रोमियों 8:29 - राना थारु नयाँ नियम

²⁹ काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

परमेस्वर को सच्चो वचन

²⁹ काहैकि जिनकै बौ पहलिये से जान लई है उनकै पहलिये से ठहराए भी दई है कि बाके लौड़ै हानी होमैं जोसे बौ निरे भईय्यनौ मैं पहलोठो होबै।

रोमियों 8:29 Referans Kwoze

इफिसियों 1:11

परमेश्वर हम यहूदीनके फिर ख्रीष्टके सँगए जोडके अपने आदमी होनके ताहीं चुनलै काहेकी सुरुसे बाकी जहे योजना रहए। बा सब अपनी योजनाके अनुसार करत हए।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

2 तिमोथी 2:19

तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”

1 कोरिन्थी 2:7

पर जौन ज्ञानको हम बात करत हएं, बो ज्ञान परमेश्वरको ज्ञान हए जो लुको रहए। अबतक कोइ फिर जाके नाए जानत रहए। पृथ्वी बनानसे पहिलीयए परमेश्वर अपन ज्ञानसे निर्णय लैलै रहए, कि बा हमके अपन महिमामे साझेदार बनाबैगो।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

1 कोरिन्थी 15:49

हम सबके ठिन बहे पुरुष आदमको रुप हए जोके मट्टीसे बनाओ गओ रहए। अइसियए, एक दिन, हमर ठिन ख्रीष्टको रुप होइगो, जो स्वर्गसे आओ रहए।

रोमियों 9:23

काहेकी बा दिखान चाँहत रहए, कि बा कित्नो महान हए, जब बा आदमीनके उपर दया करी जौनके बा अपनी महिमामे भागीदार होनके ताहीं चुनी हए।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

रोमियों 11:2

परमेश्वर अपने बो आदमीके नाए त्यागी, जोके बा पहिलीएसे चुनलै रहए। तुम जानत हओ, कि पबित्र-शास्त्र एलिया अगमबक्ताके बारेमे का लिखी रहए, कि एलिया इस्राएल देशके आदमीनके बारेमे परमेश्वरसे गुनासो करी।

यूहन्ना 17:16

जैसे मए संसारसे सम्बन्धित नाए हओं, उइसीयए बे फिर संसारसे सम्बन्धित नाए हएं।

फिलिप्पी 3:21

बा अपनो शक्तिको बहे प्रभावके अनुसार, जौनके द्वारा बा सब चीजके अपने अधिनमे कर सकत हए। हमर कमजोर संसारकी शरीरको रुप बदलके अपनो महिमाको शरीर जैसो बनाबैगो।

इफिसियों 4:24

और बा तुमके एक नयाँ आदमी बनाइ हए। जा नयाँ आदमीके परमेश्वर कता होनके ताहीं बनाओ गओ हए, अर्थात् बोके नेहात्तओकमे धर्मी और पबित्र होनके ताहीं बनाओ गओ हए।

मत्ती 12:50

काहेकी जौन स्वर्गमे होन बारो मिर दौवाको इच्छा पालन करत हएं, बेहीं मिर भइया, बहिनीया, और मिर अइया हएं।”

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

रोमियों 13:14

बल्कि येशू ख्रीष्टके अपनो हथियार बनाओ और पापमय स्वभाबको इच्छा पुरा करनमे मतलागओ।

मत्ती 7:23

और मए बिनसे सफासे कहिदेहओं, ‘मए तुमके कभु नाए चिनो हओं। ए अधर्म काम करन बारे, मिर ठिनसे चलेजाओ।’”

यूहन्ना 20:17

येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

यूहन्ना 17:19

उनको फाइदाके ताहीं मए अपनएके सत्यके द्वारा पबित्र बनात हओं ताकी बे फिर सत्यके द्वारा पबित्र बने जाएं।”

मत्ती 25:40

तओ मए राजा, बिनके जबाफ दइके कएहओं, ‘नेहात्तओ, मए तुमसे कहात हओं, तुम जे छोटेसे छोटे मिर बिश्वासी ददाभइया मैसे एक जनैके ताहीं करे, बो मिर ताहीं करे।’

मत्ती 28:10

तओ येशू बिनसे कही, “मतडरओ, मिर बिश्वासी ददाभइयनसे जाएके कहाओ, कि बे गालीलमे चलेजामएं हुवाँ मोके देखंगे।”

1 कोरिन्थी 8:3

पर कोइ परमेश्वरके प्रेम करत हए कहेसे परमेश्वर बोके जानत हए।

कलस्सी 3:10

तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।