रोमियों 4:16 - राना थारु नयाँ नियम

¹⁶ जहेमारे आदमी बिश्वासके द्वारा परमेश्वरको प्रतिज्ञा प्राप्त करीं। अइसो जाकेमारे होत हए, ताकी बाचा अनुग्रहसे प्राप्त होबए। तओ अब्राहामके सारे सन्ताननके बो बाचा प्राप्त हुइ सकत हए। जा सिरफ उनके ताहीं इकल्लो नाए जो मोशाको नियम कानुनके अधिन रहात हएं बल्कि हर बे आदमीनके ताहीं हए जो अब्राहाम जैसो बिश्वाससे जितो हए, जो हम सबजनैको पुर्खा हए।

परमेस्वर को सच्चो वचन

¹⁶ और जहे बजह से वादा बिस्वास और अनुग्रह मैं आधारित रहै, ताकी वादा कै अब्राहम के सबै बंसज के ताहीं परमेस्वर के मुफ्त उपहार के रूप मैं पक्को करनो चाहिए सिरफ बे आदमिन के ताहीं नाय जो नियम को पालन करथैं, पर बे आदमिन के ताहींयों जो अब्राहम के जैसी मानथैं काहैकि अब्राहम हम सबन को आत्मिक दऊवा है;

रोमियों 4:16 Referans Kwoze

इफिसियों 2:8

काहेकी जब तुम बिश्वास करे तओ परमेश्वर अपने अनुग्रहसे तुमके बचाएलै, और तुम अपनए कोसिस करके बचे नाए हओ, बल्कि जा परमेश्वरको बरदान हए।

गलातियों 3:22

पर पबित्र-शास्त्र कहात हए, कि जा संसारके सब आदमी पापकी शक्तिके अधीनमे हएं। ताकी बो उपहार, जोके परमेश्वर बिश्वासके आधारमे देनके नयाँ करार करी रहए, बो उपहार बेहीं आदमी पामएं जो येशू ख्रीष्टमे भरोसा करत हएं।

रोमियों 9:8

जक अर्थ, जो बंश प्रकृतिके अनुसार जनम लेतहए, बे परमेश्वरको सन्तान नाए हएं, पर सिर्फ प्रतिज्ञाके सन्तान इकल्ले अब्राहामके सन्तान माने जात हएं।

तीतुस 3:7

ताकी हम कभी फिर नाश नाए होन बारो जीबन पानके आसरा करपामएं, जो परमेश्वर हमके अपने सन्तानके रुपमे देनके बाचा करीहए। और हम जाके बारेमे पक्का हएं, काहेकी परमेश्वर अपने अनुग्रहके द्वारा हमके अपने सँग ठिक ठहिराइ हए।

इफिसियों 2:5

हम खराब काम और पापनके कारण मरे रहएं, बा ख्रीष्टके सँग हमर सम्बन्धके कारण हमके आत्मिक जीबन प्राप्त करनको लायक बनाइ हए और परमेश्वरको अनुग्रहएसे तुमर उद्धार भओ हए।

रोमियों 15:8

मए कहात हओं, कि जो प्रतिज्ञा पुर्खनके दओगओ रहए बे प्रतिज्ञाके सच करनके ताहीं ख्रीष्ट जा दिखानके ताहीं खतना करेभए आदमीनको सेवक बानो, जा दिखानके ताहीं कि परमेश्वर बिश्वासयोग्य हए।

रोमियों 5:1

जहेमारे हम बिश्वाससे परमेश्वरके अग्गु धर्मी ठहिरे हएं और प्रभु येशू ख्रीष्ट हमर ताहीं करोभओ काम द्वारा परमेश्वरके सँग हमर मेलमिलाप भओ हए।

2 पतरस 1:10

जहेमारे बिश्वासी ददाभइया, अपनएके और दुस्रे आदमीनके जा दिखान औ जद्धा असल ब्यबहार करनके कोसिस करओ, कि परमेश्वर तुमके अपनो आदमी होन चुनीहए और बुलाइ हए। अगर तुम उइसे करैगे कहेसे, तुम नेहात्तओ फिर परमेश्वरसे कभी अलग नाए होबैगे।

रोमियों 4:11

परमेश्वर बोके पहिलीए स्वीकार करलै रहए और बोके धर्मी घोषित करदइ रहए, जबकी अब्राहामको अभए खतनए नाए भओ रहए। खतनाको चिन्हा स्वीकारको चिन्हा हए। जहेमारे अब्राहाम बे आदमीनको आत्मिक दौवा हए, जो बिश्वास करत हएं पर उनको खतना नाए भओ हए। बे अपने बिश्वासके कारण धार्मि ठहिराए जात हएं।

लूका 19:9

तओ येशू जखायससे कही, “तिर और तेरे परिवारमे उद्धार आओ हए, तए फिर अब्राहामको सन्तान हए।

रोमियों 3:22

अइसियए परमेश्वर, येशू ख्रीष्टमे बिश्वास करन बारे सबएके धर्मी ठहिरात हए। काहेकी सब आदमी एक समान हएं।

रोमियों 3:30

काहेकी एकए परमेश्वर हए, जो खतना भएन बारेनके और खतना नाएभए बारेनके बिनको बिश्वासके आधारमे धर्मी ठहिरात हए।

गलातियों 3:14

ख्रीष्ट अइसो जाकेमारे करी, ताकी गैर-यहूदीनके बहे आशिष मिलए, जौनको प्रतिज्ञा परमेश्वर अब्राहामके सँग येशू ख्रीष्टके द्वारा करी रहए, और ख्रीष्टमे बिश्वासके द्वारा, हम परमेश्वरको आत्मा पामएं, जौनको परमेश्वर हमके देनके प्रतिज्ञा करी रहए।

गलातियों 3:16

अइसियए, परमेश्वर अपनो प्रतिज्ञा अब्राहाम और अपने सन्तानके सँग करी; पबित्र-शास्त्रमे जा नाए लिखो हए, “और बोको सन्तानसे,” पर जा एक आदमीके बारेमे बात करत हए, जब जा कहात हए कि “संसारके सब आदमी तिर एक सन्तानके माध्यमसे आशिष पामंगे” और जा आदमी ख्रीष्ट हए।