रोमियों 8:15 - राना थारु नयाँ नियम

¹⁵ काहेकी तुमके कमैयाको आत्मा नाए मिलो हए जो फिरसे परमेश्वरसे डराएजाए, पर जब परमेश्वर तुमके अपने सन्तानके रुपमे स्वीकार करलै तओ तुमएं परमेश्वरको आत्मा मिलो गओ। जोसे हम, “हे दौवा” कहिके बुलात हएं।

परमेस्वर को सच्चो वचन

¹⁵ परमेस्वर तुमकै जो आत्मा दई है, बौ तुमकै गुलाम नाय बनाथै, और ना तुमकै डरपाथै; बल्किन, उल्टा आत्मा तुमकै परमेस्वर को बालका बनाथै, और आत्मा के बल से हम परमेस्वर कै पुकारथैं, “परमपिता! मेरे परमपिता!”

रोमियों 8:15 Referans Kwoze

2 तिमोथी 1:7

काहेकी परमेश्वर डरपोक नाए बनाइ। बल्कि बाको आत्मा हमर दिलके मजबुत बनानको शक्ति देतहए, हमके दुस्रेनसे प्रेम करनमे मदत करत हए, और हमके आत्मा-अनुशासनको मन देतहए।

1 कोरिन्थी 2:12

हम उइसे नाए सोँचत हएं, जैसे संसारके आदमी करत हएं; बल्कि हम बो आत्मा पाए हएं जो परमेश्वरके घेनसे आत हए। हम जा बरदान जहेमारे पाए ताकी हम परमेश्वरको दओ भओ सब बातनके जान पामएं।

रोमियों 8:16

पबित्र आत्मा अपनए हमर आत्मासे गवाही देतहए, कि हम परमेश्वरके सन्तान हएं।

हिब्रू 2:15

तभीमारे मरन पणहए कहिके डरके मारे जीबनभर कमैया कता हुइके जीइके आदमीनके येशू छुटकारा दइ।

इफिसियों 1:5

परमेश्वरको प्रेमके कारणसे बा निर्णय लइ, कि बा येशू ख्रीष्टके द्वारा हमके अपनो सन्तान होनके ताहीं चुनैगो। परमेश्वर अपनो खुसी और आनन्द अनुसार अइसो करीहए।

1 यूहन्ना 4:18

प्रेममे डर नाए होत हए। पर सिद्ध प्रेम डरके दुर करत हए, काहेकी डरको सम्बन्ध दण्डसे होत हए, और जो डरात हए, बो प्रेममे सिद्ध नाए होत हए।

मर्कूस 14:36

और बा कही, “हे अब्बा, हे दौवा, तुमर ताहीं सब बात सम्भब हए। अगर तुमर इच्छा हए, तओ जा दुखसे मोए बचाएलेओ। तहुँफिर, जैसे मए चाँहत हओं उइसो नाए, पर जो तुम चाँहत हओ बहे होबए।”

रोमियों 8:23

और जा सृष्टि इकल्लो नाए, पर हम फिर, जौनमे होनबालो महिमाके पहिलीयएसे स्वाद चाखानके रुपमे पबित्र आत्माको निबास हए, हम पबित्र आत्माके हमर ताहीं परमेश्वरको प्रतिज्ञाकी निसानीके रुपमे पाए हएं। पर हम अभौफिर बो समयको आसरा कर रहे हएं जब हमके अपने बच्चा बनानके ताहीं परमेश्वर उठाएलेबैगो और हमर शरीरके सब दुष्टतासे छुटकारा करैगो।

लूका 11:2

येशू बिनसे कही, तुम परमेश्वरसे प्राथना करत पेती अइसे कहियओ, “हे हमर दौवा तुमर नाउँ पबित्र होए, तुमर राज्य आबए।

यूहन्ना 20:17

येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

लूका 22:42

“हे दौवा, तुमर इच्छा हए, तओ जा कटोरा मिर ठिनसे हटाए देओ। पर मेरी इच्छा नाए, तुमरी इच्छा पुरी होबए।”

यूहन्ना 16:8

और सल्लाहकार आएके संसारके आदमीनके गलत बात, धार्मिकता और परमेश्वरको न्यायके बारेमे, बे गल्ती करनडटे हएं कहिके दिखाबैगो।

प्रेरित 16:29

जा सुनके हाकिम दिया माँगके दौरतए भितर आओ, और डरसे काँपतए पावल और सिलासको पाँओँमे पणिगओ।

प्रेरित 2:37

जब आदमी जा बात सुनीं, तओ बे अपनएके बहुत दोषी महसुस करीं, तओ पत्रुस और चुनेभए चेलासे बे पुँछीं, “हे, बिश्वासी ददाभइया, हम का करएं?”

लूका 8:37

गेरासेनस इलाकाके आसपासके गाउँके आदमी, “येशू बिनको गाउँसे चलोजाए” कहिके बिन्ती करीं, काहेकी बे गजब डराइगए रहएं। जहेमारे येशू नैयाँमे चढाके लौटिगओ।

लूका 8:28

भुत लागो आदमी येशूके देखी, और जोडसे बुलाइ और येशूके आदर देनके ताहीं घुपटा हुइके बडो जोणसे कही, “हे सर्वोच्चे परमेश्वरको लौंणा येशू, तुमसे मिर का काम? मए बिन्ती करत हओं, मोके मतसताबओ।”

याकूब 2:19

एकए परमेश्वर हए, कहिके का तए बिश्वास करत हए? जा बढिया हए। पर अइसो बिश्वास त भुत फिर करत हएं, और डरसे कांपत हएं।

रोमियों 8:26

जौनन्के ठिन बुद्धि नाए हए, पबित्र आत्मा हमके मदत करत हए काहेकी हम प्राथना करनके ताहीं ठिक चीज नाए जान्त हएं। पर पबित्र आत्मा अपनए सब्दसे सिकन बारो गहिरो सुस्केरामे हमर ताहीं प्राथना करदेत हए।

रोमियों 9:4

बे इस्राएल देशके आदमी हएं, बे परमेश्वरके अपने सन्तान बनानके ताहीं छानी हएं, और परमेश्वर उनके अपनो महिमा दिखाइ। बा बिनसे अपनो करार बाँधी और बिनके अपनो नियम कानुन दइ। बिनके बाको आराधना करन और बाको अदभुत प्रतिज्ञा पान मौका रहए।

2 कोरिन्थी 11:4

कोइ आएके, तुम हमर द्वारा परचार करोभओ येशू बाहेक और दुस्रो येशूके परचार करे कहेसे, वा तुम पाए भए आत्मा बाहेक और दुस्रो आत्मा ग्रहण करे कहेसे, वा तुम उत्सहापूर्वक पाए भए अच्छो समाचार बाहेक और दुस्रो कोइ अच्छो समाचार ग्रहण करे कहेसे, तुम बो शिक्षा ग्रहण करके गल्ती करैगे।

गलातियों 2:4

तीतसके खतना नाए भओके बारेमे एक मुद्दा बनिगओ, जब कुछ झुठे बिश्वासी ददाभइया हमर समुहसे गुप्त रुपसे आए। और हमर उद्धारकर्ता येशूमे भओ हमर स्वतन्त्रताके नाश करनके कोसिस करत रहएं। ताकी बे हमके फिरसे यहूदी समुहको नियम कानुनको गुलाम बनाए पामएं।

गलातियों 5:1

ख्रीष्ट हमके बचाए लइहए, ताकी हमके मोशाको नियम कानुनको पालन करनके ताहीं गुलामी कता जीइनको जरुरी नाए होए; अपनो स्वन्त्रताके पक्डे रहाओ, और नियम कानुनको पालन करनके ताहीं अपनएके फिरसे गुलामी बनन मतदेओ।

मत्ती 25:25

तभीमारे मए तुमर सिक्का हरबाए डरहओं तओ तुम मोके सजय देबैगे कहिके जहेमारे मए जाएके तुमर सिक्का धर्तीमे गाडके लुकाए दओ हओं। ‘देखओ, जो तुमर हए, बो जहेहए।’