रोमियों 8:8 - राना थारु नयाँ नियम

⁸ और जो पापमय स्वभाबके अधिनमे हएं, बे परमेश्वरके खुसी नाए करपए हएं।

परमेस्वर को सच्चो वचन

⁸ और जो सरीर के प्रकृति के वस मैं है, बे परमेस्वर कै खुस नाय कर सकथैं।

रोमियों 8:8 Referans Kwoze

रोमियों 7:5

काहेकी जब हम हमर पापी स्वभाबके अधिनमे रहएं तओ पापमय इच्छा हमर भितर काम करत रहए। और नियम कानुन, जे बुरे इच्छन्के जगाएदइ, मौतको फल उत्पन्न करनके ताहीं हमर शरीरमे काम करत रहएं।

रोमियों 8:9

पर जबकी परमेश्वरको आत्मा तुममे बास करत हए, तओ तुम पापमय स्वभाबके अधिनमे नाए होबैगे, पर पबित्र आत्माके अधिनमे होबैगे। अगर कोइमे ख्रीष्टको आत्मा नाए हए तओ बो ख्रीष्टको होए नाए सकत हए।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

यूहन्ना 3:3

येशू निकोदेमसके जबाफ दइके कही, “नेहात्तओ मए तोसे कहात हओं, अगर कोइ नयाँ करके नाए जन्मैगो कहेसे बो परमेश्वरको राज्यको कोइ हकदार नाएहोबैगो।”

1 यूहन्ना 3:22

और जो कुछ हम परमेश्वरसे मागत हएं, बो हम परमेश्वरसे पातहएं, काहेकी हम बाकी आज्ञा मानत हएं। और बाके मन पणन बारो काम करत हएं।

यूहन्ना 8:29

मोके पठान बारो मिर सँग हए, बा मोके अकेलो नाए छोडी हए, काहेकी मए सब दिन बाके खुसी करबान बारो काम करत हओं।”

1 कोरिन्थी 7:32

मिर इच्छा हए, कि तुम संसारको जीबनकी अभिलाषासे मुक्त रहाओ। परमेश्वरको सेवा कैसे करएं कहान बारी बातमे अबिबाहित पुरुष चिन्तामे रहात हए, कि प्रभुके कैसे खुसी करएं।

1 थेसलोनिकी 4:1

हे मेरे बिश्वासी ददाभइयओ, निष्कर्षमे जा हए, कि हम प्रभु येशू ख्रीष्टके नाउँमे तुमसे बिन्ती और आग्रह करत हएं कि अइसे तरिकासे जीबन जीइबओ, जो परमेश्वरके खुसी करत हए, जैसे हम तुमके सिखाए हएं। तुम पहिलीयएसे जा तरिकासे जीइत हओ, और हम तुमके अइसे करनके ताहीं औ जद्धा प्रोत्सहान करत हएं।

मत्ती 3:17

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

हिब्रू 13:16

भलाइ करन और जो कुछ तुमर ठिन हए, आवश्यकतामे पणेभएनसे बाँटचुट करन मतभुलओ, काहेकी अइसियए बलिनमे परमेश्वर खुसी रहात हए।

कलस्सी 3:20

हे बालका, सब बातमे जैसे जो कुछ फिर तुमर अइयादौवा तुमसे करनके ताहीं कहात हएं, उइसीयए करओ, काहेकी प्रभु जासे खुसी होत हए।

फिलिप्पी 4:18

मोके मिलन बारो चीजसे जद्धा पाओ हओं। तुम इपाफ्रोडिटसके हातमे पठाओ भओ रुपैया पाएके मए सन्तुष्ट हुइगओ हओं। मेरे ताहीं तुमर उपहार मिठो महाँकन बारो बलिदान जैसो हए, जो पुजारी परमेश्वरके चढात हए। जा इनाम परमेश्वरके ताहीं ग्रहणयोग्य हए, और परमेश्वरके खुसी करत हए।

रोमियों 1:21

जहेमारे कि परमेश्वरके जानके फिर बे परमेश्वरके रुपमे सम्मान नाए दइं, बल्कि बे बिपरित बिचार करन लागे, हियाँतककी बे उइसे नाए सोँचत हएं जैसे उनके सोँचनके रहए, बे ठिक रितिसे नाए सोँचत हएं।