रोमियों 7:4 - राना थारु नयाँ नियम

⁴ तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

परमेस्वर को सच्चो वचन

⁴ बैसिये मेरे भईय्यौ और बहेनियौ, तुम्हऊँ मसीह के सरीर से नियम के ताहीं मरे भै हुईगै, कि बे दुसरेन के हुई जाबौ, जो मरे भौ मैं से जिंदो हुई गौ: ताकी हम परमेस्वर के ताहीं फल लामैं।

रोमियों 7:4 Referans Kwoze

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

रोमियों 8:2

काहेकी पबित्र आत्माको नियम कानुन जो ख्रीष्ट येशू घेनसे आत हए तुमके जीबन देबैगो और तुमके पाप और मृत्युसे मुक्त करैगो।

इफिसियों 2:15

अपनी मृत्युके द्वारा, बा मोशाको नियम कानुनके जाको सब नियम और बिधिन्के साथ खतम करदइ, ताकी बा यहूदीनको समुह और गैर-यहूदीनको समुहके बीच शान्ति करपाबए और अइसियए एक नयाँ समुह बनाए पाबए।

रोमियों 7:6

पर हम अब बो नियम कानुनके ताहीं मरिगए हएं जौन एकचोटी हमके बन्दी बनाएलै रहए, और अब हम नियम कानुनसे छुटीगए हएं, ताकी बाकी आत्माकी आज्ञा मानके अब हम परमेश्वरको सेवा नयाँ तरिकासे कर सकएं, नाएकी पुरानो तरिकासे, जोमे लिखो भओ बातके पालन करनके पणत होबए।

गलातियों 5:18

और अगर तुम पबित्र आत्माको अगुवाईके अनुसार चलत हओ, तओ मोशाको नियम कानुनके अधीनमे मत् रहाओ।

कलस्सी 1:22

पर परमेश्वर अपनो लौंणा ख्रीष्टके आदमी बनाइ, और हमर पापको मोल तिरनके ताहीं क्रूसमे मरो, ताकी तुमके अपने अग्गु पबित्र, शुद्ध और निर्दोष बनाएके मेलमिलाप करए।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

रोमियों 6:14

तओ पापके तुमर उपर कोइ अधिकार नाए हुइहए, काहेकी तुम मोशाको नियम कानुनके अधिनमे नाए, पर परमेश्वरके अनुग्रहके अधिनमे जीइत हओ।

कलस्सी 2:14

बा हमर बिरुद्ध लिखो भओ सब तमसुक और बिनको सब कानुनी दाबीके, रद्द करदइ हए। और जब येशू ख्रीष्टके क्रूसमे टाँगीं, तओ बा सब दाबिनके पुरा रुपसे हटाए दइ हए।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

प्रकाश 19:7

हम रमामएं और गजब खुसी होमएं, और बाके महिमा देमएं! काहेकी जो थुमा हए बाको बेहा होन बारो हए। और बाकी दुलहीन बाके ताहीं तयार हए।

रोमियों 6:2

नाए! बिरकुल नाए! हम पापके ताहीं मरिगए हएं, जहेमारे हमए लगातार पापमय काम करनके नाए चाहो।

कलस्सी 2:20

काहेकी तुमर पापी स्वाभाव ख्रीष्ट सँग मरीगओ, तुमके और जे संसारके नियम पालन नाए करन पणैगो। जहेमारे काहे तुम अभौफिर जे नियम पालन करत हओ, जैसेकी संसार अभौफिर तुमके नियन्त्रणमे करेहए?

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

फिलिप्पी 4:17

मए जा चिट्ठी जाकेमारे नाए लिखो, कि मए रुपैया चाँहत हओं, बल्कि मए अइसो फल चाँहत हओं कि, जो तुमर फाइदाके ताहीं बढत जाबए।

यूहन्ना 3:29

दुलहा दुल्हिनसे बेहा करलेतहए, पर दुलहाको बाहानुइँया बहेके ठिन ठाणो रहात हए, और दुलहाकी कही बात सुनके बो बहुत आनन्दित होतहए; उइसीयए मेरु मन आनन्दसे भरीगओ हए।

मत्ती 26:26

बे खानु खात पेती येशू रोटी लइ और आशिष दइके बा रोटी तोरी और चेलनके दइके कही, “लेओ, खाओ, जा मिर शरीर हए।”

प्रकाश 21:9

और फिर बे सात स्वर्गदूत मैसे एक जनै, जौन आदमीनके उपर सात अन्तिम बिपत्ति भरेभए सात कटोरा अख्नाइ रहएं, उन मैसे एक आएके मोसे बात करी और अइसे कही, “आ, मए तोके दुलहीन दिखामंगो जौननको जल्दीए थुमासे बेहा होबैगो।”

2 कोरिन्थी 11:2

मए तुमसे उइसी प्रेम करत हओं, और तुम्रो चिन्ता करत हओं जैसे परमेश्वर करत हए। मए तुमके तुमर एकए इकल्लो लोगाके रुपमे रहो ख्रीष्टमे सौँपनको बाचा करो हओं। मए तुमके बाको पबित्र लुल्हीनके रुपमे देन चाँहत हओं।

1 कोरिन्थी 10:16

जब हम प्रभु भोजमे इस्तमाल करेजान बारे कटोरासे अंगुरको रसा पिइत हएं, जोके ताहीं हम परमेश्वरके धन्यबाद देत हएं, तओ हम नेहात्तओकमे ख्रीष्टको बलिदानको खुनमे सामिल हएं। और जब हम रोटी तोडत हएं और जाके खात हएं, तओ हम नेहात्तओकमे ख्रीष्टको शरीरमे सामिल हएं।

यूहन्ना 15:8

मिर दौवाकी महिमा जहेसे होत हए, कि तुम बहुत फरा फराओ, तब्ही इकल्लो तुम मेरे चेला बनपाबैगे।”

यूहन्ना 6:51

स्वर्गसे आओ भओ जिन्दा रोटी महीँ हओं। कोइ फिर जा रोटी खएहए कहेसे बो सदिमानके ताहीं जिइहए। और जौन रोटी मए संसारके आदमीनके जीबनके ताहीं देहओं, बो मिर शरीर हए।”

मर्कूस 4:20

और कोइ-कोइ अच्छी जमिनके समान हएं जौनमे बीज पणे। जब बे परमेश्वरको बचन सुनत हएं, तओ बे परमेश्वरको बचन अनुसार चलत हएं, और कोइ तीस गुणा, कोइ साठी गुणा, और कोइ त सओ गुणा फरा देत हएं।”

रोमियों 6:11

अइसियए तुम फिर अपनएके पापके शक्तिके ताहीं मरे भए, पर ख्रीष्ट येशूमे परमेश्वरको सेवा करनके ताहीं जीइत हओ, करके सम्झओ।

रोमियों 7:3

अइसियए करके लोगा जिन्दा होतएमे फिर बो बैयर औरो लोगा सँग बैठन गइ कहेसे बो व्यभिचारी कहेजाबैगी। पर लोगा मरिगओ कहेसे बो बैयर नियम कानुनसे मुक्त हुइजएहए, और औरो लोगा सँग बेहा करलेहए कहेसे फिर बो व्यभिचारी नाए हुइहए।