रोमियों 8:24 - राना थारु नयाँ नियम

²⁴ अब जब हमएं परमेश्वर बचाइ हए, तओ हमर ठिन जा आसरा हए। पर जब तुम कुछ पानके आसरा कर रहेहओ जो तुमर ठिन पहिलीएसे हएं, तओ बो आसरा नाए हए। कोइ फिर बो चीजके पानके आसरा नाए करत हए जो बोके ठिन पहिलीयएसे हए।

परमेस्वर को सच्चो वचन

²⁴ हमरो उद्धार जौ आसा से भौ है लेकिन जो चीज की आसा करी जाथै, जब बौ देखन मैं आथै तौ फिर आसा रहिये कहाँ? काहैकि जो चीजन कै कोई देखरौ है बाकी आसा कहाँ करंगे?

रोमियों 8:24 Referans Kwoze

हिब्रू 11:1

बिश्वास करनको मतलब आसरा करोभओ बातमे निर्धक्क होनो और नाएदेखो भओ बातमे पक्का भरोसा करनो हए।

2 कोरिन्थी 5:7

परमेश्वरके देखके नाए, बल्कि हम बामे बिश्वास करके जीइत हएं।

2 कोरिन्थी 4:18

हम दिखान बारी बातके नाए, बल्कि नाए दिखान बारी बात देखत हएं, काहेकी दिखान बारी बात क्षणिक होत हएं, पर अदृश्य बात अनन्ततक रहात हएं।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

1 थेसलोनिकी 5:8

पर हम दिनके सन्तान हएं जहेमारे हम अपनएके नियन्त्रणमे करएं। बिश्वास और प्रेमके लगाएलेओ, जो उइसीए हमर रक्षा करत हए जैसेकी लोहोके बनेभए कबच एक सैनिकके रक्षा करत हए। और हमके जा आसरा हए, कि हम सदाकालको दण्डसे बचीगए हएं, और हमके मुक्ति मिलिगओ हए। और जा आसरा बहे टोप कता हए, जो एक सिपाहीके रक्षा करत हए।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

रोमियों 12:12

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

रोमियों 5:2

हमर बिश्वास करनके कारण, ख्रीष्ट हमके जा अनुग्रहमे लाइ हए, जहाँ हम अभए खडा हएं। और हम निश्चय और आनन्दके साथ परमेश्वरको महिमामे सहभागी होनके आसरामे हएं।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

रोमियों 15:4

जित्नो बात पबित्र-शास्त्रमे पहिलीयएसे लिखेहएं, बे हम्रीए शिक्षाके ताहीं लिखेगए हएं, ताकी हम पबित्र-शास्त्रसे पान बारो धिरज और हौसलासे हमरमे आसरा होबए।

गलातियों 5:5

मए अइसे कहे सकत हओं, काहेकी हमके पबित्र आत्माके घेनसे पुरा आसरा हए, कि परमेश्वर हमके धर्मीके रुपमे स्वीकार करैगो, काहेकी हम ख्रीष्टमे भरोसा करत हएं।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

1 कोरिन्थी 13:13

जहेमारे अब, जे तीन परकारके कामके हमएं करन चाहो: परमेश्वरमे बिश्वास कर्नो, परमेश्वरके बाचामे आसरा कर्नो, और दुस्रेनके प्रेम कर्नो। पर जे तीन मैसे एक सबसे बडो हए: बो हए, दुस्रे जनैनके प्रेम कर्नो।

रोमियों 4:18

परमेश्वर अब्राहामसे कही, कि बोके बहुत बंश होंगे, पर अब्राहाम देखी, कि सन्तान उत्पन्न करनके ताहीं बो बहुत बुढो रहए, काहेकी बो लगभग सओ सालको हुइगओ रहए। सारा फिर अब सन्तान उत्पन्न नाए करपबैया रहए। पर जबकी सब कुछ जा दिखात रहए, कि बहुत जातिनको दौवा नाए बन पएहए, तहुँफिर बो अपने बिश्वासमे कमजोर नाए भओ। बो बिश्वास करतए रहो और अपनो आसरा कभीनाए खोइ।

रोमियों 8:20

काहेकी जो कुछ फिर परमेश्वर बनाइ बा अपनो मोल खोएदइ, जाकेमारे नाएकी, बे अपनए अइसे चाँहत रहएं। पर जाकेमारे, कि परमेश्वर अइसो करी। तहुँफिर आसरा हए।

तीतुस 3:7

ताकी हम कभी फिर नाश नाए होन बारो जीबन पानके आसरा करपामएं, जो परमेश्वर हमके अपने सन्तानके रुपमे देनके बाचा करीहए। और हम जाके बारेमे पक्का हएं, काहेकी परमेश्वर अपने अनुग्रहके द्वारा हमके अपने सँग ठिक ठहिराइ हए।