रोमियों 7:5 - राना थारु नयाँ नियम

⁵ काहेकी जब हम हमर पापी स्वभाबके अधिनमे रहएं तओ पापमय इच्छा हमर भितर काम करत रहए। और नियम कानुन, जे बुरे इच्छन्के जगाएदइ, मौतको फल उत्पन्न करनके ताहीं हमर शरीरमे काम करत रहएं।

परमेस्वर को सच्चो वचन

⁵ काहैकि जब हम सारीरिक रहैं, तौ पापन की इच्छा जो नियम के जरिया रहै, मरन को फल देन ताहीं हमरे सरीर के अंगन मैं काम करत रहैं।

रोमियों 7:5 Referans Kwoze

इफिसियों 2:3

हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

गलातियों 3:10

जहेमारे जो आदमी जा सोँचत हएं, कि बे मोशाको नियम कानुनको किताबको पालन करके परमेश्वरके सँग सही ठहिराए जामंगे, नाए! बे एक सरापके अधीनमे हएं। काहेकी मोशाको नियम कानुनमे जा लिखो हए, “जो कोइ मोशाको नियम कानुनके सब पालन करनके छोडत हए, बो सरापित हए।”

रोमियों 6:13

और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

रोमियों 6:21

तुम खराब काम करत रहओ, और अब तुमके बे काम करोके कारणसे सरम लगत हए। तओ तुमके का प्राप्त भओ? बे काम सिरफ मृत्यु लात हएं।

1 यूहन्ना 3:4

अगर कोइ पाप काम करन नाए छोडत हए कहेसे बो परमेश्वरको नियम कानुनके पालन करनसे अस्वीकार करत हए, और पाप करनो कहोक नियम कानुनके भंग करनो हए।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

1 कोरिन्थी 15:56

मानब जातिको पापके कारण मरन होबैगो। और मानब जातिको पापको शक्ति मोशाको नियम कानुन होबैगो।

याकूब 4:1

तुमर बीचमे लडाइ और झगडा कहाँसे आत हएं? का बेहीं खराब इच्छासे आत हएं, जो तुमर भितर लणत हएं?

याकूब 1:15

फिर जाके पिच्छु, जब बो पाप करनके ताहीं सोँचत हए, तओ पापको जनम हुइजात हए, और अन्तमे, बो हमेसाके ताहीं मर जात हए।

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

इफिसियों 2:11

जहेमारे याद करओ, कि तुम जो गैर-यहूदीनके रुपमे जन्मे हओ और यहूदी आदमी तुमके जा कहिके तुच्छ बताइं, कि तुम खतना नाए कर्बात हओ, पर बे आदमी कर्बात हएं। उनको जा रिति उनको शरीरमे इकल्लो करोजात हए।

रोमियों 7:23

पर मिर शरीरको अंगमे भओ दुस्रो नियम मिर हृदयमे भओ नियम कानुन सँग युद्ध करत हए, और मिर शरीरको अंगमे भओ पापको नियम मोके पापको अधिनमे करत हए।

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

रोमियों 6:19

मए एक साधारण उदाहरणके इस्तमाल करके बतात हओं। जैसे तुम, अपने शरीरके अंगके अशुद्धता और अधर्म कामके ताहीं सौँपे गए रहओ, उइसीयए अब अपने अंगके पबित्रताके ताहीं धर्मी जीबन जिनन्के ताहीं सौँप देओ।

रोमियों 5:20

मोशाको नियम कानुन जाकेमारे दओगओ ताकी सब आदमी देख पामएं, कि बे कितने पापी रहएं। पर जब आदमीनको पाप बढो, तओ परमेश्वरको अनुग्रह औ जद्धा बढिगओ।

रोमियों 4:15

नियम कानुन पुरा रुपमे नाए मानन बारेनके उपर परमेश्वरको क्रोध आतहए और जहाँ नियम कानुन नैयाँ हुवाँ नियम कानुनको कोइ उलंघन फिर नाए होत हए।

रोमियों 3:20

जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।

रोमियों 1:26

जहेमारे परमेश्वर बिनके शर्म लागन बारो कामके ताहीं छोड दइ; हियाँतककी बैयर अपनो लोगाके सँग सोनके बन्द करदइं और जाके बदला बे दुसरी बैयरके सँग सोन लागीं।

यूहन्ना 3:6

आदमी अपन बच्चाके जनम देत हएं, पर आदमीनके नयाँ जीबन पबित्र आत्मासे इकल्लो मिलत हए।

मत्ती 15:19

काहेकी हृदयसे खराब बिचार, हत्या, परस्त्रीगमन, व्यभिचार, चोरी, झुठो गवाही, और बदनाम बाहिर निक्रत हएं।

2 कोरिन्थी 10:3

काहेकी हम जा संसारमे बैठत हएं, तहुँफिर जा संसारके आदमीन कता हम अपनो दुस्मनके सँग लडाइ नाए लडत हएं।