रोमियों 8:25 - राना थारु नयाँ नियम

²⁵ पर हमके कुछ अइसो पानको आसरा हए जो हमर ठिन अभए तक नैयाँ, जहेमारे हम धर्यसे तबतक आसरा करत हएं जब तक हम बोके प्राप्त नाए करलेमएं।

परमेस्वर को सच्चो वचन

²⁵ पर जो चीज कै हम देखतै नाय हैं, अगर बाकी आसा रखथैं तौ, धीरज से बाकी रहा तकथैं।

रोमियों 8:25 Referans Kwoze

रोमियों 12:12

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

लूका 21:19

तुम परमेश्वरमे बिश्वासयोग्य रहाबैगे कहेसे परमेश्वर तुमर जीबनके बचाबैगो।”

2 थेसलोनिकी 3:5

हम प्राथना करत हएं, कि प्रभु येशू ख्रीष्ट तुमके जा सम्झनको लायक बनाबए, कि परमेश्वर तुमके कित्नो प्रेम करत हए। और तुम अइसे सहाओ, जैसे येशू ख्रीष्ट सही।

रोमियों 8:23

और जा सृष्टि इकल्लो नाए, पर हम फिर, जौनमे होनबालो महिमाके पहिलीयएसे स्वाद चाखानके रुपमे पबित्र आत्माको निबास हए, हम पबित्र आत्माके हमर ताहीं परमेश्वरको प्रतिज्ञाकी निसानीके रुपमे पाए हएं। पर हम अभौफिर बो समयको आसरा कर रहे हएं जब हमके अपने बच्चा बनानके ताहीं परमेश्वर उठाएलेबैगो और हमर शरीरके सब दुष्टतासे छुटकारा करैगो।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

लूका 8:15

पर अच्छी जमिनमे पणन बारे बेही हएं, जौन बचन सुनके अच्छो मन और भलो ह्रदयमे बाके बचाए रहतहएं, और धैर्यसाथ फरा फरातहएं।

प्रकाश 14:12

तभीमारे जा जरुरी हए, कि परमेश्वरके पबित्र आदमीके जीबनमे आन बारे सबएके दुख सहान पणतए हए। बे परमेश्वरको आज्ञापालन करत हएं। और बिनके येशूमे बिश्वास करन नाए छोडन हए।

प्रकाश 13:10

जौन आदमीनके जेलमे डारो जानके ताहीं फैसला हए, बे पक्कए फिर जेलमे डारे जामंगे, और अन्य आदमीनके ताहीं तरबारसे मारो जानके ताहीं फैसला हए, बे पक्कए फिर मारे जामंगे। जहेमारे नेहात्तओ, कि परमेश्वरके आदमी बे कठिनाइके सहाएं जौननको बे अनुभव करत हएं और बे बिश्वास करनमे पक्के हएं।

हिब्रू 6:15

अब्राहाम धैर्यसे लम्बो समय तक आसरा लगो। और बो, परमेश्वर प्रतिज्ञा करो भओ आशिष पाइ।