रोमियों 8:3 - राना थारु नयाँ नियम

³ काहेकी जो काम मोशाको नियम कानुन हमर पापमय शरीरके कारण दुर्बल हुइके नाए करपाइ, बोके परमेश्वर करी, अर्थात् बा अपनो लौंणाके मनैकी शरीरमे पठाइ, और बा हमर पापके ताहीं बलिदान होनके ताहीं ख्रीष्टके शरीरमे पापको दण्ड दइ।

परमेस्वर को सच्चो वचन

³ काहैकि जो काम नियम सरीर की बजह से कमजोर हुईकै नाय कर पाई, बाकै परमेस्वर करी, मतलब अपनोई लौड़ा कै पाप बारे सरीर के हानी और पाप बलि होन के ताहीं भेजकै, सरीर मैं पाप ऊपर सजा की आग्या दई।

रोमियों 8:3 Referans Kwoze

प्रेरित 13:39

येशू ख्रीष्टमे बिश्वास करन बारे सब पापसे छुटकारा पाएके परमेश्वरके अग्गु ठिक ठहिरत हएं। जा छुटकारा मोशाको नियम कानुनसे तुमर ताहीं सम्भब नाए रहए।

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

रोमियों 6:6

काहेकी हम जानत हएं, कि हमर पुरानो पापमय स्वभाब, ख्रीष्ट येशूके सँग क्रूसमे चढाओगओ, ताकी हमर शरीरमे पापमए स्वभाब नाश हुइजाबए और अब अइसो हम पापको कमैया नाए होमएं।

गलातियों 3:21

का जाको अर्थ जा हए, कि मोशाको नियम कानुन प्रतिज्ञनके बिरुद्ध हए? कभी फिर नाए! काहेकी नियम कानुन हमके कभी फिर नाश नाए होन बारो जीबन देत हुइतो कहेसे हमके जाके पालन करके परमेश्वर सँग धर्मी ठहिराए जाए सकत रहएं।

रोमियों 8:32

परमेश्वर अपने लौंणाके अपने ताहीं फिर नाए धरी, पर बाके हमर ताहीं अपने दुस्मनन्के सौँपदइ। बा हमएं बे सब चीजमे फिर अनुग्रह करैगो जो बा हमसे प्रतिज्ञा करी रहए।

रोमियों 3:20

जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

फिलिप्पी 2:7

और बा सब कुछ छोड दइ, और कमैयाको रुप लइ, और बा एक आदमी बनिगओ।

हिब्रू 10:12

पर ख्रीष्ट अपनो शरीर आदमीनको पाप उठाए लैजानके ताहीं एकए चोटी बलि भओ, जो सदामानके ताहीं प्रभावशाली हए। जा काम निभटके पिच्छु बा परमेश्वरको दहिना हात घेन उँचो सम्मानके ठाउँमे बैठो।

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।

हिब्रू 2:17

जहेमारे हर बातमे येशूके दुस्रो आदमी कता बनन पणो। उइसीयए बा परमेश्वरको दयालु और बिश्वासयोग्य प्रधान यहूदी पुजारी बनो। ताकी बाको बलिदानसे आदमी अपनो पापसे क्षमा पाए जामएं।

रोमियों 9:3

मए त हियाँतक फिर चाँहन सिक्तो, कि मेरे यहूदी बिश्वासी ददाभइया और मेरे अपने जातिके ताहीं परमेश्वर मोहीके सराप देबए और ख्रीष्टसे अलग होओं।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 9:24

तओ यहूदी समुहके अगुवा बो अन्धरा आदमीसे दुस्रो चोटी बुलाएके कहीं, “परमेश्वरके अग्गु कसम खा, कि तए सच्चो बताबैगो, और हम जान्त हएं, कि बो आदमी पापी हए।”

मर्कूस 15:27

बे बाके सँग दुई जनै डाँकुके क्रूसमे टाँगीं, एक दहिना घेन और दुस्रो बाके दिबरा घेन।

रोमियों 7:18

काहेकी मए जानत हओं, कि मोएमे अर्थात् मेरे पापमय आदमीको स्वभाबमे कोइ अच्छी चीज बास नाए करत हए, भले काम करनके ताहीं इच्छा त मोएमे हएं पर उनके करनके मोसे नाए हुइपात हए।