रोमियों 7:7 - राना थारु नयाँ नियम

⁷ तओ हम का कहाएं? का नियम कानुन पाप हए? नाए! बिरकुलए नाए! बल्कि जा नियम कानुन रहए, जो मोके मिर पाप दिखाइ। मए जानो, कि लालच करन पाप हए काहेकी नियम कानुनमे जा लिखो हए कि, “लालच मत् करओ।” अगर नियम कानुनमे जा नाए लिखो हुइतो कहेसे मए जा नाए जानपैतो, कि लालच करन गलत हए।

परमेस्वर को सच्चो वचन

⁷ तौ हम का कहमैं? फिरौंकी का नियमै पापी है? कतईये नाय! बल्किन बगैर नियम के मैं पाप कै जानिए ना सकथौं। अगर नियम कहतो कि “जो कोई और कोई को है बाकी इच्छा मत करै,” तौ मैं ऐसी इच्छा कै जानतोई नाय।

रोमियों 7:7 Referans Kwoze

रोमियों 3:20

जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।

रोमियों 4:15

नियम कानुन पुरा रुपमे नाए मानन बारेनके उपर परमेश्वरको क्रोध आतहए और जहाँ नियम कानुन नैयाँ हुवाँ नियम कानुनको कोइ उलंघन फिर नाए होत हए।

1 कोरिन्थी 15:56

मानब जातिको पापके कारण मरन होबैगो। और मानब जातिको पापको शक्ति मोशाको नियम कानुन होबैगो।

रोमियों 13:9

काहेकी मोशाके ब्यवस्थामे बहुत आज्ञा हएं जैसे कि “तए व्यभिचार मत् करीए, तए हत्या मत् करीए, तए चोरी मत् करीए, तए लोभ मत् करीए,” और जे आज्ञा बाहेक बाँकी औ सब आज्ञाको सारांश जहे आज्ञामे पाओ जातहए, “दुस्रेनसे फिर अपनए कता प्रेम करियओ।”

रोमियों 7:8

पर पाप जा आज्ञाको इस्तमाल करके सब मेलके लालचको पैदा करी, काहेकी नियम कानुन बिना पापकी कोइ शक्ति नैयाँ।

रोमियों 3:5

पर अगर हमर दुष्ट काम, परमेश्वरको धार्मिकता ठहिराए देतहए, तओ हम का कहामएं? तओ का परमेश्वरके क्रोधित होनो, और हमएं दण्ड देनो गलत हए? कित्नो आदमी अइसियए सोँचत हएं।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

इफिसियों 5:3

ख्रीष्टके पबित्र आदमी भओके कारणसे तुमर अग्गु व्यभिचार, लोभ, लालच और सब मेलके अशुद्ध बातको नाउँ फिर नाए लेनके हए।

रोमियों 7:13

तओ का नियम कानुन जो अच्छी रहए, बहे मोके परमेश्वरसे अलग करबाइ? नाए! बिरकुलए नाए! पर जा पाप रहए जौन अइसो करी। पाप बहे नियम कानुनके इस्तमाल करी जो अच्छी रहए। और मोके परमेश्वरसे अलग करबाइ। जहे परकार पाप दिखाइ, कि बो खासमे का हए। और आज्ञा फिर दिखाइ, कि पाप पुरा रुपसे खराब हए।

रोमियों 7:11

काहेकी पाप जा आज्ञाको इस्तमाल करके मोके धोखा दइ, और बहेके द्वारा मोके परमेश्वरसे अलग करबाइ।

रोमियों 7:5

काहेकी जब हम हमर पापी स्वभाबके अधिनमे रहएं तओ पापमय इच्छा हमर भितर काम करत रहए। और नियम कानुन, जे बुरे इच्छन्के जगाएदइ, मौतको फल उत्पन्न करनके ताहीं हमर शरीरमे काम करत रहएं।

रोमियों 6:15

काहेकी हम नियम कानुनके अधिनमे नाए, पर परमेश्वरके अनुग्रहके अधिनमे हएं, जहेमारे हमके पाप नाए करन चाहो।

रोमियों 4:1

तओ यहूदी होनके नातासे हम अपने पुर्खा अब्राहामके बारेमे का कहाएं? बो कैसे धर्मी ठहिरो?

प्रेरित 20:33

मए कोइ आदमीको सोनो, चाँदी, लत्ताको लोभ नाए करो।

लूका 12:15

येशू बिनसे कही, “होसियार रहाबओ, सब किसिमके लालचसे बचके काम करओ, काहेकी आदमीको जिन्दगी बोको धनसम्पतिके प्रशस्ततामे नाए रहात हए।”

मत्ती 5:28

पर मए तुमसे कहात हओं, कि जौन कोइ बैयरके गलत नजरसे देखत हए, तओ बो अग्गुसे अपन ह्रदयमे बोकेसँग व्यभिचार करडारतहए।

लूका 20:16

बो आएके बे अधिया बारेनके मारैगो और अंगुरको बारी औरेनके दइदेहए।” आदमी जा सुनके कहीं, “परमेश्वर अइसे कभु नाए होबए।”

रोमियों 5:20

मोशाको नियम कानुन जाकेमारे दओगओ ताकी सब आदमी देख पामएं, कि बे कितने पापी रहएं। पर जब आदमीनको पाप बढो, तओ परमेश्वरको अनुग्रह औ जद्धा बढिगओ।

हिब्रू 7:19

काहेकी मोशाको नियम कानुन त कुछु फिर सिद्ध नाए करपाइ। और हम्रे सँग एक अच्छो आसरा हए, बो आसरा येशू ख्रीष्ट हए, जौन हमके परमेश्वरके ढिँगै पुगात हए।