रोमियों 7:1 - राना थारु नयाँ नियम

¹ हे मेरे ददाभइयओ, तुम जानत हओ, कि मए जा बात नियम कानुन जानन बारेनसे कहानडटो हओं। जब तक आदमी जिन्दा रहात हए तबसम इकल्लो आदमीमे नियम कानुनको अधिकार लागु होत हए।

परमेस्वर को सच्चो वचन

¹ हे भईय्यौ और बहेनियौ, का तुम नाय जानथौ मैं नियम के जानन बारेन से कहथौं कि जबले इंसान जिंदो रहथै, तौले बाके ऊपर नियम को राज्य रहथै।

रोमियों 7:1 Referans Kwoze

रोमियों 6:14

तओ पापके तुमर उपर कोइ अधिकार नाए हुइहए, काहेकी तुम मोशाको नियम कानुनके अधिनमे नाए, पर परमेश्वरके अनुग्रहके अधिनमे जीइत हओ।

रोमियों 7:6

पर हम अब बो नियम कानुनके ताहीं मरिगए हएं जौन एकचोटी हमके बन्दी बनाएलै रहए, और अब हम नियम कानुनसे छुटीगए हएं, ताकी बाकी आत्माकी आज्ञा मानके अब हम परमेश्वरको सेवा नयाँ तरिकासे कर सकएं, नाएकी पुरानो तरिकासे, जोमे लिखो भओ बातके पालन करनके पणत होबए।

रोमियों 6:3

हम जानत हएं, कि जब हम ख्रीष्ट येशूमे बप्तिस्मा लए तओ हम एक तरिकासे बाके सँग मरिगए।

रोमियों 10:1

हे बिश्वासी ददाभइया, मेरे मनकी अभिलाषा और मेरे अपने यहूदी आदमीनके ताहीं परमेश्वरसे मिर प्राथना हए, कि परमेश्वर उनके बचाबए।

गलातियों 4:21

और तुम, जो मोशाको नियम कानुनको अधिन होन चाँहत हओ! मेरी बात सुनओ! मए तुमके बतामंगो, कि मोशाको नियम कानुनको किताबमे का लिखो हए।

रोमियों 9:3

मए त हियाँतक फिर चाँहन सिक्तो, कि मेरे यहूदी बिश्वासी ददाभइया और मेरे अपने जातिके ताहीं परमेश्वर मोहीके सराप देबए और ख्रीष्टसे अलग होओं।

1 कोरिन्थी 9:8

मए केबल आदमीको बिचारके आधारमे नाए कहेरहो हओं। और नियम कानुन फिर जहे बात कहात हए।

रोमियों 1:13

और हे ददाभइयओ, मए चाँहत हओं, कि तुम जानपाबओ, कि मए घरी-घरी तुमर ठिन आनके चाहो, जैसे कि मए गैर-यहूदीनके बीचमे ख्रीष्टके ताहीं चेला बनाओ, उइसीयए तुमके फिर चेला बनाए पामओं, पर अभएतक मए रुको रहो।

रोमियों 10:4

काहेकी ख्रीष्ट पहिलीएसे बो उदेश्यके पुरा करी, जोके ताहीं नियम कानुन दओगओ रहए। जाकेमारे, जो कोइ फिर बामे बिश्वास करत हए बे परमेश्वरके सँग धर्मी ठहिरत हएं।