रोमियों 3:4 - राना थारु नयाँ नियम

⁴ नाए! बिरकुल नाए! बल्कि परमेश्वर सदा सच्चो मस्कत हए और हर एक आदमी झुठा ठहिरे, जैसे पबित्र-शास्त्र परमेश्वरके बारेमे कहात हए, “तुमर बोलो भओ बातमे ठिक हए कहिके आदमी देखंगे, और फैसला होन बेला तुमरुए जीत होबैगो।”

परमेस्वर को सच्चो वचन

⁴ कतई नाय! पर परमेस्वर सच्चो है और सबै इंसान को न्याय होगो, जैसे कि लिखो है, “जब तुम बोलथौ तौ तुमकै सई से बोलनो चहाईये; और जब तुमरे ताहीं कोसिस करी जात होबै तौ तुमकै अपनो मुकदमा जीतनो चहाईये।”

रोमियों 3:4 Referans Kwoze

गलातियों 2:17

काहेकी हम नियम कानुनके बनाइए रखानके अलाबा ख्रीष्टमे भरोसा करनके द्वारा परमेश्वरके सँग सही ठहिरे जात हएं, कुछ यहूदी हमके पापी मानत हएं, का जाको अर्थ जा हए, कि ख्रीष्ट हमसे पाप करबाइ हए? नाए! बिरकुलए नाए!

हिब्रू 6:18

जहेमारे परमेश्वर हमके प्रतिज्ञा दइ हए और बा कसम खाइ हए। जे दुई बात परिबर्तन नाए हुइपए हएं। काहेकी जा सम्भब नाए हए, कि परमेश्वर झुट मस्कत हए। जहेमारे हम जो परमेश्वरके ढिँगै सुरक्षा पानके ताहीं आए हएं, हमर अग्गु भओ आसराके प्राप्त करन बडो हौसला पाए सकत हएं।

तीतुस 1:2

बोको प्रतिफलके रुपमे बे परमेश्वरके सँग हमेसाके ताहीं रहानके आसरा करत हएं। काहेकी परमेश्वर, जो कभी ठगत नाए हए, बा संसारकी सृष्टि करनसे पहिले प्रतिज्ञा करी रहए, कि बाके आदमी कभी फिर नाश नाए होन बारो जीबन पामंगे।

यूहन्ना 3:33

पर जौन बाकी गवाही ग्रहण करी हए, बा जा बातके साबित करी हए, कि परमेश्वर सच्चो हए।

प्रकाश 3:7

येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन:

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

रोमियों 9:14

तओ हम का कहाएं? का परमेश्वर अन्यायी हए जब जौनक चाहो बहेक चुन्त हए? नाए! बिरकुल नाए!

1 यूहन्ना 5:10

जो परमेश्वरको लौंणाके उपर बिश्वास करत हए। बो नेहात्तओ बिश्वास करत हए, कि जो कुछ परमेश्वर कही हए, बो सच्चो हए। जौन परमेश्वरमे बिश्वास नाए करत हए, बो बाके झुठो सम्झत हए। काहेकी बो परमेश्वरको गवाहीमे बिश्वास नाए करीहए, जो दौवा परमेश्वर अपन लौंणाके बारेमे गवाही दइ हए।

गलातियों 2:21

मए जा बातके इन्कार नाए करपामंगो, कि परमेश्वर हमके अपनो अनुग्रहके कारण हमके बचाइ, काहेकी अगर आदमी पबित्र-शास्त्रको पालन करके धार्मिकताके पैते तओ ख्रीष्टके मरन नाए पणतो।

रोमियों 6:15

काहेकी हम नियम कानुनके अधिनमे नाए, पर परमेश्वरके अनुग्रहके अधिनमे हएं, जहेमारे हमके पाप नाए करन चाहो।

रोमियों 3:31

तओ का, हम नियम कानुनके बिश्वासके द्वारा बेकामको बनात हएं? नाए! बिरकुल नाए! बल्कि हम नियम कानुनके प्रमाणित करत हएं, कि जा परमेश्वर मोशाके द्वारा दइ रहए।

मत्ती 11:19

पर मए, आदमीको लौंणा साधारण आदमी जैसो खातपिइत हओं, और बे कहात हएं, ‘देखओ, दलद्दर, दरोह, कर उठान बारो, और पापीनको सँगी!’ बुद्धि ठिक हए कहेसे बक कामसे प्रमाणित हुइहएं।”

गलातियों 6:14

मेरे ताहीं, मए क्रूसमे हमर प्रभु येशू ख्रीष्टको मृत्युके अलाबा कभी कोइ फिर अन्य बातमे घमण्ड करन नाए चाँहत हओं, काहेकी जो कुछ फिर ख्रीष्ट करीहए, बो कामके करन संसारके कोइ फिर चीजको मोएमे अधिकार नाए हए, और मोएमे अब पृथ्वीके कामन्के रोकनको कोइ इच्छा नाए हए।

रोमियों 11:1

जहेमारे मए जा पुँछत हओं, “का परमेश्वर अपने आदमीनके त्याग दइ?” नाए! बिरकुलए नाए! महुँ त अब्राहामको बंशमे जन्मो भओ बेन्यामीन घरानाको इस्राएल देशमे रहान बारो हओं।

2 कोरिन्थी 1:18

परमेश्वर बिश्वासयोग्य भओ हानी, हम तुमसे जो बात कहात हएं बो बात सदा दिन सच्चो हए।

रोमियों 11:11

तओ मए पुँछत हओं, का इस्राएली आदमीनके ठोकर लगनके कारण सदामानके ताहीं हराइगए हएं? नाए! बिरकुलए नाए! पर उनको अपराधके कारण गैर-यहूदीनके उद्धार मिलो, ताकी इस्राएल देशके आदमीनके जलन होबए।

रोमियों 7:7

तओ हम का कहाएं? का नियम कानुन पाप हए? नाए! बिरकुलए नाए! बल्कि जा नियम कानुन रहए, जो मोके मिर पाप दिखाइ। मए जानो, कि लालच करन पाप हए काहेकी नियम कानुनमे जा लिखो हए कि, “लालच मत् करओ।” अगर नियम कानुनमे जा नाए लिखो हुइतो कहेसे मए जा नाए जानपैतो, कि लालच करन गलत हए।

रोमियों 6:2

नाए! बिरकुल नाए! हम पापके ताहीं मरिगए हएं, जहेमारे हमए लगातार पापमय काम करनके नाए चाहो।

लूका 20:16

बो आएके बे अधिया बारेनके मारैगो और अंगुरको बारी औरेनके दइदेहए।” आदमी जा सुनके कहीं, “परमेश्वर अइसे कभु नाए होबए।”

रोमियों 7:13

तओ का नियम कानुन जो अच्छी रहए, बहे मोके परमेश्वरसे अलग करबाइ? नाए! बिरकुलए नाए! पर जा पाप रहए जौन अइसो करी। पाप बहे नियम कानुनके इस्तमाल करी जो अच्छी रहए। और मोके परमेश्वरसे अलग करबाइ। जहे परकार पाप दिखाइ, कि बो खासमे का हए। और आज्ञा फिर दिखाइ, कि पाप पुरा रुपसे खराब हए।

1 कोरिन्थी 6:15

तुम जरुर जानत हओ, कि तुमर शरीर ख्रीष्टको अंग हए। तओ का आदमी ख्रीष्टको एक अंग लैके, जाके वेश्यके सँग जोडन चाहो? नाए! बिरकुल नाए!

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।