसे चुनेभए आदमी येशू ख्रीष्टमे बिश्वास करीं।

इफिसियों 2:8

काहेकी जब तुम बिश्वास करे तओ परमेश्वर अपने अनुग्रहसे तुमके बचाएलै, और तुम अपनए कोसिस करके बचे नाए हओ, बल्कि जा परमेश्वरको बरदान हए।

1 यूहन्ना 2:23

लौंणाके अस्वीकार करन बारेनके दौवा परमेश्वर फिर अस्वीकार करत हएं; जौन लौंणाके मानैगो, बोके दौवा परमेश्वर फिर मानैगो।

लूका 18:7

परमेश्वर अपन चुनेभए आदमीनके न्याय करदेबैगो जो बाके अग्गु दिन-रात रोत हएं। बा बिनको मदत करनमे देर नाए करैगो।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

प्रकाश 1:1

परमेश्वर येशू ख्रीष्टके बे गुप्त बात बताइ जो बहुत जल्दी होन बारे हएं, ताकी बा उन्हएं अपनो सेवकनके अग्गु प्रकट करपाबए। बा अपनो स्वर्गदूतके बो सन्देश सँग बाको दास यूहन्ना ठिन पठाइ।