रोमियों 2:13 - राना थारु नयाँ नियम

¹³ काहेकी परमेश्वरकी दृष्टिमे धार्मि बे आदमी नाए हएं, जो नियम कानुनके सुनत इकल्लो हएं। पर धार्मि बे हएं जो नियम कानुनके सुनके पालन करत हएं।

परमेस्वर को सच्चो वचन

¹³ काहैकि परमेस्वर के झोने नियम के सुनन बारे धर्मी नाय हैं, लेकिन नियम कै मानन बारे धर्मी होमंगे।

रोमियों 2:13 Referans Kwoze

1 यूहन्ना 3:7

मेरे प्यारे बालकाओ, कोइ आदमी तुमके छल नाए पाबए। जौन धार्मिकताके काम करत हए, बहे ख्रीष्ट जैसो धर्मी हए।

रोमियों 2:25

मए तुमसे कुछ कहानके चाँहत हओं। तुमर खतना करोजानको मोल केवल तब्ही इकल्लो हए, जब तुम नियम कानुनके पालन करत हओ। पर अगर तुम बो नाए करत हओ जो ब्यवस्था कहात हए, तओ तुम खतना करेभए यहूदी आदमी बेहीं आदमी कता हओ, जो यहूदी नाए हएं और जौनको खतना नाए भओ हए।

गलातियों 2:16

तओ फिर हम यहूदी बिश्वासीनके जानत हएं, कि मोशाको नियम कानुनको पालन करके कोइ फिर आदमी परमेश्वरके नजरमे धर्मी घोषित नाए करोजात हए। जहेमारे येशू ख्रीष्टमे इकल्लो बिश्वास करनके द्वारा धर्मी ठहिरत हए। काहेकी हम मोशाको नियम कानुन पालन करके नाए पर येशू ख्रीष्टमे बिश्वास करनसे धर्मी घोषित करेगए हएं।

1 यूहन्ना 2:29

अगर तुम जनत हओ, कि ख्रीष्ट धर्मी हए, तओ जा फिर जनत हओ, कि जो कोइ धार्मिक काम करत हएं; बे परमेश्वरके सन्तान हएं।

रोमियों 10:5

जब मोशाको नियम कानुन पालन करके आदमी, कैसे परमेश्वरद्वारा धर्मी ठहिरनके बारेमे लिखी रहए, बो कही रहए: “जो आदमी नियम कानुनके पालन करत हए, बो उनसे जीवित रहाबैगो।”

लूका 8:21

और बा बिनसे कही, “मिर अइया और मिर भइया बेही हएं, जौन परमेश्वरको बचन सुनत हएं, और बोको पालन करत हएं।”

रोमियों 3:30

काहेकी एकए परमेश्वर हए, जो खतना भएन बारेनके और खतना नाएभए बारेनके बिनको बिश्वासके आधारमे धर्मी ठहिरात हए।

प्रेरित 13:39

येशू ख्रीष्टमे बिश्वास करन बारे सब पापसे छुटकारा पाएके परमेश्वरके अग्गु ठिक ठहिरत हएं। जा छुटकारा मोशाको नियम कानुनसे तुमर ताहीं सम्भब नाए रहए।

लूका 18:14

मए तुमसे कहात हओं, अइसे कहान बारो फरिसी नाए रहए। पर कर उठान बारो रहए, जो परमेश्वरके अग्गु धर्मी ठहेरो गओ। काहेकी हरएक जो कोइ अपनएके बडो बनात हए, बो निचो करो जएहए, और जो अपनएके निचो बनाबैगो बो बडो होबैगो।”

गलातियों 5:4

तुम जो मोशाको नियम कानुनके पालन करनके धर्मी ठहिरन चाँहत हओ, तुम अपनएके ख्रीष्टसे अलग कररहे हओ, और परमेश्वरको अनुग्रहके स्वीकार करनसे इन्कार करदए हओ।

रोमियों 3:23

काहेकी सबए पाप करिहएं और परमेश्वरके घेनसे मिलन बारो महिमाके नाए पाइ हएं।

रोमियों 3:20

जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।

यूहन्ना 13:17

जबकी तुम जे बातनके जानत हओ कहेसे जिनके पालन करओ, और तुम धन्यके हुइजाओ।”

1 कोरिन्थी 4:4

काहेकी मिर बिबेक मोके कछु बातमे दोषी नाए ठाहिरात हए, पर जासे मए निर्दोष नाए ठहिरत हओं, काहेकी मिर न्याय करन बारो परमेश्वर हए।

याकूब 1:27

हमर दौवा परमेश्वरके अग्गु शुद्ध और पबित्र धरम-करम जहेहए, कि अनाथ और बिधुवनको दु:खमे रेखदेख करनो और अपनएके जा संसारके खराब बातसे अलग रहानो हए।