रोमियों 3:25 - राना थारु नयाँ नियम

²⁵ परमेश्वर, ख्रीष्ट येशूके हमर ताहीं पाप क्षमाको बलिदान स्वरुप दइके ख्रीष्टको खुन हमर ताहीं बहाओ गओ हए कहिके बिश्वास करन बारे आदमीनको पाप मिटाए दइ हए। परमेश्वर पापको सजाय ख्रीष्टमे दइके अपनएके न्यायी दिखाइ। परमेश्वर ख्रीष्ट आनसे पहिले अपनो गुस्सा थामके आदमीके पापको सजाय नाए दइ।

परमेस्वर को सच्चो वचन

²⁵ बाकै परमेस्वर ईसु के खून के बजह से ऐसो पछताबा करबाई, जो बिस्वास करन सेई होथै, कि जो पाप पहले करे गै और जिनके ऊपर परमेस्वर बरदास करन की बजह से ध्यान नाय दई। उनके बारे मैं बौ अपनी धार्मिकता दिखाई है।

रोमियों 3:25 Referans Kwoze

1 यूहन्ना 4:10

सच्चो प्रेम जा हए, कि हम परमेश्वरसे प्रेम नाए करे बल्कि परमेश्वर हमके प्रेम करीहए, और हमर पाप क्षमा करनके ताहीं अपन लौंणाके बलिदान होनके पठाइ।

1 यूहन्ना 2:2

और हमर पाप क्षमा करनके ताहीं, ख्रीष्ट एक बलिदान बनिगओ: और हमर ताहीं इकल्लो नाए बल्कि पुरो संसारके आदमीनको पापके ताहीं हए।

रोमियों 5:9

काहेकी ख्रीष्ट हमर ताहीं बलिदान भओ और हमर पापके ताहीं अपनो खुन बहाइ और हम परमेश्वरके साथ धर्मी घोसित करेगए हएं। बा नेहात्तओ परमेश्वरको क्रोधसे बचाबैगो।

प्रेरित 17:30

जहेमारे अन्जानमे होत पेती नाए जानके करोभओ कामके परमेश्वर वास्ता नाए करी। पर अब परमेश्वर सबए आदमीनके ‘पाप करन छोडके परमेश्वर घेन घुमओ’ कहिके आज्ञा दइ हए।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

हिब्रू 11:7

बिश्वाससे नोआ नाउँ करोभओ आदमी कभीनाए देख भओ बहियाके बारेमे परमेश्वरसे चेतावनी पाएके बाको बडो आदरके साथ आज्ञापालन करके अपनो परिवारके बचान बारो पानीजहाज बनाइ। और नोआ बिश्वाससे पहिले, और संसारके बिश्वास नाए करन बारे आदमी दोषी ठहिरे और बिश्वाससे परमेश्वर नोआके धर्मी घोषित करी।

रोमियों 5:1

जहेमारे हम बिश्वाससे परमेश्वरके अग्गु धर्मी ठहिरे हएं और प्रभु येशू ख्रीष्ट हमर ताहीं करोभओ काम द्वारा परमेश्वरके सँग हमर मेलमिलाप भओ हए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

हिब्रू 11:14

अइसे बात कहान बारे आदमी जा प्रष्ट दिखात हएं, कि बे अपने ताहीं एक देश ढुणरहे हएं, जो उनको होबैगो।

1 यूहन्ना 1:10

अगर हम कहात हए, कि हम पाप नाए करेहएं, तओ परमेश्वरके ठगरहे हएं, और हम परमेश्वरके बचनके नाए सम्झत हएं, और हम बाको बचनके बिरकुल स्वीकार नाए करत हएं।

हिब्रू 11:17

बिश्वाससे अपनो परीक्षा होत अब्राहाम अपनो लौंणा इसहाकके बलि चढानके ताहीं तयार रहए। और परमेश्वर अब्राहामसे जा लौंणाके बारेमे प्रतिज्ञा करी रहए तहुँफिर अपनो इकल्लो लौंणाको बलि चढान बो तयार भओ।

हिब्रू 9:5

सोनेको सन्‍दूकको चुटियामे महिमाके करूब कहान बारे दुई डखमाकी मूर्ति रहए, जौन जा बातको संकेत रहए, कि परमेश्वर हुवाँ हए। बिनको खुल्ला डखमासे सन्‍दूकको उपरको भागके तोपे रहए जौनमे खुन छर्कत रहएं ताकी आदमीनको पाप क्षमा होबए। पर हम जा सब बातको हबए व्याख्या नाए करपामंगे।

1 तिमोथी 1:15

जा एक सच्ची कहानी हए, जोके पुरो तरिकासे स्वीकार और बिश्वास करोजान पणो, कि येशू ख्रीष्ट हम जैसे पापीनके बचानके ताहीं जा संसारमे आओ, जौनमे सबसे जद्धा पापी मए हओं।

रोमियों 5:11

इतकए इकल्लो नाए, पर अब त प्रभु येशू ख्रीष्टद्वारा परमेश्वरसे हमर मेलमिलाप हुइगओ हए; जहेमारे हम परमेश्वरमे आनन्दित हएं।

रोमियों 3:26

परमेश्वर अब जा युगमे अपनो न्याय दिखनके ताहीं आदमीनको पाप हटाएके उनके धर्मी ठहिरात हए। अइसियए येशूमे बिश्वास करन बारे सबके परमेश्वर धर्मी ठहिरात हए। काहेकी परमेश्वर अपनए धर्मी हए।

रोमियों 2:4

का तुम परमेश्वरकी भलाइ, सहनशीलता और धिरजरुपी धनके तुच्छ मानत हओ? और तुम जा नाए सम्झत हओ, कि परमेश्वरकी भलाइ तुमके पाप करन छोडके परमेश्वर घेन घुमन सिखात हए?

प्रेरित 4:28

पर बे बहे करीं जो तुमर सामर्थ्य और इच्छासे पहिलीए तयार करलै रहए, कि होनए पणो।

प्रेरित 3:18

ख्रीष्टके दुख भोगन पणैगो और मरन पणैगो करके परमेश्वर सब अगमबक्तनके द्वारा जा बातके सत्य करके दिखाइ हए।

प्रेरित 15:18

जा बात परमप्रभु कहात हए, जो सृष्टिको सुरुसे जे बात बताइ रहए।’

प्रेरित 2:23

परमेश्वर अपनो योजना और ज्ञान अनुसार येशूके तुमर हातमे सौँपदइ और तुम बाके दुष्ट आदमीनको हातमे सौँपके क्रूसमे मारनके लगाए।

यूहन्ना 6:47

नेहात्तओ मए तुमसे कहात हओं, जौन कोइ बिश्वास करैगो बोके सँग कभी फिर नाश नाए होन बारो जीबन हए।

प्रेरित 14:16

बा बितेगए पिढीमे सब जाति-जातिके आदमीनके अपन-अपन रिति अनुसार चलनके दइ हए।

रोमियों 5:18

जहेमारे जैसी एक अपराध सब आदमीनके ताहीं दण्डको कारण भओ, उइसीयए एक धार्मिकताको कामसे सब आदमी परमेश्वरके अग्गु धर्मी घोसित हुइके जीबन पान बारे भए।

1 कोरिन्थी 5:7

जैसेकी यहूदीनको निस्तार तेवहारको भोज माननसे पहिले यहूदी आदमी अपने घरसे सब खमिर निकारत हएं, जहेमारे तुमके अइसे अनैतिक आदमीके अपने समुहसे बाहिर निकार देन चाहो। फिर तुम रोटी कता हुइ जाबैगे जोमे कोइ खमिर नाए होत हए। जोको मतलब हए, कि तुम एक बिश्वासीनको बगाल होबैगे जो बगालमे अइसो कोइ बगाल नाए होए जो अपनो इच्छासे पाप करत होए। काहेकी जब तुम ख्रीष्टमे बिश्वास करे, तओ परमेश्वर तुमके भितरसे शुद्ध बनाइ। काहेकी ख्रीष्ट हमएं हमर पापनसे छुटकारा दइ हए और बा एक भेंणा बरोबर हए जोसे यहूदी आदमी निस्तार तेवहारके समयमे बलि करी रहएं।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

इफिसियों 2:13

एक समय रहए, जब तुम परमेश्वरसे दुर रहओ, पर परमेश्वर बो खुनके माध्यम द्वारा तुमके अपने ढिँगै लाइ हए जो येशू ख्रीष्ट तुमर ताहीं बहाइ।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।