रोमियों 16:13 - राना थारु नयाँ नियम

¹³ रुफसके, जो प्रभुको सेवाके ताहीं खास सेवक होनके ताहीं परमेश्वर द्वारा चुनो भओ हए, और बोकी अइयाके, जो मेरे ताहीं फिर एक अइया कता हए, बे दुनौके नमस्कार हए।

परमेस्वर को सच्चो वचन

¹³ रूफुस कै जो प्रभु मैं चुनो भौ है, और बाकी अईय्या कै भी नमस्ते, जो हमेसा मोकै अपनो बेटा हानी मानी।

रोमियों 16:13 Referans Kwoze

2 यूहन्ना 1:1

मए, यूहन्ना मण्डलीको अगुवा जा चिट्ठी परमेश्वरके द्वारा चुनीभइ बो बैयर और बक लौंणालौंणीयाके लिखरहो हओं, मए तुमके सच्चो रुपसे प्रेम करत हओं। मए इकल्लो नाए, बल्कि सत्यके चिनन बारे सब तुमके प्रेम करत हएं।

1 तिमोथी 5:2

तोके बुढी बैयरनके सँग अइसो ब्यबहार करन चाहो, जैसेकी बे तेरी अपनी अइया हएं, और अपनेसे छोटी उमेरके बैयरनसे उइसी ब्यबहार करन चाहो, जैसेकी बे तेरी अपने बहिनीया हएं। और अइसे शुद्ध मनसे करिए।

मर्कूस 15:21

जब बे सहरसे बाहिर जात रहएं, तओ सिमोन नाउँको एक आदमी सिमोन कुरेनी सहरको इलाकासे यरूशलेम सहरमे आत रहए। और बो अलेक्जेन्डर और रुफसको दौवा रहए, सैनिक बोके हुकुम दइं, कि बो क्रूसके उठाएके बो ठिहातक लैजए जहाँ येशूके क्रूसमे चढामंगे।

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

इफिसियों 1:4

संसारको सृष्टिसे पहिलीयए, ख्रीष्टके सँग हमर एकताके कारण परमेश्वर हमके अपने होनके ताहीं पहिलीएसे चुनलै हए। ताकी हम बाके अग्गु पबित्र और बिना दोषके हुइपामएं।

यूहन्ना 19:27

तओ बो चेलनसे कही, “देख, जा तेरी अइया हए!” और बहे समयसे बो चेला अपनो घरमे लैगओ, और परिवारको हिस्सा बनाइ।

मर्कूस 3:35

काहेकी हरकोइ, जौन परमेश्वरको इच्छा पालन करत हएं, बेहीं मिर भइया, बहिनीया और मिर अइया हएं।”

मत्ती 20:16

अइसियए पिच्छु बारे अग्गु हुइहएं और अग्गु बारे पिच्छु हुइहएं।”

रोमियों 16:12

बहिनीया त्रुफेना और त्रोफोसाके, जो प्रभुमे मेहेनत करत हएं, उनके नमस्कार हए। प्यारी बहिनीया परसीसके, जो प्रभुमे बहुत मेहेनत करी, बोके नमस्कार हए।

रोमियों 16:14

असिंक्रितस, फ्लेगन, हर्मेस, पत्रोबास, हर्मास, और उनके सँग भए बिश्वासी ददाभइयनके नमस्कार हए।