रोमियों 2:29 - राना थारु नयाँ नियम

²⁹ एक सच्चो यहूदी बो हए जौनको हृदय परमेश्वरमे ठिक हए। मोशाको कानुन मानन इकल्लो सच्चो खतना नैयाँ, पर सच्चो खतनाको मतलब, परमेश्वरको आत्मासे हृदय बदल्नो हए। अइसे आदमी, आदमीनसे नाए बल्कि परमेश्वरसे प्रसंसा पात हएं।

परमेस्वर को सच्चो वचन

²⁹ बल्किन, सच्चो यहूदि बहे है जो भीतर से यहूदि है, बौ जोके दिल को खतना भौ है, और जौ परमेस्वर की आत्मा को काम है, लिखित नियम को नाय। ऐसो आदमी परमेस्वर से खुसी हासिल करथै, इंसान से नाय।

रोमियों 2:29 Referans Kwoze

फिलिप्पी 3:3

काहेकी खास करके हम परमेश्वरके आदमी हएं, जो परमेश्वरको आत्माकी अगुवाईसे आराधना करत हएं, और येशू ख्रीष्टमे घमण्ड करत हएं, और शरीरके उपर भरोसा नाए करन बारे सच्चो खतना हम करेहएं।

1 थेसलोनिकी 2:4

परमेश्वर हमके योग्य समझके अच्छो समाचार सौंपी हए। जहेमारे हम आदमीनके नाए, बल्कि हमर हृदय जानन बारो, परमेश्वरके खुसी करनके ताहीं शिक्षा देत हएं।

1 पतरस 3:4

तुमर हृदयमे भए बात तुमके सुन्दर बनात हए। जहे नम्र और शान्त ब्यबहार हए, जो परमेश्वरके ताहीं बहुत मुल्यवान हए।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

2 कोरिन्थी 10:18

काहेकी अपनो तारिफ अपनए करन बारो आदमी स्वीकार नाए करोजात हए, पर जौनको तारिफ प्रभु करत हए, बो प्रभुको नजरमे असल होतहए।

रोमियों 7:6

पर हम अब बो नियम कानुनके ताहीं मरिगए हएं जौन एकचोटी हमके बन्दी बनाएलै रहए, और अब हम नियम कानुनसे छुटीगए हएं, ताकी बाकी आत्माकी आज्ञा मानके अब हम परमेश्वरको सेवा नयाँ तरिकासे कर सकएं, नाएकी पुरानो तरिकासे, जोमे लिखो भओ बातके पालन करनके पणत होबए।

रोमियों 2:27

तुम खतना करेभए यहूदी, खतना नाए करेभए गैर-यहूदीनसे दोषी ठहिरेजाबैगे। काहेकी तुम मोशाको लिखो भओ बातके और खतना पाएके फिर नियम कानुनके पालन नाए करत हओ। पर खतना नाए लगाएसे फिर, गैर-यहूदी कानुनको पालन करत हएं।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

यूहन्ना 12:43

काहेकी बिनके त परमेश्वरसे जद्धा आदमीनसे पान बारो प्रसंसा अच्छो लगत रहए।

यूहन्ना 5:44

पर तुम मिर उपर बिश्वास नाए करपए हओ, काहेकी तुम एकदुस्रेसे प्रसंसा चाँहत हओ, और तुम परमेश्वरसे प्रसंसा पानके कोसिस नाए करत हओ।”

लूका 11:39

पर प्रभु बिनसे कही, “तुम फरिसीनको समुह कटोरा और थरियाके बाहेर त माजत हओ, पर भितर फोहर राहत हए। अइसीयए तुम अपन हात त धोत हओ, पर तुमर मन फोहर रहात हए। तुम पुरो लालची और दुष्ट हओ।

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

यूहन्ना 4:23

पर बो बेरा आएरहो हए, बो बेरा हबैयए हए, जब सच्चा आराधक, दौवा परमेश्वरके आत्मा और सत्यतामे आराधना करंगे। काहेकी दौवा अपने अइसियए आराधकके ढुणत हए।

लूका 17:21

नत् आदमी कएहएं, कि ‘देखओ, ख्रीष्ट हियाँ हए!’ या ‘हुवाँ हए!’ काहेकी देखओ, परमेश्वरको राज्य तुमर बीचमे हए।”

रोमियों 3:1

कुछ आदमी पुँछसकत हएं, का यहूदीनके खतना करे फाइदा हए?

1 कोरिन्थी 7:19

कोइको खतना भओ हए या नाए भओ हए, जासे कोइ फरक नाए पणत हए, पर परमेश्वरको आज्ञानके मानन बहुत जरुरी हए।